କେନ୍ଦୁଝର ସଦର,୧୪/୬(ଆପ୍ର) ମାମୁଁ ଘରକୁ ବୁଲିବାକୁ ଆସିଥିଲା ଭଣଜା। ଅରଡେଇ ନଦୀରେ ଗାଧୋଉଥିବା ବେଳେ ବୁଡ଼ି ଯାଇ ଭଣଜା ମୃତ। ଏମିତି ଏକ ଅଭାବନୀୟ ଘଟଣା ଦେଖାଇବାକୁ ମିଳିଛି କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ବୋଦାପଳସା ଅରଡେଇ ନଦୀ ଠାରେ । ମୃତକ ଜଣକ ହେଲେ ଦେବଗଡ ଜିଲ୍ଲା ଗାଗୁଆପ୍ରଭାଶୁଣି ଗ୍ରାମର ପ୍ରେମାନନ୍ଦ ମହାପାତ୍ରଙ୍କ ପୁଅ ପ୍ରବୀଣ ମହାପାତ୍ର (୧୬ )
ମାମୁଁ ନିଗମ କୁମାର ମହାରଣା ଘରକୁ ଭଣଜା ପ୍ରବୀଣ ମହାପାତ୍ର ଆସିଥିଲେ। ପ୍ରବୀଣ ଓ ତିନି ଜଣ ସାଙ୍ଗସାଥୀ ହୋଇ ନଦୀକୁ ଗାଧେଇବା ଯାଇଥିଲେ । ଗାଧୋଉ ଥିବା ବେଳେ ହଠାତ୍ ଗଭୀର ପାଣିରେ ବୁଡି ଯାଇଥିଲେ ଖବର ପାଇ ସ୍ଥାନୀୟ ଲୋକେ ଉଦ୍ଧାର କରି ପ୍ରବୀଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ମୃତ ଘୋଷଣା କରିଛନ୍ତି। ଏ ନେଇ ସଦର ଥାନାରେ ଏକ ମାମଲା ରୁଜୁ ହୋଇଛି।
