ସୁନ୍ଦରଗଡ,୦୨/୦୭: ପୋଖରୀରେ ଭାସୁଛି ଅଜଣା ବ୍ୟକ୍ତିଙ୍କ ମୃତଦେହ । ଉଦ୍ଧାର କଲା ସୁନ୍ଦରଗଡ଼ ସଦର ଥାନା ପୁଲିସ୍ । କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।
ସୂଚନା ମୁତାବକ, ବୁଧବାର ସକାଳେ ସୁନ୍ଦରଗଡ଼ ବାଉରୀମୁଣ୍ଡା ପୋଖରୀରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଭାସୁଥିବା ଲୋକେ ଦେଖିଥିଲେ । ମୃତକଙ୍କ ବୟସ ପ୍ରାୟ ୫୫ ବର୍ଷ ହୋଇଥିବା ବେଳେ ତାଙ୍କ ଦୁଇ ଗୋଡ଼କୁ ଏକ ରଶି ବନ୍ଧା ଯାଇଛି । କେହି ତାଙ୍କୁ ହତ୍ୟା କରିବା ପରେ ପୋଖରୀରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଏସମ୍ପର୍କରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା । ପରେ ସୁନ୍ଦରଗଡ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଇଛି । ମୃତକଙ୍କ ପରିଚୟ ଖୋଜିବା ଲାଗି ଆଖପାଖ ଗାଁ ଏବଂ ଅନ୍ୟ ଥାନାକୁ ସୂଚନା ଦେଇଛି ସୁନ୍ଗରଗଡ଼ ସହର ଥାନା ପୁଲିସ ।
