ଭୁବନେଶ୍ୱର,୨୫/୧୧: ଆସନ୍ତା ଦୁଇ ଦିନ ପରେ ରାଜ୍ୟରେ ଶୀତ ସାମାନ୍ୟ କମିପାରେ । ୨୭ ତାରିଖ ବେଳକୁ ରାତି ତାପମାତ୍ରା ୨ରୁ ୪ ଡିଗ୍ରୀ ବଢ଼ିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
ରବିବାର ୧୮ଟି ସହରର ତାପମାତ୍ରା ୧୫ ଡିଗ୍ରୀ ତଳେ ରହିଛି । ଜି ଉଦୟଗିରିରେ ପାରଦ ସବୁଠୁ କମ୍ ରହିଛି । ଏଠାରେ ସର୍ବନିମ୍ନ ତାପମାତ୍ରା ୮ଡିଗ୍ରୀ ସେଲସିୟସ୍ ରେକର୍ଡ ହୋଇଛି । ଫୁଲବାଣୀରେ ରାତି ତାପମାତ୍ରା ୧୦ ଡିଗ୍ରୀ ରହିଛି । ଦାରିଙ୍ଗିବାଡ଼ିରେ ୧୧ ଡିଗ୍ରୀ, ଝାରସୁଗୁଡ଼ାରେ ୧୧.୪, ବଲାଙ୍ଗିରରେ ୧୨, କୋରାପୁଟରେ ୧୨.୧, ଭବାନୀପାଟଣାରେ ୧୨.୨, ରାଉରକେଲାରେ ୧୨.୪ଡିଗ୍ରୀ ସେଲସିୟସ୍ ରେକର୍ଡ ହୋଇଛି । ରାଜଧାନୀ ଭୁବନେଶ୍ୱରରେ ୧୬.୧ ଓ କଟକରେ ୧୬ ଡିଗ୍ରୀ ରେକର୍ଡ ହୋଇଛି ।
