ନୂଆଦିଲ୍ଲୀ : ନିଜର ସୁନ୍ଦରତା କାରଣରୁ ଲୋକପ୍ରିୟ ପାଲଟି ଥିବା ମହାକୁମ୍ଭରେ ଫୁଲର ମାଳା ବିକ୍ରି କରୁଥିବା ମୋନାଲିସା ଭୋସଲେ , ଏବେ ଖୁବ୍ ଭୟଭୀତ। ଖବର ଆସିଛି କି, ତାଙ୍କ ଅଭିଯୋଗ ଆଧାରରେ , କିଛି ଲୋକ ଜୋର ଜବରଦସ୍ତି ତାଙ୍କ ଟେଣ୍ଟ ଭିତରେ ପଶି ଯାଇଥିଲେ। ବର୍ତ୍ତମାନ ଏହାକୁ ନେଇ ଉତ୍ତର ପ୍ରଦେଶ ପୁଲିସ କିଛି କହି ନାହିଁ। କହି ରଖୁଛୁ କି , ଜଣେ ଇନଫ୍ଲୁଏନ୍ସର ଭିଡ଼ିଓ ସେୟାର କରିବା ପରେ ମୋନାଲିସା ଖୁବ୍ ଚର୍ଚ୍ଚାକୁ ଆସିଥିଲେ। ସେ ମଧ୍ୟ ପ୍ରଦେଶର ଇନ୍ଦୋରରେ ରୁହନ୍ତି।
ମୋନାଲିସା ଅଭିଯୋଗ କରିଛନ୍ତି କି, ଲୋକେ ଜବରଦସ୍ତି ତାଙ୍କ ସହ ଫଟୋ ଉଠାଇବାକୁ ଚେଷ୍ଟା କରୁଥିଲେ। ଏକ ଭିଡ଼ିଓରେ ସେ କହୁ ଥିବାର ଶୁଣା ଯାଉଛି। କିଛି ଲୋକ ଏଠାରେ ଜବରଦସ୍ତି ମୋ ପାପାଙ୍କ ନାଁ ନେଇ ଆସିଲେ। କହିଲେ ଆପଣଙ୍କ ପାପା ମୋତେ ପଠାଇଛନ୍ତି। ମୁଁ ସେଠାରେ ମନା କରି କହିଲି , ମୋ ପାପା ଯଦି ପଠାଇଛନ୍ତି ତ ମୋ ପାପାଙ୍କ ପାଖକୁ ଯାଅ । ମୁଁ ଆପଣଙ୍କ ସହ ଫଟୋ ଉଠାଇବିନି ଭାଇ।
ସେ ଆହୁରି କହିଛନ୍ତି , ଏବେ ମୋତେ ମଧ୍ୟ ଭୟ ଲାଗୁଛି କି, ଏଠାରେ କେହି ନାହାନ୍ତି, କେହି କିଛି ବି କରି ପାରନ୍ତି। ଏଠାରେ ଲାଇଟ୍ ନାହିଁ କିଛି ନାହିଁ , ତଥାପି ଲୋକେ ଜବରଦସ୍ତି ଭିତରକୁ ପଶି ଆସୁଛନ୍ତି। ଏତିକି ବେଳେ ମୋ ପାପା ଆସିଗଲେ। ମୋ ପାପା ଜୋରରେ ପାଟି କରି କହିଲେ , ତମେ ଜହରଦସ୍ତି ଝିଅ ପାଖକୁ କେମିତି ଆସିଲ। ସେତେବେଳେ ମୁଁ ପାପାଙ୍କୁ ପଚାରିଲି , ତୁମେ ଏମାନଙ୍କୁ ମୋ ପାଖକୁ ପଠାଇ ଥିଲ କି ? ବାପା କହିଥିଲେ ମୁଁ ତାଙ୍କୁ ତ ପଠାଇ ନାହିଁ।
ମୋନାଲିସା କହିଛନ୍ତି, ରାଗରେ ମୋ ଭାଇ ତାଙ୍କର ମୋବାଇଲ ନେଇଗଲେ ଏବଂ ୯ଜଣ ଲୋକ ମିଶି ମୋ ଭାଇକୁ ମାଡ଼ ମାରିଲେ।
ଖବର ଅନୁସାରେ, ଚର୍ଚ୍ଚାକୁ ଆସିବା ପର ଠାରୁ ଲଗାତାର ତାଙ୍କ ପାଖକୁ ଲୋକେ ଫଟୋ ଓ ଇଣ୍ଟରଭ୍ୟୁ ପାଇଁ ଆସୁଛନ୍ତି। ଏଥିଯୋଗୁଁ ତାଙ୍କର ମାଳା ବିକ୍ରି ବିଶେଷ ଭାବେ ପ୍ରଭାବିତ ହୋଇଛି। ନିକଟରେ ଖବର ଆସିଥିଲା କି, ତାଙ୍କ ପିତା ତାଙ୍କୁ ଘରକୁ ପଠାଇ ଦେଇଛନ୍ତି। ହେଲେ ପରେ ମୋନାଲିସାଙ୍କ ଜେଜେ କହିଥିଲେ କି, ସେ ମହାକୁମ୍ଭ ମେଳାରେ ହିଁ ଅଛନ୍ତି।
