କାଶୀପୁର,୧୬/୨ : କାଶୀପୁର ବ୍ଲକ ଟିକିରି ଥାନା ପୋଲିସ ଗତକାଲି ସ୍ଥାନୀୟ ଏକ ଲଜରୁ ଜଣେ ଯୁବକର ଝୁଲନ୍ତା ମୃତ ଦେହକୁ ଉଦ୍ଧାର କରିଛି । ମୃତ ଯୁବକ ଜଣକ ତାମିଲନାଡୁ ରାଜ୍ୟର ତିରିଦି ଅଞ୍ଚଳର ଏସ ଅବଦୁଲ ହାସନ ବୋଲି ଜଣା ପଡ଼ିଛି । ସେ କୌଣସି ଏକ ମେଣ୍ଟାନାନ୍ସ କମ୍ପାନୀରେ ସିଭିଲ ଇଞ୍ଜିନିୟର ଭାବେ କାମ କରୁଥିବା ଜଣାପଡ଼ିଛି । ଯୁବକ ଜଣକ ଗତ କିଛି ଦିନ ହେବ ଟିକିରି ରାସ୍ତା ପାର୍ଶ୍ଵରେ ଥିବା ଫୁଲମା ଲଜର ୧୨୦ରୁମ ଭଡ଼ା ନେଇ ରହୁଥିଲେ । କିନ୍ତୁ ଗତକାଲି ସକାଳେ ଲଜ କର୍ମଚାରୀ ରୁମ ସଫା କରିବାକୁ ଯାଇଥିବାବେଳେ ଯୁବକ ଜଣକ ବେକରେ ଫାଶି ହୋଇ ଝୁଲୁଥିବା ଦେଖିବାକୁ ପାଇଥିଲେ ।
ଘଟଣା ସମ୍ପର୍କରେ ମ୍ୟାନେଜର ଜଣାଇବା ପରେ ଟିକିରି ଥାନାରେ ଏତଲା ଦିଆଯାଇଥିଲା । ପୁଲିସ ଏହାର ତଦନ୍ତ କରି ଘଟଣା ସମ୍ପର୍କରେ ସଂପୃକ୍ତି କମ୍ପାନୀ ଏବଂ ପରିବାର ଲୋକଙ୍କୁ ଜଣାଇ ଥିଲା ।ଆଜି ପରିବାର ଲୋକ ପହଞ୍ଚିବା ପରେ ଶବ ବ୍ୟବଚ୍ଛେଦ ପାଇଁ କାଶୀପୁର ସିଏଚ ସି କୁ ପଠା ଯାଇଛି । ଏହି ଘଟଣାରେ ଟିକିରି ଥାନାରେ ଅପମୃତ୍ୟୁ ମାମଲା ସଂଖ୍ୟା ୨/୨୫ରୁଜୁ କରି ତଦନ୍ତ ଜାରି ରଖି ଥିବାର ତଦନ୍ତ ଅଧିକାରୀମହେଶ୍ବର ପାଇକଙ୍କଠାରୁ ସୂଚନା ମିଳିଛି ।
