ଭୁବନେଶ୍ୱର, ୧୭/୦୩: ଚନ୍ଦ୍ରଭାଗାରେ ଗାଧୋଇବା ବେଳେ ପାଣିରେ ଭାସିଗଲେ ମହିଳା । ଗୁରୁତର ଅବସ୍ଥାରେ ଗୋପ ଡାକ୍ତରଖାନାରେ ଭର୍ତ୍ତି । ମହିଳା ଜଣକ ଆନ୍ଧ୍ରପ୍ରଦେଶର ଏଗୋ ରାମା ବୋଲି ଜଣା ପଡ଼ିଛି । ପୁରୀ ଜିଲ୍ଲା କୋଣାର୍କ ଅଞ୍ଚଳର ଚନ୍ଦ୍ରଭାଗାରେ ଏଭଳି ଘଟଣା ଘଟିଛି ।
ବ୍ୟବସାୟୀଙ୍କ ଘରୁ ଲୁଟ୍, ୫୦ ଲକ୍ଷର ସୁନା ଗହଣା ସହ ୧୦ ଲକ୍ଷ ଟଙ୍କା ଚୋରି କଲେ ଦୁର୍ବୃତ୍ତ
ସୂଚନା ମୁତାବକ, ଆନ୍ଧ୍ରପ୍ରଦେଶର ଏଗୋ ରାମା ନାମକ ମହିଳା କୋଣାର୍କ ବୁଲିବାକୁ ଆସିଥିଲେ । ସୋମବାର ସକାଳୁ କୋଣାର୍କ ବୁଲି ଚନ୍ଦ୍ରଭାଗା ସମୁଦ୍ରରେ ଗାଧୋଉଥିଲେ । ଗାଧୋଇବା ବେଳେ ସେ ସମୁଦ୍ର ପାଣିରେ ଭାସି ଯାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ତାଙ୍କୁ ଉଦ୍ଧାର କରିବାକୁ କୋଣାର୍କ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ କୋଣାର୍କ ଅଗ୍ନିଶମ ବାହିନୀ ତୁରନ୍ତ ଘଟଣା ସ୍ଥଳରେ ପହଞ୍ଚି ମହିଳାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଛି । ମହିଳାଙ୍କୁ ତୁରନ୍ତ ଗୋପ ମେଡିକାଲରେ ଭର୍ତ୍ତି କରାଯାଇଛି । ସେଠାରେ ମହିଳାଙ୍କ ଚିକିତ୍ସା ଚାଲିଛି ।
