ପ୍ରମୂଖ ଖବର
  • ଫୁଲବାଣୀ : ନିଖୋଜ ବ୍ୟବସାୟୀଙ୍କ ଗଳିତ ମୃତଦେହ ଉଦ୍ଧାର, ହତ୍ୟା ଅଭିଯୋଗ
  • ||
  • କୋରାପୁଟ ଜିଲ୍ଲାପାଳଙ୍କ ଅଚାନକ କୋଟିଆ ଗସ୍ତ, ଏସ୍ ଏସ୍‌ ଡି ହାଇସ୍କୁଲ ପିଲାଙ୍କ ସହ କରିଲେ ଆଲୋଚନା
  • ||
  • ଗଞ୍ଜାମ : ସ୍କୁଲ ଗେଟ୍‌ରେ ପଡିଲା ତାଲା, ଶିକ୍ଷକଙ୍କ ବଦଳି ପ୍ରତିବାଦରେ ଧାରଣା
  • ||
  • କଟକ : ଗାଁ ଲୋକଙ୍କୁ ଖଣ୍ଡାରେ ଆକ୍ରମଣ ଉଦ୍ୟମ କଲେ ଯୁବକ, ଅଭିଯୁକ୍ତ ଗିରଫ
  • ||
  • ନୟାଗଡ଼ : ସ୍ତ୍ରୀ ଚରିତ୍ରକୁ ସନ୍ଦେହ କରି ସ୍ୱାମୀ ଫୋପାଡ଼ିଲା ବୋମା, ଜଣେ ଆହତ
  • ||
  • ଜାମିନ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହେଲେ ଅନିଲ-ହଂସିକା, ପୂର୍ବରୁ ଖାରଜ ହୋଇଥିଲା ଆବେଦନ
  • ||
  • ଭୌମ ଏକାଦଶୀ ପାଇଁ ଶ୍ରୀମନ୍ଦିରରେ ରତ୍ନଭଣ୍ଡାର ମରାମତି ବନ୍ଦ,୩ ମାସରେ କାମ ସାରିବ ଏଏସ୍‌ଆଇ
  • ||
  • ‘ସୁଭଦ୍ରା’ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଟଙ୍କା, ଆଜି ଯାଜପୁରରୁ ସହାୟତା ରାଶି ବାଣ୍ଟିବେ ମୁଖ୍ୟମନ୍ତ୍ରୀ ମୋହନ ମାଝୀ
  • ||
  • କାହାର ହେବ ଦିଲ୍ଲୀ ? ଆପ୍ ମାରିବ ହ୍ୟାଟ୍ରିକ ନା ବାଜିମାରି ନେବ ବିଜେପି, ଆଜି ରେଜଲ୍ଟ
  • ||

ରୁଷ ଉପରେ ପୁଣି କଟକଣା ଲଗାଇଲା ଆମେରିକା: ୩% ବଢ଼ିଲା ଅଶୋଧିତ ତୈଳ ଦର, ପ୍ରଭାବିତ ହେବେ ଭାରତ, ଚୀନ

Published By : Prameya | January 12, 2025 11:51 AM

ନୂଆଦିଲ୍ଲୀ,୧୨/୦୧: ଆମେରିକା ଏବଂ ଜାପାନ ଶୁକ୍ରବାର ରୁଷ ବିରୋଧରେ ୟୁକ୍ରେନ ଯୁଦ୍ଧକୁ ନେଇ ନୂଆ ପ୍ରତିବନ୍ଧକ ଲଗାଇଛନ୍ତି ।  ୟୁଏସ୍‌ ଡିପାର୍ଟମେଣ୍ଟ ଅଫ୍‌ ଷ୍ଟେଟ ମୁତାବକ, ଆମେରିକା ରୁଷର ୨୦୦ରୁ ଉଦ୍ଧ୍ୱର୍ କମ୍ପାନି ଏବଂ ବ୍ୟକ୍ତି  ବିଶେଷଙ୍କ ସହ୧୮୦ରୁ ଉଦ୍ଧ୍ୱର୍ ଜାହାଜ ଉପରେ  ବ୍ୟାନ ଲଗାଇ ଦେଇଛି । ଏହା ସହ ଭାରତୀୟ  କମ୍ପାନି ସ୍କାଏହାର୍ଟ ମ୍ୟାନେଜମେଣ୍ଟ ସର୍ଭିସେସ ଏବଂ ଏଭିଜନ ମ୍ୟାନେଜମେଣ୍ଟ ସର୍ଭିସେସ ଉପରେ ମଧ୍ୟ ନିଷେଧାଦେଶ ଲାଗିଛି । ଏଥିଯୋଗୁ ଭାରତ ଏବଂ  ଚୀନ ଭଳି ଦେଶ ଗୁଡିକ ଉପରେ ମଧ୍ୟ ପ୍ରଭାବ  ପଡିବ ବୋଲି ଆଶଙ୍କା କରାଯାଇଛି ।  

ବାଇଡେନ ସରକାର କହିଛନ୍ତି, ଏହି ୨ ଭାରତୀୟ କମ୍ପାନି ରୁଷର ଏଲଏନ୍‌ଜି ପରିବହନ  କରିଥିଲେ । ଯାହା ଆମେରିକା ପ୍ରତିବନ୍ଧକର ଉଲ୍ଲଘଂନ। ଜାପାନ ମଧ୍ୟ ବିଭିନ୍ନ ରୁଷ ନାଗରିକ ଏବଂ  ସମ୍ପତ୍ତିକୁ ଫ୍ରିଜ କରି ଦେଇଛି । ରୁଷକୁ ସହାୟତା କରିଥିବା କମ୍ପାନି ଏହା ମଧ୍ୟରେ ସାମିଲ ରହିଛି । ଆମେରିକାର ପ୍ରତିବଦ୍ଧକ ଯୋଗୁ ଏବେ ଅଶୋଧିତ  ତୈଳ ଦର ୩% ଯାଏ ବୃଦ୍ଧି ହୋଇଛି । ଅଶୋଧିତ  ତେଲ ଦର ବ୍ୟାରେଲ ପିଛା ୮୦ ଡଲାର ଟପିଛି । 

ଏଭଳି ପ୍ରତିବନ୍ଧକ ଯୋଗୁ ଭାରତ ଏବଂ ଚୀନ୍‌  ଭଳି ତୈଳ ଆମଦାନି ଦେଶ ଗୁଡିକ ପାଇଁ ସଙ୍କଟ  ସ୍ଥିତି ଉପୁଜିପାରେ । ୟୁକ୍ରେନ ଯୁଦ୍ଧ ଆରମ୍ଭ ପରେ  ତେଲ ଦରରେ ଉତ୍ଥାନ ପତନ ଜାରି ରହିଛି । ୨୦୨୨ ମେରେ ଏହା ବ୍ୟାରେଲ ପିଛା ୧୨୩ ଡଲାର  ଛୁଇଁଥିଲା । ସେହିଭଳି ୨୦୨୨ ସେପ୍ଟେମ୍ବରରେ ୮୪  ଡଲାର, ୨୦୨୩ ସେପ୍ଟେମ୍ବରରେ ୯୩ ଡଲାର, ୨୦୨୪ ମାର୍ଚ୍ଚରେ ୮୪ ଡଲାର ଏବଂ ୨୦୨୫ ଜାନୁଆରିରେ ୮୦ଡଲାର ସ୍ତରରେ ଥିଲା ବୋଲି  ମାକ୍ରୋଟ୍ରେଣ୍ଡସ ଡାଟାରୁ ଜଣାପଡିଛି । 

ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି  ବ୍ଲିଙ୍କନ କହିଛନ୍ତି, ତେଲ ଉତ୍ସରୁ ହେଉଥିବା ରୁଷର  ଆୟକୁ ପ୍ରଭାବିତ କରିବା ଲାଗି ଏଭଳି କଟକଣା  ଲାଗିଛି । ରୁଷ, ୟୁକ୍ରେନ ବିରୋଧରେ ଚଳାଇଥିବା  ଯୁଦ୍ଧକୁ ଜାରି କରିବା ଲାଗି ଆର୍ôଥକ ସଙ୍କଟ ସାମ୍ନା  କରିପାରେ । ଜାପାନ ସରକାର ବୟାନ ଜାରି କରି  କହିଛନ୍ତି, ୧୧ ବ୍ୟକ୍ତି, ୨୯ ସଙ୍ଗଠନ ଏବଂ ୩  ରୁଷିୟ ବ୍ୟାଙ୍କ ଉପରେ କଟକଣା ଲାଗିଛି ।  ଏହାବାଦ ରୁଷକୁ ସହାୟତା କରୁଥିବା ଅଭିଯୋଗରେ ଉତ୍ତର କୋରିଆ ଏବଂ ଜର୍ଜିଆର  ଏକ ବ୍ୟାଙ୍କ ବିରୋଧରେ ମଧ୍ୟ କଟକଣା ଜାରି କରାଯାଇଛି । ଜାପାନର ମୁଖ୍ୟ କ୍ୟାବିନେଟ ସଚିବ ୟୋଶିମାସା ହମାସି କହିଛନ୍ତି, ୟୁକ୍ରେନକୁ ସହାୟତା  କରିବା ଦିଗରେ ଏହା ଆମ ପ୍ରତିବଦ୍ଧତାକୁ ଦର୍ଶାଉଛି ।  

ଆମେରିକାର ଏହି କଟକଣା ପରେ ରୁଷ  ରାଷ୍ଟ୍ରପତି କାର୍ଯ୍ୟାଳୟ ପ୍ରବକ୍ତା ଦିମିତ୍ରୀ ପେସକୋଭ  କହିଛନ୍ତି, ବାଇଡେନ ପ୍ରଶାସନ ନୂଆ ସରକାରଙ୍କ  ଲାଗି ସଙ୍କଟ ସୃଷ୍ଟି କରୁଛନ୍ତି । ଆମେ ଜାଣିଛୁ ଯେ,  ବାଇଡେନ ପ୍ରଶାସନ ଯିବା ବେଳେ ଟ୍ରମ୍ପଙ୍କ ଲାଗି  ଲାଗି କିଛି ସମସ୍ୟା ଛାଡି ଯିବାକୁ ଚେଷ୍ଟା କରିବେ ।  ୨୦୨୨ର ରୁଷ ୟୁକ୍ରେନ ଯୁଦ୍ଧ ପରେ ଭାରତ  ଏବଂ ଚୀନ ରୁଷ ତେଲ ଉପରେ ବିଶେଷ  ଭାବେ ନିର୍ଭରଶୀଳ ହୋଇଛନ୍ତି । 

ରୟଟର୍ସ  ମୁତାବକ, ଭାରତୀୟ ତୈଳ ବିଶୋଧନାଗାର  ଗୁଡିକ ପ୍ରତିବନ୍ଧକ ଲାଗିଥିବା ରୁଷ ଜାହାଜ  ଗୁଡିକ ବ୍ୟବହାର କରିବାକୁ ଏତେଟା ଇଛୁକ  ହେବେନି । ଫଳରେ ରୁଷ ତେଲ ଆହୁରି ଶସ୍ତା  ହୋଇପାରେ । ଭାରତୀୟ ରିଫାଇନାରୀର ଜଣେ  ବରିଷ୍ଠ ଅଧିକାରୀ କହିଛନ୍ତି, ପ୍ରତିବନ୍ଧକ କାରଣରୁ  ରୁଷ ତେଲ ବ୍ୟାରେଲ ପିଛା ୬୦ ଡଲାର ଯାଏ  ଖସିପାରେ । ବିଶ୍ୱର ତେଲ ଉତ୍ପାଦନରେ ରୁଷର  ଅଂଶ ୧୦% ରହିଛି । 

ଯୁଦ୍ଧ ପରେ ଭାରତ ରୁଷ ଠାରୁ ତେଲ କିଣା  ବଢ଼ାଇଚାଲିଛି । ନ୍ୟାଶନାଲ ବ୍ୟୁରୋ ଅଫ୍‌ ଏସିଆନ  ରିସର୍ଚ୍ଚ ମୁତାବକ, ୨୦୨୧-୨୨ରେ ଭାରତ ରୁଷ  ଠାରୁ ୨.୫୦ ବିଲିୟନ ଡଲାରର ତେଲ କ୍ରୟ  କରିଥିଲା । ଏହା ୨୦୨୨-୨୩ରେ ଏହା ୩୧  ଡଲାରକୁ ବୃଦ୍ଧି ହୋଇଥିଲା । ୨୦୨୩-୨୪ରେ  ଏହା ୧୪୦ ବିଲିୟନ ଡଲାରକୁ ବୃଦ୍ଧି ହୋଇଛି । 

ଆମେରିକା ଇଣ୍ଟରନ୍ୟାଶନାଲ ଇକୋନୋମିକ୍ସ  ଡେପୁଟି ନ୍ୟାଶନାଲ ସିକ୍ୟୁରିଟି ଆଡଭାଇଜର  ଦିଲ୍ଲୀପ ସିଂହ କହିଛନ୍ତି, ପ୍ରତିବନ୍ଧକ ସଫଳ କରିବା  ଲାଗି ଏହା ସ୍ଥାୟୀ ଭାବେ ଲାଗୁ ହେବା ଜରୁରି ।  ଯେଉଁ ଲକ୍ଷ୍ୟ ରଖି ଏହାକୁ ଲାଗୁ କରାଯାଇଛି ସେ  ଉପରେ ଆମେରିକା ଧ୍ୟାନ କେନ୍ଦ୍ରିତ କରିବା ଉଚିତ । 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.