ସୁନ୍ଦରଗଡ,୦୯/୧୦: ଲମଟି ଗାଁରେ ହତ୍ୟାକାଣ୍ଡ । ୧୨ ହଜାର ଟଙ୍କା ଧାର ଟଙ୍କା ମାଗିବାରୁ ଟାଙ୍ଗିଆରେ ଆକ୍ରମଣ କରି ଯୁବକକୁ ନିର୍ମମ ହତ୍ୟା । ମୃତକ ସଳିନ୍ଦ୍ର ମାଝି ଏବଂ ହତ୍ୟାକାରୀ ଦୁର୍ଜନ ମାଝୀ ବୋଲି ଜଣାପଡ଼ିଛି । ସୁନ୍ଦରଗଡ ଜିଲ୍ଲା ତଲସରା ଥାନା ଲମଟି ଗାଁରେ ଏଭଳି ଅଭାବନୀୟ ଘଟଣା ଘଟିଛି ।
ସୂଚନା ମୁତାବକ, କିଛିଦିନ ତଳେ ସଳିନ୍ଦ୍ରଙ୍କଠାରୁ ସେହି ଗାଁର ଦୁର୍ଜନ ମାଝୀ ୧୨ ହଜାର ଟଙ୍କା ଧାର ନେଇଥିଲେ । ବୁଧବାର ସଳିନ୍ଦ୍ର ଓ ତାଙ୍କ ଭାଇ ଧାର ଦେଇଥିବା ପଇସା ମାଗିବାକୁ ଯାଇଥିଲେ । ଏହି ସମୟରେ ରାଗି ଯାଇ ସଳିନ୍ଦ୍ରକୁ ଟାଙ୍ଗିଆରେ ଆକ୍ରମଣ କରିଥିଲା ଦୁର୍ଜନ ମାଝି । ଫଳରେ ଘଟଣାସ୍ଥଳରେ ସେ ଗୁରୁତର ହୋଇ ପଡ଼ିଥିଲେ । ଗୁରୁତର ଅବସ୍ଥାରେ ମେଡିକାଲ ନେବା ବାଟରେ ସଳିନ୍ଦ୍ରଙ୍କ ମୃତ୍ୟୁ ହୋଇଥିଲା । ମୃତକଙ୍କ ଭାଇ ଏହି ଘଟଣା ସମ୍ୱନ୍ଧରେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ତଲସରା ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଏହି ହତ୍ୟାକାଣ୍ଡ କରି ଦୁର୍ଜନ ମାଝୀ ଘଟଣାସ୍ଥଳରୁ ଫେରାର ହୋଇଛି । ହତ୍ୟାକାରୀକୁ ଖୋଜି ଘଟଣାର ତଦନ୍ତ ଚଳାଇଛି ।
