ନୂଆଦିଲ୍ଲୀ: ଉତ୍ତର ପ୍ରଦେଶର ସୀତାପୁରରେ ଦିଲ୍ଲୀ-ଲକ୍ଷ୍ନୌ ଜାତୀୟ ରାଜପଥରେ ସ୍ପଷ୍ଟ ଦିବାଲୋକରେ ଜଣେ ସାମ୍ବାଦିକଙ୍କୁ ଗୁଳିକରି ହତ୍ୟା କରାଯାଇଛି । ମୃତ ସମ୍ବାଦିକ ଜଣକ ହେଲେ ରାଘବେନ୍ଦ୍ର ବାଜପେୟୀ। ସମଗ୍ର ଘଟଣାଟି ଇମାଲିଆ ସୁଲତାନପୁର ଥାନା ଅଞ୍ଚଳର ହେମପୁର ରେଳ କ୍ରସିଂ ନିକଟ ଓଭର ବ୍ରିଜ ନିକଟରେ ଘଟିଛି।
ସାମ୍ବାଦିକ ରାଘବେନ୍ଦ୍ର ବାଜପେୟୀ ମାହୋଲି ତହସିଲରେ ଏକ ଜାତୀୟ ଖବରକାଗଜର ପ୍ରତିନିଧି ଥିଲେ ଏବଂ ତାଙ୍କ ହତ୍ୟା ପରେ ଅଞ୍ଚଳରେ ଆତଙ୍କ ଖେଳିଯାଇଛି। ଅପରାଧ କରିବା ପରେ ଅଭିଯୁକ୍ତ ମାନେ ଫେରାର୍ ହୋଇଯାଇଛନ୍ତି। ପୋଲିସ ସୂଚନା ପାଇବା ମାତ୍ରେ ହତ୍ୟାକାଣ୍ଡର ତଦନ୍ତ ଆରମ୍ଭ କରିଛି। ଏହା ସହିତ, ପୋଲିସ ସିସିଟିଭି ମାଧ୍ୟମରେ ଅଭିଯୁକ୍ତ ମାନଙ୍କ ଉପରେ ନଜର ରଖିଛି।
ସାମ୍ବାଦିକଙ୍କ ହତ୍ୟା ସମ୍ପର୍କରେ ଏଏସ୍ପି (ଦକ୍ଷିଣ) ସୀତାପୁର ପ୍ରବୀଣ ରଞ୍ଜନ ସିଂହ କହିଛନ୍ତି ଯେ,ପ୍ରାୟ ଅପରାହ୍ନ ୩.୧୫ ସମୟରେ ଆମେ ଜାତୀୟ ରାଜପଥରେ ସୂଚନା ଅଧିକାର କର୍ମୀ ତଥା ସାମ୍ବାଦିକ ରାଘବେନ୍ଦ୍ର ବାଜପେୟୀଙ୍କ ହତ୍ୟା ସମ୍ପର୍କରେ ସୂଚନା ପାଇଲୁ। ପୋଲିସ ଘଟଣାସ୍ଥଳରେ ପହଞ୍ଚିଛି ଏବଂ ଚାରୋଟି ଦଳ ତଦନ୍ତ କରୁଛନ୍ତି। ଆମେ ସିସିଟିଭି କ୍ୟାମେରା ଯାଞ୍ଚ କରୁଛୁ।
