କଳାହାଣ୍ଡି, ୬/୭: ସାଇକେଲରେ ଘରକୁ ଫେରୁଥିବା ବେଳେ ଭାଲୁ ଆକ୍ରମଣରେ ଯୁବକ ଗୁରୁତର । କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ପୁଝାରିଗୁଡ଼ା ଗାଁର ରଘୁମଣି ପାତ୍ରଙ୍କୁ ଶନିବାର ରାତିରେ ଏକ ଭାଲୁ ଆକ୍ରମଣ କରିଥିଲା । ସାଇକେଲରେ ଘରକୁ ଫେରୁଥିବା ବେଳେ ଗାଁ ନିକଟସ୍ଥ ନୂଆପଡ଼ା ରାସ୍ତାରେ ଭାଲୁ ହାବୁଡ଼ର ଶିକାର ହୋଇଥିଲେ ।
ତେବେ କୌଣସି ପ୍ରକାରେ ଭାଲୁ ହାବୁଡ଼ରୁ ନିଜକୁ ରକ୍ଷା କରି ରଘୁମଣି ସୁରକ୍ଷିତ ଭାବେ ଘରେ ପହଞ୍ଚିଥିଲେ । ପରିବାର ଲୋକେ ତାଙ୍କୁ ୧୦୮ ଆମ୍ବୁଲାନ୍ସ ସହାୟତାରେ କୋକସରା ଡାକ୍ତରଖାନାରେ ଭର୍ତ୍ତି କରିଛନ୍ତି । ଭାଲୁ ଆକ୍ରମଣରେ ଯୁବକଙ୍କ ଯୌନାଙ୍ଗରେ ଗଭୀର କ୍ଷତ ହୋଇଛି । ଯୁବକଙ୍କ ଚିକିତ୍ସା ଜାରି ରହିଛି । ତେବେ ଖବର ପାଇବା ପରେ ମଧ୍ୟ ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ନଥିଲେ । ଯାହା ବନ ବିଭାଗ କର୍ମଚାରୀ ଅବହେଳାକୁ ଦର୍ଶାଉଛି ।
