ଭୁବନେଶ୍ୱର, ୦୭/୦୪: କୁମ୍ଭାରୀ ଗ୍ରାମର ପାଶିଖାଲରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ହେଲେ ସେହି ଗ୍ରାମର ନିଆସୀ ଦଳାଇ । ମୃତଦେହ ଜବତ କରି ତଦନ୍ତ ଆରମ୍ଭ କରିଛି ପୋଲିସ । ବାଲେଶ୍ୱର ଜିଲ୍ଲା ବାଲିଆପାଳ ଥାନା କୁମ୍ଭାରୀ ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରବିବାର ରାତିରେ କୁମ୍ଭାରୀ ଗାଁରେ ଯାତ୍ରା ଚାଲିଥିଲା । ସେହି ଗାଁର ନିଆସୀ ଦଳାଇ ଯାତ୍ରା ଦେଖିବାକୁ ଆସି ଆଉ ଘରକୁ ଫେରି ନ ଥିଲେ । ତେବେ ଆଜି ସକାଳ ସମୟରେ ଗ୍ରାମ ମଝିରେ ଥିବା ପାଶିଖାଲରେ ତାଙ୍କର ମୃତଦେହ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ବାଲିଆପାଳ ପୋଲିସ ଘଟଣାସ୍ଥଳରେ ପହଞ୍ଚିଛି । ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ବାଲିଆପାଳ ଡାକ୍ତରଖାନାକୁ ପଠାଇଛି । ଏହା ସହ ଯୁବକଙ୍କ ମୃତ୍ୟୁର କାରଣ ଖୋଜି ଘଟଣାର ତଦନ୍ତ ଜାରି ରଖିଛି ପୋଲିସ ।
