ମଙ୍ଗଳପୁର,୩୦/୦୮: ଯାଜପୁର ଜିଲ୍ଲା ଦଶରଥପୁର ବ୍ଲକ ଅଧିନସ୍ତ କମାରଦିହି ପଞ୍ଚାୟତରେ ୨ ଦିନ ହେବ ସେହି ଗ୍ରାମର ସନାତନ ନାୟକ (୩୬ ବର୍ଷ) ନିଖୋଜ ଥିଲେ l ଘଟଣା ବାବଦରେ ସନାତନ ନାୟକଙ୍କ ଭାଇ ଶୁକ୍ରବାର ମଙ୍ଗଳପୁର ଥାନାରେ ଅଭିଯୋଗ କରିଥିଲେ l କିନ୍ତୁ ଶନିବାର ସକାଳୁ ପଞ୍ଚାୟତ ଅଫିସକୁ ଲାଗିଥିବା ଏକ ପୋଖରୀରେ କେହି ଜଣେ ଭାସୁଥିବାର କିଛି ଗ୍ରାମବାସୀ ଦେଖିବାକୁ ପାଇଥିଲେ । ଏସମ୍ପର୍କରେ ଖବର ପାଇ ସନାତନଙ୍କ ଘର ଲୋକେ ଆସି ଚିହ୍ନଟ କରିଥିଲେ l ଏହାପରେ ମଙ୍ଗଳପୁର ପୁଲିସକୁ ଖବର ଦେଇଥିଲେ । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି l  

ରହିରଖୁ କି, ବୈତରଣୀ ନଦୀର ଶାଖା ନଦୀ କାଣୀ ନଦୀରେ ହୋଇଥିବା ଘାଇରେ ତଳିଆ ଅଞ୍ଚକ ବନ୍ୟା ଜଳ ପଶି ଯାଇଥିଲା । ଯାହା ଫଳରେ ରାସ୍ତା ସହ ପୋଖରୀ ସମାନ ହୋଇଯାଇଥିଲା । ଫଳରେ ରାସ୍ତାରେ ଯାଉଥିବା ସନାତନଙ୍କ ଗୋଡ଼ ଖସି ଯାଇଥିଲା ଏବଂ ସେ ପୋଖରୀରେ ପଡ଼ି ଯାଇଥିଲେ । ସନାତନଙ୍କ ଏକ ୮ ବର୍ଷର ପୁଅ ଅଛି ତାଙ୍କର ପତ୍ନୀ ବାହାର ରାଜ୍ୟରେ ଏହି କାମ କରନ୍ତି l ଏହି ଘଟଣା ପରେ ତାଙ୍କ ପରିବାରରେ ଶୋକର ଛାୟା ଖେଳି ଯାଇଛି ।