ଭୁବନେଶ୍ୱର,୨୧/୦୬: ଓୟୁଏଟିରେ ତିନିଦିନିଆ ଡିଜିଟାଲ୍ କୃଷି କ୍ଷେତ୍ରରେ ଶିକ୍ଷା ସମ୍ପ୍ରସାରଣ କୌଶଳକୁ ନେଇ ଜାତୀୟ ଆଲୋଚନାଚକ୍ର ଆୟୋଜିତ ହୋଇଯାଇଛି । ମୁଖ୍ୟ ଅତିଥି ବିଶ୍ୱବିଦ୍ୟାଳୟ କୁଳପତି ପ୍ରଫେସର ପ୍ରଭାତ କୁମାର ରାଉଳ କହିଥିଲେ, ସ୍ମାର୍ଟ କୃଷି ପଦ୍ଧତି ପ୍ରୟୋଗ ଫଳରେ ଚାଷୀଙ୍କୁ ଅଧିକ ସଫଳତା ମିଳିପାରୁଛି ।
ଏହି ୩ ଦିନିଆ ଆଲୋଚନାଚକ୍ରରେ ସମ୍ମାନିତ ଅତିଥି ଭାବେ ସମ୍ପ୍ରସାରଣ ଶିକ୍ଷା ନିର୍ଦ୍ଦେଶାଳୟ, ଓୟୁଏଟିର ପୂର୍ବତନ ଅଧ୍ୟକ୍ଷ ଡ଼. ସନ୍ତୋଷ କୁମାର ରାଉତ ଯୋଗ ଦେଇଥିଲେ । ଅନ୍ୟତମ ସମ୍ମାନିତ ଅତିଥି ଆଇସିଏଆରର ପୂର୍ବତନ ଡିଡିଜି (ସମ୍ପ୍ରସାରଣ) ଡ. ପି. ଦାସ, କୃଷି କ୍ଷେତ୍ରରେ ଡିଜିଟାଲ ଟୁଲର ଆବଶ୍ୟକତା ଉପରେ ମତ ରଖିଥିଲେ । କୃଷି ଯୋଜନା ଆୟୋଗ, ଭାରତ ସରକାରଙ୍କ ପୂର୍ବତନ ପରାମର୍ଶଦାତା ଡ. ଭି. ଭି. ସଦାମତେ କୃଷି ସମ୍ପ୍ରସାରଣ କ୍ଷେତ୍ରରେ ଆଗାମୀ ପଦକ୍ଷେପ ଉପରେ କହିଛନ୍ତି । ଓୟୁଏଟି କୃଷି ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ହୃଷିକେଶ ପାତ୍ର ସ୍ୱାଗତ ଭାଷଣ ଦେଇଥିଲେ । ସମ୍ପାଦକ ପ୍ରଫେସର ମହାମାୟା ନାୟକ ଧନ୍ୟବାଦ ଦେଇଥିଲେ । ଡ଼. ଚକ୍ରଧର ପାତ୍ର ପରିଚାଳନା କରିଥିଲେ ।
