ନୂଆଦିଲ୍ଲୀ,୦୭/୧୧: ଧାରା ୩୭୦ ପ୍ରତ୍ୟାହାର ପ୍ରସ୍ତାବକୁ ନେଇ ଜାମ୍ମୁ କାଶ୍ମୀର ବିଧାନସଭାରେ ଶାସକ ଦଳର ବିଧାୟକ ଏବଂ ବିରୋଧୀଙ୍କ ମଧ୍ୟରେ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଛି।ଏହି ଝଗଡ଼ା ସମୟରେ ରାଜ୍ୟ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ମଧ୍ୟ ଗୃହରେ ଉପସ୍ଥିତ ଥିଲେ। ଗୃହରେ ବୃଦ୍ଧି ପାଉଥିବା ଉତ୍ତେଜନା ଦେଖି ଆସନ୍ତାକାଲି ପର୍ଯ୍ୟନ୍ତ ଗୃହକାର୍ଯ୍ୟକୁ ସ୍ଥଗିତ ରଖାଯାଇଛି। କହିରଖୁଛୁ ଯେ, ବାରାମୁଲାର ଲୋକସଭା ସାଂସଦ ଇଞ୍ଜିନିୟର ରସିଦଙ୍କ ଭାଇ ଖୁରସିଦ ଅହମ୍ମଦ ଶେଖ ଗୃହରେ ଧାରା ୩୭୦ ର ବ୍ୟାନର ଦେଖାଇବା ପରେ ଏହି ବିବାଦ ଆରମ୍ଭ ହୋଇଥିଲା।
ଧାରା ୩୭୦ର ବ୍ୟାନର ଦେଖାଇବା ପରେ ବିଧାନସଭାରେ ବିରୋଧୀଦଳ ନେତା ସୁନୀଲ ଶର୍ମା ଏହାକୁ ବିରୋଧ କରିଥିଲେ। ଏହା ପରେ ଉଭୟ ଦଳର ବିଧାୟକମାନେ ନିଜ ଆସନରୁ ଉଠି ଗୃହମଝିରେ ଝଗଡ଼ା ଲାଗିଥିଲେ। କୁହାଯାଉଛି ଯେ କିଛି ବିଧାୟକଙ୍କ ମଧ୍ୟରେ ହାତାହାତି ପରିସ୍ଥିତି ମଧ୍ୟ ସୃଷ୍ଟି ହୋଇଛି। ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ମାର୍ଶଲମାନଙ୍କୁ ଗୃହଭିତରକୁ ଆସିବାକୁ ପଡ଼ିଲା।
ଉତ୍ତେଜନା ସମୟରେ ନାସନାଲ କନ୍ଫରେନ୍ସ ବିଧାୟକମାନେ କହୁଥିଲେ ଯେ ଆମକୁ ଆମର ଅଧିକାର ଦିଅ। ଧାରା ୩୭୦ ପୁନଃ ସ୍ଥାପିତ ହେବା ଉଚିତ୍। କିନ୍ତୁ ବିଜେପି ବିଧାୟକମାନେ ଧାରା ୩୭୦ ବିରୋଧରେ ଏହି ପ୍ରସ୍ତାବକୁ ବିରୋଧ କରିଆସୁଛନ୍ତି। ତାଙ୍କର ଦାବି ଥିଲା ଯେ ଧାରା ୩୭୦ ବିରୋଧରେ ପ୍ରସ୍ତାବ ପ୍ରତ୍ୟାହାର କରାଯାଉ। ଏହି ଉତ୍ତେଜନା ମଧ୍ୟରେ ଗୃହକୁ କିଛି ସମୟ ପାଇଁ ସ୍ଥଗିତ ରଖାଯାଇଥିଲା, କିନ୍ତୁ ଏହା ପୁଣି ଆରମ୍ଭ ହେବା ପରେ ପୁଣିଥରେ ଉତ୍ତେଜନା ଆରମ୍ଭ ହୋଇଥିଲା, ଯାହା ପରେ ମାର୍ଶାଲମାନେ ବିଧାୟକମାନଙ୍କୁ ବାହାର କରିଦେଉଥିବା ଦେଖିବାକୁ ମିଳିଥିଲା। ବାସ୍ତବରେ, ଇଞ୍ଜିନିୟର ରସିଦଙ୍କ ଭାଇ ତଥା ବିଧାୟକ ଖୁରସିଦ ଅହମ୍ମଦ ଶେଖ ଧାରା ୩୭୦ ଉପରେ ଏକ ବ୍ୟାନର ପ୍ରଦର୍ଶନ କରିଥିଲେ, ଯାହା ପରେ ବିଧାନସଭାରେ ଉତ୍ତେଜନା ଆରମ୍ଭ ହୋଇଥିଲା। ଏହା ପରେ ବିଧାନସଭାରେ ବିରୋଧୀ ଦଳର ନେତା ସୁନୀଲ ଶର୍ମା ଏହାକୁ ନେଇ ଆପତ୍ତି ଉଠାଇଥିଲେ। ଏହା ପରେ ଗୃହକୁ କିଛି ସମୟ ପାଇଁ ସ୍ଥଗିତ ରଖାଯାଇଥିଲା।
