ରାଞ୍ଚି,୧୨/୦୧: ଆଜିଠୁୁ ରାଞ୍ଚିରେ ଆରମ୍ଭ ହେବାକୁ ଯାଉଛି ମହିଳା ହକି ଇଣ୍ଡିଆ ଲିଗ୍ (ଏଚ୍ଆଇଏଲ) । ଉଦ୍ଘାଟନୀ ଲଢ଼େଇ ଓଡ଼ିଶା ୱାରିୟର୍ସ ଓ ଦିଲ୍ଲୀ ଏସ୍ଜି ପିପର୍ସ ମଧ୍ୟରେ ଖେଳାଯିବ ।
ପୂର୍ବରୁ ପୁରୁଷ ବର୍ଗରେ ହକି ଇଣ୍ଡିଆ ଲିଗ୍ ଖେଳାଯାଉଥିଲା ଏବଂ ୨୦୧୭ ଠାରୁ ସ୍ଥଗିତ ରହିଥିଲା । ୭ ବର୍ଷ ପରେ ପୁଣି ଲିଗକୁ ଆରମ୍ଭ କରାଯିବା ନେଇ ଚୂଡ଼ାନ୍ତ ହେବା ପରେ ମହିଳା ଲିଗ୍କୁ ଏଥିରେ ସାମିଲ କରାଯାଇଥିଲା । ଅର୍ଥାତ ଚଳିତ ବର୍ଷ ଠାରୁ ମହିଳା ଲିଗ୍ର ଶୁଭାରମ୍ଭ ହେଉଛି ।
ପ୍ରଥମ ସଂସ୍କରଣରେ ମୋଟ୍ ୪ଟି ଦଳ ଭାଗ ନେଇଛନ୍ତି । ସେମାନେ ଦିଲ୍ଲୀ, ଓଡ଼ିଶା, ରାହ ବେଙ୍ଗଲ ଟାଇଗର୍ସ ଏବଂ ସୁରମା ହକି କ୍ଲବ । ଲିଗ୍ରେ ୧୨ରୁ ଆରମ୍ଭ ହୋଇ ୨୬ ତାରିଖରେ ଶେଷ ହେବ । ପଏଣ୍ଟ ଟେବୁଲର ଶ୍ରେଷ୍ଠ ୨ଟି ଦଳ ଫାଇନାଲ ଖେଳିବେ । ଉଦ୍ଘାଟନୀ ମ୍ୟାଚ୍କୁ ନେଇ ଦର୍ଶକ ଉତ୍ସାହିତ ରହିଛି । ମହିଳା ହକିରେ ଶ୍ରେଷ୍ଠ ପ୍ରତିଯୋଗିତା ଦେଖିବା ନେଇ ସେମାନେ ଅପେକ୍ଷା କରିଛନ୍ତି । ଟୁର୍ଣ୍ଣାମେଣ୍ଟର ୨ଟି ମ୍ୟାଚ୍ ରାଉରକେଲା ଏବଂ ଅବଶିଷ୍ଟ ସମସ୍ତ ମ୍ୟାଚ୍ରେ ରାଞ୍ଚିରେ ଖେଳାଯିବାର ସୂଚୀ ରହିଛି ।
