ଭୁବନେଶ୍ୱର ୨୦/୦୩: ରାଜ୍ୟରେ କମିଲା ତାତି। ମିଳିଲା ଗରମରୁ ଆଶ୍ବସ୍ତି। ଆସନ୍ତ ୨୩ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନରେ ଘଡ ଘଡି ସହ କାଳବୈଶାଖୀ ସମ୍ଭାବନା। ଆଜି ୬ ଜିଲ୍ଲାକୁ ବର୍ଷା, ପବନ ପାଇଁ ଅରେଞ୍ଜ ଓ୍ବାର୍ଣ୍ଣିଂ ଜାରି। ବର୍ଷା ସମୟରେ ୩୦ରୁ ୪୦ କିମି ବେଗରେ ଝଟକା ପବନ ବୋହିବା ଆଶଙ୍କା। କିଛି ସ୍ଥାନରେ କୁଆ ପଥର ମାଡ଼ ସହ ବର୍ଷା ସମ୍ଭାବନା। ଏନେଇ ଆଞ୍ଚଳିକ ପାଣିପାଗ କେନ୍ଦ୍ରର ଆକଳନ କରାଯାଇଛି।
ରାଜ୍ୟରେ କାଳବୈଶାଖୀ ପ୍ରଭାବରେ ସର୍ବାଧିକ ତାପମାତ୍ରାରେ ଲାଗିବ ବ୍ରେକ। ତାପମାତ୍ରରେ ବିଶେଷ ପରିବର୍ତ୍ତନ ହେବନାହିଁ। ଆସନ୍ତା ଦୁଇ ଦିନ ୩ରୁ ୫ ଡିଗ୍ରି ପର୍ଯ୍ୟନ୍ତ ହ୍ରାସ ପାଇବ ଦିନର ତାପମାତ୍ରା। ବିଭିନ୍ନ ସ୍ଥାନରେ ଘଡ଼ଘଡି ସହ ବର୍ଷା ପବନ ସମ୍ଭାବନା ରହିଛି।
