ବ୍ରହ୍ମପୁର, ୩୧/୦୫: ପୂର୍ତ୍ତ ବିଭାଗ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ଘରେ ପଶିଲା ଭିଜିଲାନ୍ସ । ପୂର୍ତ୍ତ ବିଭାଗ ସହକାରୀ ନିର୍ବାହୀ ଯନ୍ତ୍ରୀ ଏନ. ଦିଲ୍ଲୀପ କୁମାର ଚୌଧୁରୀଙ୍କ ଘରେ ଚଢାଉ କରୁଛି ଭିଜିଲାନ୍ସ ଟିମ୍ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢାଉ କରାଯାଉଛି । ଏକକାଳୀନ ୪ ଟି ସ୍ଥାନରେ ରେଡ୍ କରୁଛି ଭିଜିଲାନ୍ସ ଟିମ୍ ।
ଶନିବାର ଆର୍ ଆଣ୍ଡ ବି ଡିଭିଜନ୍ ୧ର ସହକାରୀ ନିର୍ବାହୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ କରାଯାଉଛି । ଏନେଇ ବ୍ରହ୍ମପୁର ସ୍ପେସାଲ ଜଜ୍ଙ୍କ ଦ୍ୱାରା ୱାରେଣ୍ଟ ଜାରି ହେବା ପରେ ଆରମ୍ଭ ହୋଇଛି ରେଡ୍ । ୩ ଜଣ ଡିଏସପି, ୭ ଜଣ ଇନ୍ସପେକ୍ଟର ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ସହ ୧୫ ଜଣିଆ ଟିମ୍ ଶନିବାର ଭୋରୁ ଚଢାଉ କରୁଛନ୍ତି । ବ୍ରହ୍ମପୁରର ଧର୍ମନଗର ସ୍ଥିତ ସ୍ପେକ୍ଟ୍ରମ୍ ରୟାଲ୍ ଠାରେ ଥିବା ଏକ ୨ ବିଏଚକେ ଫ୍ଲାଟ୍, ବ୍ରହ୍ମପୁରର ମୟୁରୀ ବିହାରରେ ଗୋଟିଏ ଦୁଇ ମହଲା ଘର, ବ୍ରହ୍ମପୁରର ଆର୍ ଆଣ୍ଡ୍ ବି ଡିଭିଜନ-୧ରେ ଥିବା ଅଫିସ୍ ଏବଂ ଭୁବନେଶ୍ୱରର ସହିଦ ନଗରରେ ଥିବା ଇଭୋସ୍ ଏକ୍ସୋଟିକା ଆପାର୍ଟମେଣ୍ଟର ଗୋଟିଏ ୩ ବିଏଚକେ ଫ୍ଲାଟ୍ରେ ଏକକାଳୀନ ଚଢାଉ କରୁଛି ଭିଜିଲାନ୍ସ ଟିମ୍ ଚଢାଉ କରୁଛି ।
ଏନ. ଦିଲ୍ଲୀପ କୁମାର ଚୌଧୁରୀ ଦୀର୍ଘ ବର୍ଷ ଧରି ବ୍ରହ୍ମପୁରରେ କାର୍ଯ୍ୟରତ ରହିଥିବା ବେଳେ ଆଜି ଅଫିସରେ ତାଙ୍କର ଶେଷ ଦିନ ରହିଥିଲା। ଆସନ୍ତାକାଲି ସେ ଅବସର ଗ୍ରହଣ କରିବେ। ଅବସର ନେବା ପୂର୍ବରୁ ଭିଜିଲାନ୍ସ ଟିମ୍ ଚଢାଉ କରି ବିଭିନ୍ନ ଦିଗକୁ ନେଇ ତଦନ୍ତ ଜାରି ରଖିଛି । ସେହିପରି ବ୍ରହ୍ମପୁର ସମେତ ଭୁବନେଶ୍ୱରର କିଛି ସ୍ଥାନରେ ଏନ. ଦିଲ୍ଲୀପ କୁମାର ଚୌଧୁରୀଙ୍କ ନାମରେ ପ୍ଲଟ ରହିଥିବା ସୂଚନା ମିଳିଛି।
