ମୁମ୍ବାଇ,୦୪/୦୫:କ୍ରିକେଟର ବିରାଟ କୋହଲି ନିକଟରେ ବି-ଟାଉନ୍ ଅଭିନେତ୍ରୀ ଅବନୀତ କୌରଙ୍କର ଏକ ପୋଷ୍ଟ୍କୁ ଲାଇକ୍ କରିଥିଲେ । କିନ୍ତୁ କିଛି ସମୟ ପରେ ଲାଇକ୍କୁ ହଟାଇଦେଲେ । କିନ୍ତୁ ଇତି ମଧ୍ୟରେ କୋହଲିଙ୍କ ଲାଇକ୍ର ସ୍କ୍ରିନ୍ଶଟ୍ ସୋସିଆଲ ମିଡିଆରେ ଭାଇରାଲ ହୋଇଗଲା । ଏହି ମାମଲାକୁ ନେଇ ବିଭିନ୍ନ ପ୍ରକାର ଚର୍ଚ୍ଚା ବି ଆରମ୍ଭ ହେଲା । ଏବେ ଏ ମାମଲାରେ ବିରାଟ ସଫେଇ ଦେଇଛନ୍ତି ।
କୋହଲି ନିଜ ଇନ୍ଷ୍ଟା ଷ୍ଟୋରୀରେ ଲେଖିଛନ୍ତି ‘ମୁଁ ଏହା ସ୍ପଷ୍ଟ କରିବାକୁ ଚାହୁଁଛି ଯେ ଫିଡ୍ କ୍ଲିୟର୍ କରିବା ସମୟରେ ବୋଧ ହୁଏ ଆଲ୍ଗୋରିଦମ୍ ଭୁଲରେ କୌଣସି କାର୍ଯ୍ୟକଳାପ ରେଜିଷ୍ଟର୍ କରିଦେଇଛି । ଏହା ପଛରେ ମୋର କୌଣସି ଉଦ୍ଦେଶ୍ୟ ନ ଥିଲା । ମୁଁ ଆପଣଙ୍କୁ ନିବେଦନ କରୁଛି, ଦୟାକରି ଅଯଥା କୌଣସି ପ୍ରକାର କାହାଣୀ ସୃଷ୍ଟି ନ କରନ୍ତୁ । ବୁଝିବା ପାଇଁ ଧନ୍ୟବାଦ ।’ କୋହଲି ଅବନୀତ କୌରଙ୍କ ଫ୍ୟାନ୍ ପେଜ୍ର ପୋଷ୍ଟ୍ ଲାଇକ୍ କରିବା ପରେ ୟୁଜର୍ ବିଭିନ୍ନ ପ୍ରକାର ପ୍ରତିକ୍ରିୟା ଦେଲେ । ଏ ବର୍ଷ ଅବନୀତ ଦୁବାଇରେ ଭାରତର ଏକ ଚାମ୍ପିଅନ୍ସ ଟ୍ରଫି ମ୍ୟାଚ୍ର ଫଟୋ ଶେୟାର କରିଥିଲେ । ଏହା ପରେ ଶୁଭମନ ଗିଲ୍ଙ୍କ ସହ ତାଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଲା । ଗୋଟିଏ ଫଟୋରେ ସେ ଶୁଭମନଙ୍କୁ ଜନ୍ମଦିନ ଶୁଭେଚ୍ଛା ମଧ୍ୟ ଜଣାଇଥିଲେ । କିନ୍ତୁ ଫ୍ୟାନ୍ଙ୍କ କହିବା ଅନୁସାରେ, ଅବନୀତ ପ୍ରକୃତରେ ପ୍ରଯୋଜକ ରାଘବ ଶର୍ମାଙ୍କୁ ଡେଟ୍ କରୁଛନ୍ତି ।
