ବାସୁଦେବପୁର,୬।୭ : ବାସୁଦେବପୁର ଥାନା ଅଧୀନ ସୁଦର୍ଶନପୁର ସୁଆଁ ମଳିକ ସାହିରେ ଜଣେ ମହିଳା ରଶି ଲଗାଇ ଆତ୍ମହତ୍ୟା କରିଛନ୍ତି। ମୃତ ମହିଳା ହେଲେ ନାରାୟଣ ମଳିକଙ୍କ ସ୍ତ୍ରୀ ଉର୍ମିଳା (୪୨)। ଏହି ଆତ୍ମହତ୍ୟାକୁ ଝିଅର ପରିବାର ଲୋକେ ସହଜରେ ଗ୍ରହଣ କରି ପାରି ନାହାନ୍ତି। ଝିଅକୁ ହତ୍ୟା କରାଯାଇଥିବା ଝିଅର ମାଆ ଥାନାରେ ଅଭିଯୋଗ କରିଛନ୍ତି।
ଶନିବାର ରାତିରେ ଉର୍ମିଳା ଘର ଭିତରେ ଥିବା ପାଇଖାନାରେ ପଡ଼ିଥିବା ବାଉଁଶରେ ରଶି ସାହାଯ୍ୟରେ ଝୁଲି ପଡିଥିଲା। ତୁରନ୍ତ ଉର୍ମିଳାର ପୁଅ ଦେଖି ଏକ ଦାଆ ସାହାଯ୍ୟରେ ରଶିକୁ କାଟି ଉର୍ମିଳାକୁ ଉଦ୍ଧାର କରିଥିଲା। ଉର୍ମିଳାର ପ୍ରାଣବାୟୁ ଉଡିଯାଇଥିବା ଦେଖି ପୁଅ ପାଖ ପଡୋଶୀକୁ ଖବର ଦେଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଶବକୁ ଜବତ କରି ଡାକ୍ତରଖାନା ପଠାଇଥିଲେ। ସାଇଣ୍ଟିଫିକ ଟିମ ପହଂଚି ଘଟଣା ସ୍ଥଳରୁ କିଛି ନମୁନା ସଂଗ୍ରହ କରିଥିବା ବେଳେ ମୃତକର ସ୍ୱାମୀ ନାରାୟଣକୁ ପୋଲିସ ଜିମାରେ ରଖି ପଚରା ଉଚରା ଚଳାଇଛି।
