କୋକସରା,୨୩/୦୬ : କଳାହାଣ୍ଡି ଜିଲ୍ଲା କୋକସରା ବ୍ଲକ କାଶିବାହଲ ପଞ୍ଚାୟତ କାଶିବାହଲ ଗ୍ରାମ ତଳପଡା କୁ ସଂଯୋଗ କରୁଥିବା ରାସ୍ତା ବର୍ଷା ଯୋଗୁଁ ଗାଁ ରାସ୍ତା କର୍ଦ୍ଧମାର୍ଦ୍ଧ ହୋଇ ଗ୍ରାମବାସୀ ଙ୍କ ଯାତାୟାତ ରେ ସମସ୍ୟା ହେଉଛି। ଗ୍ରାମବାସୀ ଅନେକ ସମୟରେ ସ୍ଥାନୀୟ ସରପଞ୍ଚ ଓ ପଞ୍ଚାୟତ ଅଧିକାରୀ ଙ୍କୁ ଗ୍ରାମ ରାସ୍ତା ମରାମତି ପାଇଁ ଅଭିଯୋଗ କରିବା ସତ୍ତ୍ୱେ ମଧ୍ୟ କୌଣସି ସୁଫଳ ମିଳି ନ ଥିଲା। ଶେଷରେ ଗ୍ରାମବାସୀ ନିଜେ ଚାନ୍ଦା ଆଦାୟ କରି ଗାଁ ରାସ୍ତା ମରାମତି କରି ପ୍ରଶାସନକୁ ନିଜର ଏକତା ର ବଳ ଦେଖାଇଛନ୍ତି।
ଗ୍ରାମ ପଞ୍ଚାୟତରେ ଗାଁ ର ଭିତ୍ତିଭୂମି ବିକାଶ ପାଇଁ ବିକଶିତ ଗାଁ ବିକଶିତ ଓଡିଶା ସମେତ ଅନ୍ୟ ଯୋଜନା ରେ ଅନୁଦାନ ଆସୁଥିବା ବେଳେ ପଞ୍ଚାୟତ କର୍ତ୍ତୃପକ୍ଷଙ୍କ ବେପରୁଆ ମନୋଭାବ ଯୋଗୁଁ ଅନୁଦାନର ସଫଳ ରୂପାୟନ ହୋଇ ପାରୁନାହିଁ। କାଶିବାହଲ ତାଳପଡା ର କୃପାସିନ୍ଧୁ ନାଏକ, ଲାବାନ୍ୟ ବାଣୁଆ, ଗୋବର୍ଦ୍ଧନ ବାଣୁଆ, କୈଳାସ ଶବର, ଚମ୍ପେଶ୍ୱର ଚଳାନ,କିଶୋର ନାଏକ, ହିମାଦ୍ରୀ ଧଙ୍ଗଡା ମାଝୀ,ପଦ୍ମମୁଖ ପୁଝାରି, ରସିକ ଲାଲ ମାଝୀ ସମେତ କାଶିବାହଲ ତାଳପଡା ଗ୍ରାମବାସୀ ସରପଞ୍ଚ ଙ୍କୁ ରାସ୍ତା ମରାମତି ପାଇଁ ଅଭିଯୋଗ ପରେ ମଧ୍ୟ କୌଣସି ପଦକ୍ଷେପ ଗ୍ରହଣ ନ କରିବାରୁ ପଡ଼ାବାସୀ ଏହି ନିଷ୍ପତ୍ତି ନେଇ ନିଜ ଖର୍ଚ୍ଚ ରେ ରାସ୍ତା ମରାମତି କରିଥିବା ଜଣାପଡ଼ିଛି।
