ମୁମ୍ବାଇ, ୨୭/୨ : ଏସିଆ କପର ଆୟୋଜନ ଦେଶ ଭାରତ ଅଟେ । ସେପ୍ଟେମ୍ବରରେ ଟୁର୍ଣ୍ଣାମେଣ୍ଟର ଆୟୋଜନ ହେବାକୁ ଅଛି । ଏଥିରେ ପ୍ରାୟ ୮ଟିମ୍ ଖେଳିବେ । ଭାରତ ଏବଂ ପାକିସ୍ତାନ ଗୋଟିଏ ଗ୍ରୁପରେ ଅଛନ୍ତି । ଉଭୟଙ୍କ ମଧ୍ୟରେ ପ୍ରାୟ ୩ଟି ମ୍ୟାଚ୍ ଖେଳାଯାଇପାରେ । ମାତ୍ର ଏହି ମୁକାବିଲାର ଆନନ୍ଦ ଭାରତୀୟ ଫ୍ୟାନ୍ସ ଭାରତର ଷ୍ଟାଡିୟମରେ ମିସ୍ କରିବେ ।
କ୍ରିକବଜର ରିପୋର୍ଟ ଅନୁସାରେ ଏସିସି ଏସିଆ କପ୍ ୨୦୨୫ର ଆୟୋଜନ ଭାରତ ହିଁ ରହିବ କିନ୍ତୁ ଟୁର୍ଣ୍ଣାମେଣ୍ଟର ମ୍ୟାଚ୍ ଭାରତ ବାହାରେ ହେବ । ଉଭୟ ଦେଶ ମଧ୍ୟରେ ରାଜନୈତିକ ସମ୍ପର୍କ ଭଲ ନାହିଁ, ଉଭୟ ଜଣେ ଅନ୍ୟ ଜଣଙ୍କ ଦେଶକୁ ଯାଇ କ୍ରିକେଟ ଖେଳିବାକୁ ଚାହୁଁନାହାନ୍ତି । ରିପୋର୍ଟ ଅନୁସାରେ ଏସିସି (ଏସିଆଇ କ୍ରିକେଟ କାଉନସିଲ)ଏହି ଆୟୋଜନକୁ କୌଣସି ଏକ ନିରପେକ୍ଷ ସ୍ଥାନରେ ଆୟୋଜନ କରିବାର ବିଚାର କରୁଛନ୍ତି ।
ରିପୋର୍ଟ ଅନୁସାରେ ଏସିଆ କପ୍ ୨୦୨୫ର ମ୍ୟାଚ୍ ୟୁଏଇ କିମ୍ବା ଶ୍ରୀଲଙ୍କାରେ ହୋଇପାରେ । ମାତ୍ର ଏହାର ନେତୃତ୍ବ ଭାରତ ହିଁ ରହିବ । କିନ୍ତୁ ଭାରତ ପାକିସ୍ତାନ ମଧ୍ୟରେ ଆଇସିସି ଚାମ୍ପିୟନ୍ସ ଟ୍ରଫିରେ ଯାହା କିଛି ହୋଇଛି ଏହାପରେ ଏସିଆ କପ୍ ଲାଗି ନିରପେକ୍ଷ ଭେନ୍ୟୁ ଖୋଜା ଚାଲିଛି ।
ଏସିଆ କପରେ ପ୍ରାୟ ୮ଟିମ୍ ଖେଳିବେ । ୪-୪ଟିମର ୨ଟି ଗ୍ରୁପ ବିଭାଜିତ କରାଯାଇଛି । ଭାରତ ଏବଂ ପାକିସ୍ତାନ ଗୋଟିଏ ଗ୍ରୁପରେ ଅଛନ୍ତି । ଉଭୟଙ୍କ ମଧ୍ୟରେ ଗ୍ରୁପ ଷ୍ଟେଜର ଏକ ମ୍ୟାଚ୍ ରହିବ । ଏହାପରେ ସୁପର ୪ରେ ବି ଉଭୟଙ୍କ ମଧ୍ୟରେ ମ୍ୟାଚ୍ ହୋଇପାରେ । ଯଦି ଉଭୟ ଟିମ୍ ଫାଇନାଲରେ ପହଞ୍ଚନ୍ତି ତେବେ ଭାରତ ପାକିସ୍ତାନ ମଧ୍ୟରେ ଟାଇଟେଲ୍ ଲଢେଇ ବି ଦେଖିବାକୁ ମିଳିପାରେ ।
