ପ୍ରମୂଖ ଖବର
  • ପୁରୀ : ଦୀଘା ମନ୍ଦିର ପ୍ରତିଷ୍ଠାର ମୁଖ୍ୟ କାରଣ ଅର୍ଥ ପ୍ରଲୋଭନ: ଜଗତଗୁରୁ ଶଙ୍କରାଚାର୍ଯ୍ୟ
  • ||
  • Operation Sindoor: ଅର୍ଦ୍ଧ ସାମରିକ ବାହିନୀର ଛୁଟି ରଦ୍ଦ, ଆଲର୍ଟରେ ଗୃହ ମନ୍ତ୍ରାଳୟ
  • ||
  • ଭୁବନେଶ୍ୱର : ଯୁଦ୍ଧ ଛାନିଆରେ ପରିବା ଦୋକାନରେ ଖଚାଖଚ୍ ଭିଡ଼, ଅତ୍ୟାବଶ୍ୟକ ସାମଗ୍ରୀ କିଣି ନେଉଛନ୍ତି ଲୋକେ
  • ||
  • Operation Sindoor: ପାକିସ୍ତାନ ଛାତିରେ ଏୟାରଷ୍ଟ୍ରାଇକ୍, ଦେଖନ୍ତୁ ୯ ଆତଙ୍କୀ ଆଡ୍ଡାର ଲିଷ୍ଟ
  • ||
  • Operation Sindoor: ଭାରତୀୟ ସେନାର ତିନି ମୁଖ୍ୟଙ୍କ ସହ କଥା ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଆଜି ଦିନ ୧୦ଟାରେ ହେବ ପ୍ରେସ କନଫରେନ୍ସ
  • ||
  • ଆଇସିଏଆର୍‌ରେ ପିଜି ଏବଂ ପିଏଚ୍‌ଡି ନାମଲେଖା ପ୍ରକ୍ରିୟା ଆରମ୍ଭ, ଜୁନ୍‌ ୫ ଯାଏ ଆବେଦନ
  • ||
  • ସମ୍ଭାବ୍ୟ ଯୁଦ୍ଧ ପରିସ୍ଥିତିର ମୁକାବିଲା ପାଇଁ BMC ପକ୍ଷରୁ ୨୪ ଘଣ୍ଟିଆ କଣ୍ଟ୍ରୋଲ ରୁମ୍‌, ତଦାରଖ କଲେ ଖୋର୍ଦ୍ଧା ଜିଲ୍ଲାପାଳ
  • ||
  • ବୌଦ୍ଧ : ନଦୀକୁ ଶୌଚ ହେବାକୁ ଯାଇ ନିଖୋଜ ହୋଇଥିଲେ ଯୁବକ, ଉଦ୍ଧାର ହେଲା ମୃତଦେହ
  • ||

Operation Sindoor: କାହିଁକି ନାମ ରଖାଗଲା ଅପରେସନ ସିନ୍ଦୂର ? ଜାଣନ୍ତୁ ପହଲଗାମ ନରସଂହାର ସହ କନେକ୍ସନ

Published By : Ankita S | May 7, 2025 2:08 PM

ନୂଆଦିଲ୍ଲୀ,୦୭/୦୫: ପହଲଗାମ ପ୍ରତିଶୋଧ । ଲୁହ ଲହୁର ହିସାବ ନେଇଛି ସେନା । ସିନ୍ଦୂରର ହିସାବ ନେଇଛି 'ଅପେରସନ ସିନ୍ଦୂର' । ପାକିସ୍ତାନ ଉପରେ ଭାରତ କରିଛି ଆକ୍ରମଣ । ପହଲଗାମ୍ ଗଣହତ୍ୟାର ବଦଲା ନେଇ ପାକିସ୍ତାନର ୯ଟି ସ୍ଥାନରେ ପ୍ରଚଣ୍ଡ ମିସାଇଲ ମାଡ଼ । ଥରି ଉଠିଛି ପାକ୍‌ ଅଧିକୃତ କାଶ୍ମୀର ଏବଂ ପାକିସ୍ତାନର କେତେକ ଅଞ୍ଚଳ । ୨୫ ମିନିଟରେ ୯ ଆତଙ୍କୀ ଆଡ୍ଡା ଉପରେ ଆକ୍ରମଣ କରିଥିଲା । ହାମର ବୋମା ଓ ସ୍କ୍ରାଲ୍ପ ମିସାଇଲ ପକାଇ ଆତଙ୍କୀ ଆଡ୍ଡାକୁ ଛାରଖାର କରିଛି ଭାରତ । ଜାଣିଛନ୍ତି କି ପାକ୍‌ରେ ହୋଇଥିବା ଏହି ଏୟାର ଷ୍ଟ୍ରାଇକ୍‌ର ନାମ କାହିଁକି 'ଅପେରସନ ସିନ୍ଦୂର' ରଖାଯାଇଥିଲା ?  ପହଲଗାମ ଆତଙ୍କୀ ଆକ୍ରମଣ ସହ ଏହାର କନେକ୍ସନ ରହିଛି ।

ନିଘୋଡ ନିଦରେ ଶୋଇଥିଲା ପାକିସ୍ତାନ । ଅମା ଅନ୍ଧକାରକୁ ଚିରି ଭାରତୀୟ ବାୟୁସେନା ପାକିସ୍ତାନ ଓ ପାକ୍ ଅଧିକୃତ କାଶ୍ମୀରରେ କରିଥିବା ମିସାଇଲ ମାଡକୁ 'ଅପରେସନ ସିନ୍ଦୂର' ନାମ ଦିଆଯାଇଛି । ୨୨ ଏପ୍ରିଲରେ ଭାରତର ଭୂସ୍ୱର୍ଗ ଜମ୍ମୁ କଶ୍ମୀର ପହଲଗାମ ବୈସରନ ଘାଟିରେ ହୋଇଥିବା ଆତଙ୍କୀ ଆକ୍ରମଣର ପ୍ରତିଶୋଧ । ଯେଉଁଥିରେ ୨୬ ନୀରିହଙ୍କର ମୃତ୍ୟୁ ହୋଇଥିଲା । କେବେଳ ପୁରୁଷଙ୍କୁ ଟାର୍ଗେଟ କରାଯାଇଥିଲା । ଧର୍ମ ପଚାରି ସ୍ତ୍ରୀ ଆଗରେ ସ୍ୱାମୀଙ୍କୁ ଗୁଳି କରିଥିଲେ ଆତଙ୍କୀ । ୨୫ ମହିଳାଙ୍କ ସିନ୍ଦୂର ପୋଛିଥିଲେ ଆତଙ୍କୀ । ୧୫ ଦିନରେ 'ଅପରେସନ ସିନ୍ଦୂର' ଜରିଆରେ ଜବାବ ଦେଇଛି ଭାରତ ।

କାହିଁକି ଅପରେସନ ସିନ୍ଦୂର ? ଏବେ ପ୍ରଶ୍ନ ଅପରେସନ ନାମ କାହିଁକି ଅପରେସନ ସିନ୍ଦୂର ରଖାଗଲା । ଯଦିଓ ଏ ନେଇ ସରକାରୀ ସୂତ୍ରରୁ କୌଣସି ସୂଚନା ମିଳିନାହିଁ । କିନ୍ତୁ ଭାରତୀୟ ସୈନ୍ୟ ପରମ୍ପରାରେ ଅପରେସନର ନାମ ସାସ୍କୃତିକ ଓ ପ୍ରତିକାତ୍ମକ ମହତ୍ତ୍ୱ ରଖିଥାଏ । ହିନ୍ଦୁ ପରମ୍ପରା ଅନୁସାରେ ବିବାହିତ ମହିଳାଙ୍କ ସମ୍ପତ୍ତି ସିନ୍ଦୁର । ସିନ୍ଦୁରରୁ ସେମାନେ ବିବାହିତ ବୋଲି ଜଣାପଡିଥାଏ । ଆତଙ୍କୀ ଗୁଳିରେ ମୃତ ସେହି ସ୍ୱାମୀମାନଙ୍କୁ ସମ୍ମାନ ଦେବାକୁ 'ଅପରେସନ ସିନ୍ଦୂର' ନାମ ରଖିବାକୁ ନିଷ୍ପତ୍ତି ହୋଇଥିଲା । ଏହି ଅପରେସନ କେବଳ ଆତଙ୍କୀଙ୍କୁ ଜବାବ ନୁହେଁ ସେହି ପରିବାରଙ୍କ ପ୍ରତି ଭାରତର ସମ୍ବେଦନା ଓ ସଂକଳ୍ପକୁ ଦର୍ଶାଉଛି ।


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.