କଟକ ୨୧/୧୧: ସାଲେପୁର ଥାନା ଅନ୍ତର୍ଗତ ପିକୋଳ ପଞ୍ଚାୟତର ମୌଇଦିନପୁର ଗ୍ରାମରେ ଅଘଟଣା। ମାନସିକ ଭାରସାମ୍ୟ ହରାଇ ପଣସ ଗଛରେ ଝୁଲିପଡିଲେ ଯୁବକ। ସକାଳୁ ଉଦ୍ଧାର ହେଲା ମୃତଦେହ। ଘଟଣାସ୍ଥଳରେ ପୋଲିସ ପହଞ୍ଚି ମୃତହେଦ ଜବତ କରିଥିବା ବେଳେ ବ୍ୟବଚ୍ଛେଦ କରିବା ପାଇଁ କଟକ ପଠାଇଛି। 

ଘଟଣାରୁ ପ୍ରକାଶ ଯେ, ସାଲେପୁର ଥାନା ଅନ୍ତର୍ଗତ ପିକୋଳ ପଞ୍ଚାୟତର ମୌଇଦିନପୁର ଗ୍ରାମର ସୟଦ୍ ସ୍କାଲେ ଆଜାମ (୨୮)। ମାନସିକ ଭାରସାମ୍ୟ ହରାଇ ଘରେ ସମସ୍ତେ ଶୋଇ ଥିବା ବେଳେ ରାତି ଅଧରେ ଘର ପାଖରେ ଥିବା ପଣସ ଗଛରେ ରଶି ଲଗାଇ ଆତ୍ମହତ୍ୟା କରିଥିଲେ।  ପରିବାର ଲୋକ ସକାଳେ ଦେଖି ପୋଲିସକୁ ଖବର ଦେଇଥିଲେ।ପୋଲିସ ଘଟଣା ସ୍ଥଳେ ପହଞ୍ଚି ମୃତଦେହକୁ ଜବତ କରି ଅପମୃତ ମାମଲା ରୁଜୁ କରିଛି। ପରେ ଶବକୁ ବ୍ୟବଚ୍ଛେଦ କରିବା ପାଇଁ କଟକ ପଠାଇଥିବା ଜଣାପଡିଛି।