ନୂଆଦିଲ୍ଲୀ – ଇସ୍ରାଏଲର ଡିଫେନ୍ସ ଫୋର୍ସ (ଆଇଡିଏଫ) ୭ ଅକ୍ଟୋବରରେ ଇସ୍ରାଏଲ ଉପରେ ହମଲା ପୂର୍ବର ଭିଡ଼ିଓ ଜାରି କରିଛି। ଏହାକୁ ନେଇ ଇସ୍ରାଏଲ ରବିବାର ଦାବି କରିଛି ଯେ, ଫୁଟେଜ୍ରେ ୟାହ୍ୱା ସିନୱାରଙ୍କର ପତ୍ନୀ ଦେଖା ଯାଉଛି , ଯିଏ ୩୨,୦୦୦ଡଲାର (ପାଖାପାଖି ୨୭ ଲକ୍ଷ ଟଙ୍କା)ର ହ୍ୟାଣ୍ଡବ୍ୟାଗ୍ ନେଉଛନ୍ତି। ଏହି ଭିଡ଼ିଓ ଗତ ବର୍ଷର ୬ ଅକ୍ଟୋବରର କୁହାଯାଉଛି, ଯେଉଁଥିରେ ହମାସ ମୁଖୟ ଓ ତାଙ୍କ ପରିବାର ଲୋକ ଗାଜାରେ ଭୂମିଗତ ସୁଡ଼ଙ୍ଗ ଭିତରେ ଦୌଡ଼ୁ ଥିବାର ନଜର ଆସୁଛି। ଇସ୍ରାଏଲ ଉପରେ ଘାତକ ହମଲାର ଷଡ଼ଯନ୍ତ୍ର ରଚିଥିବା ଅଭିଯୁକ୍ତ ସିନୱାରଙ୍କୁ ଗତ ବୁଧବାର ରାଫା ସହରରେ ଇସ୍ରାଏଲ ସୈନିକମାନେ ମାରି ଦେଇ ଥିଲେ।
ଇସ୍ରାଏଲର ବିଦେଶ ମନ୍ତ୍ରଣାଳୟର ଏକ୍ସ ହ୍ୟାଣ୍ଡେଲରେ ପୋଷ୍ଟ କରି କୁହାଯାଇଛି , ଏହି ଫଟୋରେ ୟାହ୍ୱା ସିନୱାରଙ୍କର ପତ୍ନୀଙ୍କୁ ୭ ଅକ୍ଟୋବରର ଗୋଟିଏ ରାତି ପୂର୍ବରୁ ସୁଡ଼ଙ୍ଗରେ ଲୁଚି ଥିବାର ଦେଖାଯାଉଛି। ଧ୍ୟାନ ଦେବାର କଥା ଯେ , ସେ ୩୨୦୦୦ ଡଲାରର ହର୍ମିସ ବିର୍କିନ ବ୍ୟାଗ୍ ଧରିଛନ୍ତି। ଅନ୍ୟପଟେ ଗାଜାର ସାଧାରଣ ଲୋକେ ହମାସ ଯୋଗୁଁ ମୁସ୍କିଲର ସାମନା କରୁଛନ୍ତି। ସିନୱାର ଓ ତାଙ୍କ ପରିବାର ବିଳାସପୂର୍ଣ୍ଣ ଜୀବନ ବଞ୍ଚୁ ଥିଲେ। ସେମାନେ ମରିବାକୁ ଅନ୍ୟଙ୍କୁ ପଠାଇ ଚାଲି ଥିଲେ।
ଆଇଡିଏଫ୍ର ଆରବୀ ଭାଷାର ପ୍ରବକ୍ତା ଲେଫ୍ଟିନାଣ୍ଟ କର୍ଣ୍ଣଲ ଅବିଚାଇ ଅଦାଇ ମଧ୍ୟ ଏହି ଦାବିକୁ ଦୋହରାଇଛନ୍ତି। ସେ କହିଛନ୍ତି ଯେ, ସିନୱାରଙ୍କ ପରିବାର ଲୋକ ପୂରା ଆନନ୍ଦରେ ବିଳାସପୂର୍ଣ୍ଣ ଜୀବନ ଜିଇଁ ଚାଲିଲେ। ଏହାର ତୁଳନାରେ ଗାଜାର ଅଧିକାଂଶ ଲୋକ ଗରିବୀର ଜୀବନ ବିତାଉ ଥିଲେ। ତାଙ୍କ ପାଖରେ ଭୋଜନ କରିବା ପାଇଁ ପର୍ଯ୍ୟାପ୍ତ ଟଙ୍କା ବି ନାହିଁ।
ସୂଚନା ଯେ, ନଭେମ୍ୱର ୨୦୧୧ରେ ହମାସ ନେତା ନିଜ ଠାରୁ ୧୮ବର୍ଷ ସାନ ସମର ମହମ୍ମଦ ଅବୁ ଜମରଙ୍କୁ ବିବାହ କରିଥିଲେ। ତାଙ୍କର ୩ଜଣ ପିଲା ଅଛନ୍ତି। ସିନୱାରକୁ ୬୨ ବର୍ଷ ବୟସ ହୋଇଥିଲା। ଏହି ବର୍ଷ ଜୁଲାଇରେ ଇରାନର ରାଜଧାନୀ ତେହରାନରେ ଇସ୍ରାଏଲ ଇସ୍ମାଇଲ ହାନିୟେହଙ୍କର ହତ୍ୟା କରି ଦେଇଥିଲା। ଏହାପରେ , ସିନୱାର ତାଙ୍କ ସ୍ଥାନରେ ହମାସ ମୁଖ୍ୟ ହୋଇ ଥିଲେ। ଏବେ ଇସ୍ରାଏଲ ସେନା ସିନୱାରକୁ ମଧ୍ୟ ମାରି ଦେଇଛି।
