ନୂଆଦିଲ୍ଲୀ, ୨୫।୧: ଆଜିକାଲି ମହିଳାମାନେ ପାର୍ଲର ଯିବା ସାଧାରଣ କଥା ପାଲଟିଲାଣି । ବିଶେଷ କରି ହେୟାର କେୟାର ଟ୍ରିଟମଣ୍ଟ ପାଇଁ ମହିଳାମାନେ ପାର୍ଲରରେ କେଶ ସଫା କରିଥାନ୍ତି । ପାର୍ଲରରେ କେଶ ଧୋଉଥିଲେ ଆପଣଙ୍କ ଜୀବନ ବି ବିପଦରେ ପଡ଼ିପାରେ । ନିକଟରେ ସର୍ଭେରୁ ଏକ ଚାଞ୍ଚଲ୍ୟକର ରିପୋର୍ଟ ସାମନାକୁ ଆସିଛି । ପାର୍ଲରରେ କେଶ ସଫା କରିବା ସମୟରେ ଗଳା ଉପରେ ଅଧିକ ଚାପ ପଡ଼ିଥାଏ । ଯାହା ପରେ ଏମିତି କିଛି ଲକ୍ଷଣ ଦେଖାଯାଏ । ପାର୍ଲରରେ କେଶ ଧୋଉଥିବା ସମୟରେ ଏଭଳି ଲକ୍ଷଣ ଦେଖାଯାଉଥିଲେ ସତର୍କ ହୋଇଯାନ୍ତୁ । ନଚେତ୍ ଚାଲିଯାଇପାରେ ଆପଣଙ୍କ ଜୀବନ ।
ସୁନ୍ଦର ଦେଖାଯିବାକୁ ମହିଳାମାନେ ନାନା ପ୍ରକାର ଉପାୟ ଆପଣାନ୍ତି । ଗାଁ ମହିଳାଙ୍କ ଅପେକ୍ଷା ସହରର ପ୍ରାୟ ସମସ୍ତ ମହିଳା ବିୟୁଟି ପାର୍ଲର ଯାଇଥାନ୍ତି । ମହିଳାମାନେ ନିଜ ସୌନ୍ଦର୍ଯ୍ୟ ବଢ଼ାଇବା ଆଶାରେ ନିଜର କ୍ଷତି କରିବସୁଛନ୍ତି । ବିଶେଷକରି ଯେଉଁମାନେ କେଶ ସଫା କରିବା ଲାଗି ପାର୍ଲର୍ ଯାଉଛନ୍ତି । ଏକ ସର୍ଭେରୁ ଜଣାପଡ଼ିଛି ଯେ, କେଶ ସଫା କରୁଥିବା ମହିଳା ହାର୍ଟ ଷ୍ଟ୍ରୋକ୍ର ଶିକାର ହୋଇପାରନ୍ତି । ପାର୍ଲରରେ କେଶ ସଫା କରିବା ସମୟରେ ଗଳା ଉପରେ ଅଧିକ ଚାପ ପଡ଼ିଥାଏ । ବିଶେଷକରି ୫୦ ବର୍ଷ ପରେ ମହିଳାମାନଙ୍କଠାରେ ଷ୍ଟ୍ରୋକ୍ର ଆଶଙ୍କା ବଢ଼ିଥାଏ । ଏହାକୁ ବିୟୁଟି ପାର୍ଲର୍ ଷ୍ଟ୍ରୋକ୍ ସିଣ୍ଡ୍ରୋମ୍ କୁହାଯାଏ । ଯେଉଁ କାରଣରୁ ଆପଣଙ୍କ ମୃତ୍ୟୁ ବି ହୋଇପାରେ । ପାର୍ଲରରେ କେଶ ସଫା କରିବା ଲାଗି ଏକ ଖାସ୍ ବେସିନ୍ ଥାଏ । ଯେଉଁଥିରେ ମୁଣ୍ଡ ରଖି କେଶ ସଫା କରାଯାଏ । ବେସିନ୍ ଉପରେ ବାରମ୍ବାର ବେକକୁ ବୁଲାଇବା ଦ୍ୱାରା ରକ୍ତ ନଳୀ ଉପରେ ଚାପ ପଡ଼ିଥାଏ । ଗଳାର ଏହି ରକ୍ତନଳୀ ମସ୍ତିଷ୍କକୁ ରକ୍ତ ପହଞ୍ଚାଇଥାଏ, କିନ୍ତୁ ଚାପି ହେବା ଯୋଗୁଁ ମସ୍ତିଷ୍କକୁ ରକ୍ତ ପ୍ରବାହ କମିଯାଏ । ତେଣୁ ଷ୍ଟ୍ରୋକ୍ର ଆଶଙ୍କା ବଢ଼ିଥାଏ ।
ବିୟୁଟି ପାର୍ଲର୍ ଷ୍ଟ୍ରୋକ୍ ସିଣ୍ଡ୍ରୋମ୍ର ଲକ୍ଷଣ କ’ଣ ଆସନ୍ତୁ ଜାଣିବା । ହଠାତ୍ ମୁଣ୍ଡବିନ୍ଧା, ମୁଣ୍ଡ ବୁଲାଇବା ସହ ଶରୀରର ସନ୍ତୁଳନ ବିଗିଡ଼ିବା, ଆଖିକୁ ସ୍ପଷ୍ଟ ଭାବେ ଦେଖା ନ ଯିବା, ଆଖିକୁ ସବୁ କିଛି ଧୂଆଁଳିଆ ଦେଖାଯିବା ଡବଲ ଭିଜନ୍, ବାନ୍ତି ହେବା ପରି ଲକ୍ଷଣ ଦେଖାଯାଏ । କେହି କେହି ଅଚେତ୍ ହୋଇଯାନ୍ତି । ଯଦି ପାର୍ଲର୍ରେ ମୁଣ୍ଡ ସଫା କରୁଥାନ୍ତି, ତେବେ ବେକକୁ ଅଧିକ ନୁଆଁନ୍ତୁନାହିଁ । ମୁଣ୍ଡ ସଫା କରୁଥିବା ବେଳେ ବେକରେ କିଛି ସର୍ପୋଟ ଦିଅନ୍ତୁ । ଅଧିକ ସମୟ ପାଇଁ କେଶ ସଫା କରନ୍ତୁନି । କମ୍ ସମୟରେ କେଶ ସଫା କରିବାକୁ ପ୍ରୟାସ କରନ୍ତୁ ।
