ମୁମ୍ବାଇ, ୨୦/୫ : ଆକ୍ସନ- ଥ୍ରୀଲର ଫିଲ୍ମ ‘ଓ୍ବାର ୨’ ବଲିଉଡ଼ର ମୋଷ୍ଟ ଆଓ୍ବେଟେଡ ଫିଲ୍ମ ମଧ୍ୟରୁ ଗୋଟିଏ । ହ୍ରିତିକ ରୋଶନ ଷ୍ଟାରର ଏହି ଫିଲ୍ମ ୧୪ଅଗଷ୍ଟରେ ଫିଲ୍ମ ହଲରେ ରିଲିଜ ହେବାକୁ ଯାଉଛି । ଏହା ପୂର୍ବରୁ ମେକର୍ସ ଖୁବଶୀଘ୍ର ଫିଲ୍ମର ଟ୍ରେଲର ରିଲିଜ କରିବାକୁ ଯାଉଛନ୍ତି । ଅୟାନ ମୁଖାର୍ଜୀଙ୍କ ନିର୍ଦ୍ଦେଶନାଧିନ ଫିଲ୍ମ ‘ଓ୍ବାର ୨’ ୨୦୧୯ରେ ରିଲିଜ ହୋଇଥିବା ‘ଓ୍ବାର’ର ସିକ୍ବେଲ ଅଟେ ।
କେତେକ ଗଣମାଧ୍ୟମ ରିପୋର୍ଟ୍ସ ଅନୁସାରେ ‘ଓ୍ବାର ୨’ର ବଜେଟ ପ୍ରାୟ ୨୦୦କୋଟି ହେବ । ଏହି ଫିଲ୍ମରେ ହ୍ରିତିକ ରୋଶନ ପୁଣି ଥରେ ଲିଡ୍ ରୋଲରେ ଦେଖାଯିବେ । ଓ୍ବାର ଭଳି ‘ଓ୍ବାର ୨’ରେ ବି ତାଙ୍କୁ ଫୁଲ୍ ଆକ୍ସନ ଅବତାରରେ ଦେଖିବାକୁ ମିଳିବ । ଫିଲ୍ମ ଲାଗି ଅଭିନେତା ପ୍ରାୟ ବଜେଟର ଏକ ଚତୁର୍ଥାଂଶ ଫିସ୍ ଭାବେ ନେଇଛନ୍ତି । ହ୍ରିତିକ ରୋଶନ ‘ଓ୍ବାର ୨’ ଲାଗି ୪୮କୋଟି ଟଙ୍କା ଫିସ୍ ନେଇଛନ୍ତି । ହ୍ରିତିକ ରୋଶନ ଷ୍ଟାରର ଏହି ଫିଲ୍ମରେ ସାଉଥ ଅଭିନେତା ଜୁନିୟର ଏନଟିଆର ବି ନଜର ଆସିବେ। ‘ଓ୍ବାର ୨’ଦ୍ବାରା ଜୁନିୟର ଏନଟିଆର ବଲିଉଡ଼ରେ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମରେ ସେ ଭିଲେନ ଅବତାରରେ ନଜର ଆସିବେ । ଏହି ରୋଲ୍ ଲାଗି ଜୁନିୟର ଏନଟିଆର ୩୦କୋଟି ଟଙ୍କା ଫିସ୍ ନେଇଥିବା ଜଣାପଡ଼ିଛି ।
‘ଓ୍ବାର ୨’ରେ କିୟାରା ଆଡ଼ଭାଣୀ ମୁଖ୍ୟ ଅଭିନେତ୍ରୀ ଭାବେ ଦେଖାଯିବେ । ଏହା ପ୍ରଥମ ଥର ଅଟେ ଯେତେବେଳେ ଅଭିନେତା ହ୍ରିତିକ ରୋଶନଙ୍କ ସହ ପରଦାରେ ରୋମାନ୍ସ କରୁଥିବା ନଜର ଆସିବେ । ଏହି ଚରିତ୍ର ପାଇଁ କିୟାରାଙ୍କୁ ୧୫କୋଟି ଟଙ୍କା ମିଳିଛି । ସେହିଭଳି ଟିଭି ସିରିୟଲ୍ସରେ ନିଜ ଅଭିନୟର ଯାଦୁ ଦେଖାଇ ସାରିଥିବା ଅଭିନେତା ଶବ୍ବୀର ଅହଲୁବାଲିୟା ବି ‘ଓ୍ବାର ୨’ର ଭାଗିଦାରୀ ଅଟନ୍ତି । ମାତ୍ର ଏବେ ପର୍ଯ୍ୟନ୍ତ ତାଙ୍କ ଚରିତ୍ର ଉପରୁ ପରଦା ଉଠି ନାହିଁ, କିନ୍ତୁ ଫିଲ୍ମ ଲାଗି ସେ ୩୦ରୁ ୩୫ଲକ୍ଷ ଟଙ୍କା ନେଇଥିବା ଜଣାପଡ଼ିଛି ।
‘ଓ୍ବାର ୨’ର ନିର୍ଦ୍ଦେଶନା ଅୟାନ ମୁଖାର୍ଜୀ ସମ୍ଭାଳିଛନ୍ତି, ଏହି ଏଥିଲାଗି ସେ ୩୨କୋଟି ଟଙ୍କା ଫିସ୍ ନେଇଛନ୍ତି । ଏହି ଆକ୍ସନ- ଥ୍ରୀଲର ଫିଲ୍ମରେ ଜନ ଅବ୍ରାହମ ବି ନଜର ଆସିବେ । ଫିଲ୍ମରେ ତାଙ୍କର ସ୍ପେଶାଲ ଆପିୟରାନ୍ସ ହେବ ଯେଉଁଥିଲାଗି ତାଙ୍କୁ ମୋଟା ଅଙ୍କର ଫିସ୍ ବି ଦିଆଯାଇଛି ।
