ନୂଆଦିଲ୍ଲୀ : ବୁଧବାର ଥିଲା G-7 ନେତା ମାନଙ୍କ ବୈଠକର ଶେଷ ଦିନ। ଏହି ସମୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ବିବୃତ୍ତି ଦେଇଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ରାଷ୍ଟ୍ରପତି ଟ୍ରମ୍ପ କହୁଛନ୍ତି କି,"ମୁଁ ବସ୍।" ଏହି ଭିଡିଓଟି ଟ୍ରମ୍ପ୍ ବୈଠକ ପାଇଁ ପ୍ୟାରିସର ଏକ ରିସର୍ଟରେ ପହଞ୍ଚିବା ସମୟର। ବୈଠକ କକ୍ଷରେ ପ୍ରବେଶ କରି ସେ ସମସ୍ତ ନେତାଙ୍କୁ ଚାହିଁ କହିଲେ, "ମୁଁ ବସ୍।" ତା'ପରେ ଟ୍ରମ୍ପ୍ ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମରଙ୍କ ପିଠି ଥାପୁଡ଼ାଇଥିଲେ।
ନ୍ୟୁଜ ଏଜେନ୍ସି ରଏଟର୍ସ ଅନୁଯାୟୀ, ଟ୍ରମ୍ପ୍ ବୈଠକରେ ଶେଷରେ ପହଞ୍ଚିଥିଲେ। ଯେତେବେଳେ ସେ ପହଞ୍ଚିଲେ, ସମସ୍ତ ପ୍ରମୁଖ ନେତା ପୂର୍ବରୁ ବୈଠକ କକ୍ଷରେ ଉପସ୍ଥିତ ଥିଲେ। ପହଞ୍ଚିବା ପରେ, ସେ ମଜାରେ ନିଜକୁ "ବସ୍" ବୋଲି କହିଥିଲେ।
ଟ୍ରମ୍ପ୍ ଙ୍କ ବକ୍ତବ୍ୟ କାହିଁକି ଗୁରୁତ୍ୱପୂର୍ଣ୍ଣ ?
G-7 ଦେଶ ଗୁଡ଼ିକୁ ବର୍ତ୍ତମାନ ଆମେରିକାର ସମର୍ଥନ ଆବଶ୍ୟକ। ୟୁରୋପୀୟ ଦେଶ ଗୁଡ଼ିକ ରୁଷ ଦ୍ୱାରା ଅସୁବିଧାରେ ପଡ଼ିଥିବା ବେଳେ, ଜାପାନ ଭଳି ଦେଶ ଗୁଡ଼ିକ ଚୀନ୍ ଠାରୁ ବଢ଼ୁଥିବା ଚାପର ସମ୍ମୁଖୀନ ହେଉଛନ୍ତି। G-7 ବୈଠକରେ ସଦସ୍ୟ ଦେଶ ମାନେ ରୁଷ ଉପରେ ନୂତନ କଟକଣା ଦାବି କରିଥିଲେ, ଯାହାକୁ ଟ୍ରମ୍ପ ଗ୍ରହଣ କରିଛନ୍ତି। ଏହା ବ୍ୟତୀତ ଆମେରିକା ୟୁକ୍ରେନକୁ ୧ ବିଲିୟନ ଡଲାର ସହାୟତା ପ୍ରଦାନ କରିବାକୁ ପ୍ରତିଶ୍ରୁତି ଦେଇଛି। ୟୁକ୍ରେନକୁ ମଧ୍ୟ ଅସ୍ତ୍ରଶସ୍ତ୍ର ନିର୍ମାଣ ପାଇଁ ଅନୁମତି ଦିଆଯିବ ।
ଏହି ନେତାମାନେ G-7 ବୈଠକରେ ଯୋଗ ଦେଇଥିଲେ…
ପ୍ୟାରିସରେ ଅନୁଷ୍ଠିତ G-7 ବୈଠକରେ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ବ୍ୟତୀତ, ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ, ବ୍ରିଟିଶ ପ୍ରଧାନମନ୍ତ୍ରୀ କୀର ଷ୍ଟାରମର, ଜର୍ମାନ ଚାନ୍ସେଲର ମେର୍ସ, ଇଟାଲୀ ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି, କାନାଡା ପ୍ରଧାନମନ୍ତ୍ରୀ ମାର୍କ କାର୍ନି ଏବଂ ଜାପାନ ପ୍ରଧାନମନ୍ତ୍ରୀ ସାନା ତାକାଏଚି ଉପସ୍ଥିତ ଥିଲେ।
ଏହା ବ୍ୟତୀତ, ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ୟୁକ୍ରେନୀୟ ରାଷ୍ଟ୍ରପତି ଜେଲେନ୍ସକି, ୟୁଏଇ ରାଷ୍ଟ୍ରପତି ଅଲ ନାହ୍ୟାନ, କାତାରର ଆମିର ଥାନି ଏବଂ ଇଜିପ୍ଟର ଅଲ ସିସିଙ୍କୁ ମଧ୍ୟ ବୈଠକରେ ଯୋଗଦେବା ପାଇଁ ସ୍ୱତନ୍ତ୍ର ଭାବରେ ନିମନ୍ତ୍ରଣ କରାଯାଇଥିଲା।
ଏହା ସହ ପଢନ୍ତୁ : US Iran war : ଇରାନ ଯୁଦ୍ଧରେ ଆମେରିକାର ୧୦ ଲକ୍ଷ କୋଟି କ୍ଷତି, ବିପୁଳ କ୍ଷତି ସତ୍ତ୍ଵେ ତେହରାନକୁ ରଣନୀତିକ ସଫଳତା...
