ଅନୁଗୁଳ, ୨୯/୧୧: ପୂର୍ବ ଶତ୍ରୁତାକୁ କେନ୍ଦ୍ର କରି ପାତ୍ରପଡ଼ାରେ ଗୁଳି ମାଡ଼ । ଏହି ଗୁଳିମାଡ଼ରେ ଜଣେ ଯୁବକ ଆହତ ହୋଇଛନ୍ତି । ଆହତ ଯୁବକ ଜଣକ ମିଲୁ ବେହେରା ବୋଲି ଜଣାପଡ଼ିଛି । ତାଙ୍କ ବାମ ଗୋଡ ଆହତ ହୋଇଥିବା ବେଳେ ଅନୁଗୁଳ ବାଗଡିଆ ଥାନା ପାତ୍ରପଡା ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ମିଲୁ ବେହେରା ଓ ତାଙ୍କ ଭେଣାଇଁଙ୍କ ବଡ଼ ଭାଇ ପ୍ରଶାନ୍ତ ବେହେରାଙ୍କ ମଧ୍ୟରେ କିଛି ଦିନ ହେବ ପାରିବାରିକ କଳହ ଲାଗିରହିଥିଲା । ପରେ ଧିରେ ଧିରେ ଏହି ଗଣ୍ଡଗୋଳ ଉଗ୍ରରୂପ ନେଇଥିଲା । ଏଥିରେ ଉତ୍ୟକ୍ତ ହୋଇ ପ୍ରଶାନ୍ତଙ୍କ ବନ୍ଧୁ ମିଲୁଙ୍କ ଉପରକୁ ଗୁଳି ଚଳାଇଥିଲେ । ମିଲୁଙ୍କ ବାମ ଗୋଡ଼ରେ ଗୁଳି ବାଜିବାରୁ ସେ ଆହତ ହୋଇଥିବା ନେଇ ବାଗଡ଼ିଆ ଥାନାରେ ଅଭିଯୋଗ ହୋଇଛି । ଉକ୍ତ ଅଭିଯୋଗ ଆଧାରରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ମିଲୁ ବେହେରାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି ।
