ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଗଣତନ୍ତ୍ର ଦିବସରେ ଯେବେ ପାକିସ୍ତାନକୁ ମୁଖ୍ୟ ଅତିଥି କରିଥିଲା ଭାରତ; ୬ ମାସ ପରେ ହୋଇଥିଲା ଯୁଦ୍ଧ

Published By : Ankita S | January 26, 2025 12:40 PM

ନୂଆଦିଲ୍ଲୀ,୨୬/୦୧: ଭାରତ ୭୬ତମ ସାଧାରଣତନ୍ତ୍ର ଦିବସ ପାଳନ କରୁଛି । ଚଳିତ ବର୍ଷ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ଇଣ୍ଡୋନେସିଆ ରାଷ୍ଟ୍ରପତି ପ୍ରୋବୋୱ ସୁବିଆଣ୍ଟୋ । ପ୍ରତିବର୍ଷ ଗଣତନ୍ତ୍ର ଦିବସରେ ଭାରତ ଜଣଙ୍କୁ ମୁଖ୍ୟ ଅତିଥି ଭାବେ ଆମନ୍ତ୍ରିତ କରିଥାଏ । ଏହି ପରମ୍ପରା ୧୯୫୦ରୁ ଆରମ୍ଭ ହୋଇଛି ଯାହା ଏବେ ବି ଚାଲିଛି । ତେବେ ଆପଣ ଜାଣିଛନ୍ତି କି ଭାରତ ଦୁଇ ଥର ପାକିସ୍ତାନକୁ ଗଣତନ୍ତ୍ର ଦିବସରେ ମୁଖ୍ୟ ଅତିଥି ଭାବେ ନିମନ୍ତ୍ରଣ କରିଥିଲା । ତେବେ ଆସନ୍ତୁ ଜାଣିବା ଏହି ରିପୋର୍ଟରେ ।

୨ଥର ମୁଖ୍ୟ ଅତିଥି ହୋଇଛି ପାକିସ୍ତାନ- ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ସର୍ବଦା ଜଟିଳ ରହି ଆସିଛି । ଦୁଇ ଦେଶ ମଧ୍ୟରେ ତିକ୍ତତା ରହିଛି । ଭାରତର ପାରମ୍ପରିକ ପ୍ରତିନ୍ଦ୍ବନ୍ଦୀ ରହିଛି ପାକିସ୍ତାନ । ଏହାପରେ ବି ଭାରତର ଗଣତନ୍ତ୍ର ଦିବସରେ ପାକିସ୍ତାନ ମୁଖ୍ୟ ଅତିଥି ଭାବେ ନିମନ୍ତ୍ରିତ ହୋଇଛି । ୧୯୫୫ ଏବଂ ୧୯୬୫ ସାଧାରଣତନ୍ତ୍ର ଦିବସରେ ପାକିସ୍ତାନ ମୁଖ୍ୟ ଅତିଥି ହୋଇଥିଲା । ୧୯୫୫ରେ ପାକିସ୍ତାନ ଗଭର୍ଣ୍ଣର ଜେନେରାଲା ମଲିକ ଗୁଲାମ ମହମ୍ମଦ ଓ ୧୯୬୫ରେ ପାକିସ୍ତାନ କୃଷିମନ୍ତ୍ରୀ ରାନା ଅବଦୁଲ୍ଲ ହାମିଦ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

୬ ମାସ ପରେ ହୋଇଥିଲା ଯୁଦ୍ଧ- ଜାନୁଆରୀରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲା ପଡୋଶୀ ଦେଶ ପାକିସ୍ତାନ । ଏହାର ୬ ମାସ ପରେ ଭାରତ-ପାକିସ୍ତାନ ମଧ୍ୟରେ ଯୁଦ୍ଧ ଆରମ୍ଭ ହୋଇଥିଲା । ୧୯୬୫ ଅଗଷ୍ଟ ୫ରୁ ୨୩ ସେପ୍ଟେମ୍ବର ଯାଏ ଯୁଦ୍ଧ ଚାଲିଥିଲା ।

ଏହା ବି ପଢନ୍ତୁ...କର୍ତ୍ତବ୍ୟ ପଥରେ ପତାକା ଉତ୍ତୋଳନ କଲେ ମହାମହିମ ରାଷ୍ଟ୍ରପତି, ବିଶ୍ବ ଦେଖିଲା ବିକାଶ ଓ ବୀରାସତ୍‌ର ଝଲକ

ଏବେ ସୁଦ୍ଧା ଗଣତନ୍ତ୍ର ଦିବସରେ ମୁଖ୍ୟ ଅତିଥି ଭାବରେ ସବୁଠୁ ଅଧିକ ଥର ଫ୍ରାନ୍ସ ନେତାଙ୍କୁ ନିମନ୍ତ୍ରଣ ମିଳିଛି । ୧୯୭୬, ୧୯୮୦, ୨୦୦୮, ୨୦୧୬ ଓ ୨୦୨୪ ଗଣତନ୍ତ୍ର ଦିବସରେ ଫ୍ରାନ୍ସକୁ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥିଲା । ଏହା ଭାରତ ଓ ଫ୍ରାନ୍ସ ମଧ୍ୟରେ ଦ୍ବିପାକ୍ଷିକ ସମ୍ପର୍କକୁ ଦର୍ଶାଇଥିଲା  ଯାହା ରକ୍ଷା, ପରମାଣୁ ଉର୍ଜା, ଆତଙ୍କବାଦ ଦମନ ଓ ଟେକନିକ ସହଯୋଗ ଭଳି କ୍ଷେତ୍ରକୁ ମଜଭୁତ କରିଥିଲା ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.