ନୂଆଦିଲ୍ଲୀ,୦୭/୦୮: ୟୁପିଆଇକୁ ନେଇ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ବଡ଼ ଚେତାବନୀ । PhonePe ଏବଂ Google Pay ୟୁଜର୍ସଙ୍କ ପାଇଁ ଗୁରୁତ୍ବପୂର୍ଣ୍ଣ ସୂଚନା । ଆରବିଆଇ ଗଭର୍ଣ୍ଣର ସଞ୍ଜୟ ମଲହୋତ୍ରା ବୁଧବାର ଦିନ କହିଛନ୍ତି ଯେ, ଦେଶରେ ପେମେଣ୍ଟ ସିଷ୍ଟମରେ ବିପ୍ଳବ ଆଣିଥିବା ୟୁନିଫାଏଡ୍ ପେମେଣ୍ଟସ ଇଣ୍ଟରଫେସ ବା UPI ସବୁଦିନ ପାଇଁ ମାଗଣା ହୋଇନପାରେ। ସେ ସୂଚିତ କରିଛନ୍ତି ଯେ ଡିଜିଟାଲ ପେମେଣ୍ଟ ଇନଫ୍ରାଷ୍ଟ୍ରକଚର ଚଳାଉଥିବାର ଖର୍ଚ୍ଚ ଉପଭୋକ୍ତାମାନଙ୍କ ଉପରେ ଲଦିବାକୁ ପଡ଼ିପାରେ ବୋଲି ସେ ସଙ୍କେତ ଦେଇଛନ୍ତି।
ସଞ୍ଜୟ ମଲହୋତ୍ରା ଏମପିସିର ବୈଠକ ପରେ ଆୟୋଜିତ ପ୍ରେସମିଟରେ କହିଛନ୍ତି ଯେ, ଏହା ଏବେ ବି ମାଗଣା ନୁହେଁ। ଏଥିପାଇଁ କିଏ ନା କିଏ ପେମେଣ୍ଟ କରୁଛି । ସରକାର ତାଙ୍କୁ ସବସିଡି ଦେଉଛନ୍ତି । ସେହିପରି ମର୍ଚେଣ୍ଟ ଡିସକାଉଣ୍ଟ ରେଟ୍ ଉପଭୋକ୍ତାଙ୍କ ଉପରେ ଲଗାଯାଇପାରେ କି ପ୍ରଶ୍ନ ଉପରେ ଆରବିଆଇ ଗଭର୍ଣ୍ଣର କହିଛନ୍ତି, ଖର୍ଚ୍ଚ ହେଉଛି ଏବଂ ଏହି ଖର୍ଚ୍ଚ କାହାରିକୁ ନା କାହାରିକୁ ପେମେଣ୍ଟ କରିବାକୁ ପଡ଼ୁଛି। ଏମଡିଆର ସେହି ଶୁଳ୍କ ଯାହା ପେମେଣ୍ଟ ପ୍ରୋସେସିଂ କମ୍ପାନୀଗୁଡ଼ିକ ଦୋକାନ ଏବଂ ବ୍ୟବସାୟଗୁଡ଼ିକରେ ଡିଜିଟାଲ ପେମେଣ୍ଟ ସ୍ୱୀକାର କରିବାରେ ଆଣିଥାଏ। ଜାନୁଆରୀ ୨୦୨୦ରୁ ୟୁପିଆଇ ଟ୍ରାଞ୍ଜାକ୍ସନକୁ ଏମଡିଆରଠାରୁ ମୁକ୍ତ କରାଯାଇଛି।
ସେହିପରି ଅନ୍ୟପଟେ ୟୁପିଆଇ ଅଗଷ୍ଟ ୨ରେ ଏକ ନୂତନ ରେକର୍ଡ ସ୍ଥାପନ କରିଛି। NPCI ତଥ୍ୟ ଅନୁଯାୟୀ, ଗୋଟିଏ ଦିନରେ UPIରେ ୭୦୦ନିୟୁତରୁ ଅଧିକ କାରବାର ହୋଇଛି, ଯାହା ଏହି ବ୍ୟବସ୍ଥାର ଶକ୍ତି ଏବଂ ଲୋକପ୍ରିୟତାକୁ ଦର୍ଶାଉଛି। ଜୁଲାଇ ୨୦୨୫ ରେ, ୟୁପିଆଇ ୧୯.୪୭ ବିଲିୟନ କାରବାର ପ୍ରକ୍ରିୟାକରଣ କରିଥିଲା, ଯାହାର ମୂଲ୍ୟ ପ୍ରାୟ ୨୫.୧ ଲକ୍ଷ କୋଟି ଟଙ୍କା ଥିଲା ଯାହା ଗତ ବର୍ଷ ତୁଳନାରେ ୩୫% ଅଧିକ। ଆଉ ଏହାରି ମଧ୍ୟରେ ICICI ବ୍ୟାଙ୍କ ଅଗଷ୍ଟ ୧ରୁ PhonePe ଏବଂ Google Pay ଭଳି ୟୁଜର୍ସଙ୍କ ଠାରୁ ପ୍ରତି ଟ୍ରାଞ୍ଜକ୍ସନର ଶୁଳ୍କ ଆଦାୟ କରିବା ଆରମ୍ଭ କରିଛି। ଏହି ପଦକ୍ଷେପ ୟୁପିଆଇର ନିଶୁଳ୍କ ମଡେଲର ସ୍ଥାୟୀତ୍ୱ ଉପରେ ପ୍ରଶ୍ନ ଉଠାଇଛି ଏବଂ ଡିଜିଟାଲ୍ ପେମେଣ୍ଟର ଭବିଷ୍ୟତ ଉପରେ ଏକ ନୂତନ ବିତର୍କ ଆରମ୍ଭ କରିଛି।
