ଭୁବନେଶ୍ୱର, ୦୩/୦୮: ବୌଦ୍ଧ MVIଙ୍କ ଘରେ ପଶିଲା ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବୌଦ୍ଧ ପରିବହନ ଅଧିକାରୀ ଗୋଳାପ ଚନ୍ଦ୍ର ହାଁସଦାଙ୍କ ଘରେ ଚଢାଉ କରୁଛି ଭିଜିଲାନ୍ସ ଟିମ୍‌ । ବାରିପଦା, ବୌଦ୍ଧ ଏବଂ ଭୁବନେଶ୍ୱରର ମୋଟ ୬ଟି ସ୍ଥାନରେ ଏକକାଳୀନ ଚଢାଉ କରୁଛି ଭିଜିଲାନ୍ସ ଟିମ୍ । 

ଏନେଇ ସ୍ୱତନ୍ତ୍ର ବିଚାରପତିଙ୍କ ଦ୍ୱାରା ସର୍ଚ୍ଚ ୱାରେଣ୍ଟ ଜାରି ହେବା ପରେ ମୋଟ ୬ ଟି ସ୍ଥାନରେ ଚଢାଉ କରାଯାଉଛି । ଏହି ରେଡ୍‌ରେ ୪ ଜଣ ଡିଏସପି, ୭ ଜଣ ଇନ୍ସପେକ୍ଟର ଏବଂ ସହାୟକ କର୍ମଚାରୀ ସାମିଲ ହୋଇଛନ୍ତି । ବାରିପଦାର ପ୍ରଫୁଲ୍ଲ ନଗର ସ୍ଥିତ ଘର, ବୌଦ୍ଧରେ ଥିବା ଭଡ଼ା ଘର, ବୌଦ୍ଧ ଆରଟିଏରେ ଥିବା ତାଙ୍କ ଅଫିସ୍‌, ମୟୂରଭଞ୍ଜ ଗୁଡିଡିହା ଗ୍ରାମରେ ଥିବା ପୈତୃକ ଘର, ଭୁବନେଶ୍ୱରର ପାଣ୍ଡରାରେ ତାଙ୍କ ଝିଅର ଭଡା ଘର, ବାରିପଦାର ବାଗଡିହାରେ ତାଙ୍କ ସହଯୋଗୀଙ୍କ ଘରେ ଏକକାଳୀନ ଚଢାଉ କରୁଛି ଭିଜିଲାନ୍ସ ଟିମ୍ ।