କେନ୍ଦୁଝର ସଦର,୫/୭(ଆପ୍ର) ରାଜ୍ୟ ବ୍ୟାପୀ ଲଘୁଚାପ ଜନିତ ଲଗାଣ ବର୍ଷା ଜାରୀ ରହିଥିବା ବେଳେ କେନ୍ଦୁଝର ଜିଲ୍ଲାର ଅବସ୍ଥା ମଧ୍ଯ ବେହାଲ୍ ହୋଇଛି। ନିର୍ଦ୍ଧାରିତ ସମୟ ସନ୍ଧ୍ୟା ୬.୨୦ରେ କେନ୍ଦୁଝରଗଡରେ ପହଁଚି ୬.୨୫ରେ କେନ୍ଦୁଝର ଛାଡ଼ିବାକୁ ଥିଲା ବନ୍ଦେ ଭାରତ ଏକ୍ସପ୍ରେସ । ବର୍ଷା ଯୋଗୁଁ ଶନିବାର ସନ୍ଧ୍ୟା ୬.୫୫ ମିନିଟରେ ପୂର୍ବତଟ ରେଳପଥ ଖର୍ଦ୍ଧା ମଣ୍ଡଳ ଅନ୍ତର୍ଗତ କେନ୍ଦୁଝର ଜିଲ୍ଲା ଗୁଆଲଡିହ ଷ୍ଟେସନରେ ଘଣ୍ଟା ଘଣ୍ଟା ଧରି ଅଟକି ରହିଛି ବନ୍ଦେ ଭାରତ ଏକ୍ସପ୍ରେସ।
ମିଳିଥିବା ସୂଚନା ଅନୁଯାୟୀ ଗୁଆଲଡିହ ଷ୍ଟେସନରେ ମାଟି ଅତଡ଼ା ସାଙ୍ଗକୁ ପାଣି ଜମି ରହିଥିବା ଯୋଗୁଁ ବନ୍ଦେ ଭାରତ ଆଗକୁ ଯାଇ ପାରି ନାହିଁ ତା ସହିତ ଅନ୍ୟାନ୍ୟ ଟ୍ରେନ ଗୁଡ଼ିକ ମଧ୍ୟ ଅଟକି ରହିଛି। ସିଗ୍ନାଲ ସମ୍ପୂର୍ଣ ଭାବେ ଫେଲ ହୋଇଯାଇଛି। ଖବର ଲେଖା ହେବା ପର୍ଯ୍ୟନ୍ତ ବନ୍ଦେ ଭାରତ ସେହି ସ୍ଥାନରେ ହିଁ ଅଛି । ସ୍ଥାନୀୟ ପ୍ରଶାସନ ପକ୍ଷରୁ ଜେସିବି ଦ୍ଵାରା ସଫା କାର୍ଯ୍ୟ କରାଯିବ ବୋଲି ସୂଚନା ମିଳିଛି।
