କୋଲାବିରା,୨୯/୬ : କୋଲାବିରା ଥାନା ଅଧିନସ୍ଥ ଜୁନା କେଲେଣ୍ଡାରେ ଭାଇଗ୍ରେଟର ମେସିନରେ ବିଦ୍ୟୁତ୍ ଆଘାତ ଲାଗି ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି l ମୃତ ଶ୍ରମିକଙ୍କ ନାମ ଭାଗିରଥି କିସାନ(୨୮) ଓ ତାଙ୍କ ଘର ଉକ୍ତ ଜୁନା କେଲେଣ୍ଡା ଗ୍ରାମର ନିଜ ପଡ଼ାର ଜନୈକ ବ୍ୟକ୍ତିଙ୍କ ଘର ଛାତ ପଡ଼ୁଥିବା ସମୟରେ ଭାଗିରଥି ଭାଇଗ୍ରେଟର ମେସିନ ଚଳାଉଥିଲେ l ତେବେ ଭାଇଗ୍ରେଟର ମେସିନରେ କିଛି ସମସ୍ୟା ଦେଖା ଦେବାରୁ ଭାଗିରଥି ଏହାର ମରାମତି କରୁଥିବା ସମୟରେ ବିଦ୍ୟୁତ୍ ଆଘାତ ଲାଗି ଗୁରୁତର ଆହତ ହୋଇଥିଲେ l 

ତାଙ୍କୁ ସଙ୍ଗେ ସଙ୍ଗେ ଝାରସୁଗୁଡ଼ା ଜିଲ୍ଲା ମୁଖ୍ୟ ଡାକ୍ତରଖାନା ନିଆଯାଇଥିଲା l ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ଏ ନେଇ କୋଲାବିରା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି l ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ ବୋଲି ଥାନା ଏସଆଇ ସନ୍ତୋଷ ପ୍ରଧାନ ସୂଚନା ଦେଇଛନ୍ତି l ମିଳିଥିବା ସୂଚନା ଅନୁଯାୟୀ ମୃତ ଭାଗିରଥି ସମ୍ପୂର୍ଣ ଗରିବ ଶ୍ରେଣୀର ହୋଇଥିବା ଵେଲେ ଘରେ ତାଙ୍କର ସ୍ତ୍ରୀ ଙ୍କ ସହ ୩ ବର୍ଷ ଓ ୧ ମାସ ର ଗୋଟିଏ ଶିଶୁ ଅଛନ୍ତି l ମୃତ ଭାଗିରଥିଙ୍କ ପରିବାରକୁ ସରକାରୀ ସାହାଯ୍ୟ ଯୋଗାଇ ଦେବାକୁ କେଲେଣ୍ଡା ଗ୍ରାମବାସୀଙ୍କ ପକ୍ଷରୁ ଦାବୀ ହେଉଛି l