ନୂଆଦିଲ୍ଲୀ : ଅଷ୍ଟ୍ରେଲିଆରୁ ଆସିଥିବା ଏକ ଭିଡ଼ିଓ ଏହି ସମୟରେ ସୋସିଆଲ ମିଡ଼ିଆରେ ଖୁବ୍ ଜୋରରେ ଭାଇରାଲ ହେଉଛି, ଯାହାକି ଏହି ସମୟରେ ଭାବିବାକୁ ବାଧ୍ୟ କରି ଦେଇଛି ଯେ, ଟେକ୍ନୋଲଜି ମଣିଷର ଜୀବନକୁ କେତେ ମାତ୍ରାରେ ପ୍ରଭାବିତ କରିଛି। ଏହି ଭିଡ଼ିଓରେ ଜଣେ ମହିଳାଙ୍କୁ ସ୍ୱିମିଂ କରିବା ସହ ମୋବାଇଲ ଫୋନ୍ ବ୍ୟବହାର କରିବାର ଦେଖିବାକୁ ମିଳିଛି, ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ଓ ଚିନ୍ତିତ ମଧ୍ୟ ହୋଇଛନ୍ତି।
ଉକ୍ତ ଭିଡ଼ିଓଟି ସିଡନୀର ପ୍ରସିଦ୍ଧ ବନଡାଇ ଆଇସବର୍ଗ୍ସ ପୁଲ୍ର ଥିବା କୁହାଯାଉଛି। ପ୍ରାରମ୍ଭିକ ଭାବେ ସବୁକିଛି ସାଧାରଣ ନଜର ଆସୁଛି। କ୍ୟାମେରା ଏକ ସ୍ଥିର ପୁ୍ଲ୍ର ଦୃଶ୍ୟକୁ ଦେଖାଉଛି, କିନ୍ତୁ ଯେମିତି ହିଁ ଫୋକସ ଜଣେ ମହିଳାଙ୍କ ଉପରକୁ ଯାଉଛି, ଦୃଶ୍ୟ ସଂପୂର୍ଣ୍ଣ ରୂପେ ବଦଳି ଯାଉଛି।
ଭିଡ଼ିଓରେ ମହିଳା ଜଣଙ୍କ ପିଠି ସାହାଯ୍ୟରେ ପହଁରୁ ଥିବାର ଗୋଟିଏ ହାତରେ ମୋବାଇଲ ଧରି ଏବଂ ଲଗାତାର ସ୍କ୍ରିନ ଦେଖୁଛନ୍ତି। ଆଶ୍ଚର୍ଯ୍ୟର କଥା ଏହା ଯେ, ସେ ପାଣିରେ ଥାଇ ମଧ୍ୟ ଫୋନ୍ରୁ ନଜର ହଟାଉ ନାହାନ୍ତି। ଏହି ଦୃଶ୍ୟ ଲୋକଙ୍କ ପାଇଁ ସବୁଠୁ ଅଧିକ ଆଶ୍ଚର୍ଯ୍ୟକର ସାଜିଛି।
ଭିଡ଼ିଓରେ କମେଣ୍ଟ କରୁଥିବା ଲୋକେ ଏହାକୁ ଡିଜିଟାଲ ନିଶାର ବିପଜ୍ଜନକ ଉଦାହରଣ କହିଛନ୍ତି। ଜଣେ ୟୁଜର ଲେଖିଛନ୍ତି , ଏକ ପ୍ରଜାତି ଭାବେ ଏବେ ଆମେ ଯେଉଁ ସ୍ଥାନରେ ପହଞ୍ଚି ସାରିଛେ, ସେଠାରୁ ଫେରିବା ମୁସ୍କିଲ। ଅନ୍ୟଜଣେ ୟୁଜର କହିଛନ୍ତି – ଏହାକୁ ବର୍ତ୍ତମାନ ସୁଦ୍ଧା ସବୁଠୁ ଜିଷ୍ଟୋପିୟନ ଜିନିଷ ଭାବେ ଦର୍ଶାଇଛନ୍ତି। ଆଉ ଜଣେ ୟୁଜର ଲେଖିଛନ୍ତି , ବିଶ୍ୱ ସତରେ ପାଗଳ ହୋଇ ଯାଇଛି , ଫୋନ୍ ତଳେ ରଖ ଏବଂ ବାସ୍ତବ ଦୁନିଆରେ ବଞ୍ଚ । ଆଉ ଜଣେ ୟୁଜର ମଜାଳିଆ ଢଙ୍ଗରେ ଲେଖିଛନ୍ତି, ଆପଣ ଫୋନ୍ରେ ଅଭ୍ୟସ୍ତ ଏବଂ ବିଚ୍ ଲାଇଫ୍ରେ ମଧ୍ୟ।
ମହିଳା ଜଣଙ୍କ ପାଣିରେ ପହଁରି ଫୋନ୍ ଚଲାଇବା ଟେକ୍ନୋଲଜି ଆଡିକ୍ସନର ସେହି ମହାମାରୀ ଭଳି ବ୍ୟାପିବାର ନୂଆ ଉଦାହରଣ ହୋଇ ଯାଇଛି, ଯାହା ପୂରା ଦୁନିଆରେ ଖୁବ୍ ଜୋରରେ ବଢୁଛି। ଆଡିକ୍ସନହେଲ୍ପ ଡଟ୍ କମ୍ ମୁତାବିକ , ସାରା ବିଶ୍ୱରେ ପାଖାପାଖି ୨୫ କୋଟି ଲୋକ ସୋସିଆଲ ମିଡ଼ିଆ ସହ ଜଡ଼ିତ। ଏହି ଅଭ୍ୟାସ କେବଳ ଲୋକଙ୍କୁ ଏକୁଟିଆ ଓ ଅବସାଦଗ୍ରସ୍ତ କରାଉନି, ଏହାସହ ଏଥିରେ ମୁଡ୍ ସ୍ୱିମିଂ, ନିଦ୍ରାହୀନତା , ଦାୟିତ୍ୱବୋଧ ଠାରୁ ଦୂରତ୍ୱ ଭଳି ସମସ୍ୟା ଖୁବ୍ ଜୋରରେ ବଢିବାରେ ଲାଗିଛି।
ଜର୍ନାଲ ପେଡିଆଟ୍ରିକ୍ସର ଷ୍ଟଡି ମୁତାବିକ, ଯେଉଁ ପିଲାଙ୍କ ପାଖକୁ ୧୨ ବର୍ଷ ପୂର୍ବରୁ ମୋବାଇଲ ଫୋନ୍ ଆସିଯାଉଛି, ଏଥିରେ ଡିପ୍ରେସନ , ମୋଟାପା, ଓ ଖରାପ ନିଦର ବିପଦ ସେହି ପିଲାଙ୍କ ତୁଳନାରେ ଖୁବ୍ ଅଧିକ ମିଳିଛି,ଯାହାଙ୍କ ପାଖରେ ସେହି ବୟସରେ ଫୋନ୍ ନଥିଲା।
