ନୂଆଦିଲ୍ଲୀ,୨୮/୦୧: ବୁଧବାର ମହାରାଷ୍ଟ୍ର ବାରାମତିରେ ପ୍ଲେନ୍ କ୍ରାସରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ୍ ପାଓ୍ବାରଙ୍କ ସମେତ ୬ଜଣଙ୍କ ମୃତ୍ୟୁ ହୋଇଛି। ପୁଣେର ବାରାମତୀ ଅଞ୍ଚଳରେ ପାୱାରଙ୍କ ବିମାନ ଅବତରଣ କରୁଥିବା ସମୟରେ ଏହି ଘଟଣା ଘଟିଥିଲା। ବିଶ୍ୱ ଇତିହାସରେ ବିମାନ କିମ୍ବା ହେଲିକପ୍ଟର ଦୁର୍ଘଟଣାରେ ଅନେକ ପ୍ରମୁଖ ରାଜନୈତିକ ନେତାଙ୍କୁ ହରାଇଛି। ଗତବର୍ଷ ଜୁନ୍ ୨୦୨୫ରେ ଅହମ୍ମଦାବାଦରେ ବିମାନ ଦୁର୍ଘଟଣାରେ ଗୁଜରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ମୃତ୍ୟୁ ଏବଂ ପୁଣି ଏବେ ପୁଣେରେ ଅଜିତ ପାୱାରଙ୍କ ମୃତ୍ୟୁ ଦୁଃଖଦ ଦୁର୍ଘଟଣାର ଇତିହାସକୁ ପୁଣିଥରେ ମନେ ପକାଇ ଦେଇଛି। ଆସନ୍ତୁ ଜାଣିବା ବିମାନ ଦୁର୍ଘଟଣାରେ ପ୍ରାଣ ହରାଇଥିବା ବିଶ୍ୱର କିଛି ଶୀର୍ଷ ନେତା ଏବଂ ପ୍ରମୁଖ ବ୍ୟକ୍ତିତ୍ୱଙ୍କ ବିଷୟରେ....
୧. ଇବ୍ରାହିମ ରାଇସି (୧୯୬୦-୨୦୨୪): ହେଲିକପ୍ଟର ଦୁର୍ଘଟଣାରେ ରାଷ୍ଟ୍ରପତି ରାଇସି ଏବଂ ବୈଦେଶିକ ମନ୍ତ୍ରୀ ଅମିରାବଦୋଲ୍ଲାହିଆନଙ୍କ ସମେତ ହେଲିକପ୍ଟରରେ ଥିବା ଅନ୍ୟ ଲୋକଙ୍କ ମୃତ୍ୟୁ ହୋଇଥିଲା। ଏନେଇ ଅନେକ ଇରାନୀ ସମାଚାର ଏଜେନ୍ସି ନିଶ୍ଚିତ କରିଥିଲେ।
୨. ଜେନେରାଲ ଜିଆ-ଉଲ-ହକ୍ (୧୯୨୪-୧୯୮୮): ପାକିସ୍ତାନର ବାହାୱାଲପୁର ନିକଟରେ ଏକ ବିମାନ ଦୁର୍ଘଟଣାରେ ପାକିସ୍ତାନର ଷଷ୍ଠ ରାଷ୍ଟ୍ରପତିଙ୍କ ମୃତ୍ୟୁ ହୋଇଥିଲା। ଯାନ୍ତ୍ରିକ ତ୍ରୁଟି ଏବଂ ଦୁର୍ଘଟଣାର କାରଣ ଷଡ଼ଯନ୍ତ୍ର ବୋଲି କୁହାଯାଉଛି।
୩. ଲେଚ୍ କାଜିନ୍ସକି (୧୯୪୯-୨୦୧୦): ପୋଲାଣ୍ଡର ରାଷ୍ଟ୍ରପତିଙ୍କ ରୁଷିଆର ସ୍ମୋଲେନସ୍କ ନିକଟରେ ଏକ ବିମାନ ଦୁର୍ଘଟଣାରେ ମୃତ୍ୟୁ ଘଟିଥିଲା। ପ୍ରତିନିଧି ଦଳ କାଟିନ୍ ହତ୍ୟାକାଣ୍ଡର ସ୍ମୃତିଚାରଣ କରିବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା।
୪. ରାମନ ମ୍ୟାଗସେସେ (୧୯୦୭-୧୯୫୭): ଫିଲିପାଇନ୍ସର ସପ୍ତମ ରାଷ୍ଟ୍ରପତି ସେବୁର ମାଉଣ୍ଟ ମାନୁଙ୍ଗଗାଲରେ ଏକ ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିଲେ। ମ୍ୟାଗସେସେ ତାଙ୍କର ଦୃଢ଼ କମ୍ୟୁନିଷ୍ଟ ବିରୋଧୀ ନୀତି ଏବଂ ଗଣତନ୍ତ୍ର ପ୍ରତି ତାଙ୍କର ସମର୍ପଣ ପାଇଁ ଜଣାଶୁଣା ଥିଲେ।
ଆହୁରି ପଢନ୍ତୁ-ନଜର ପକାନ୍ତୁ ଭାରତରେ କେବେ ଏବଂ କେମିତି ବିମାନ ଦୁର୍ଘଟଣାରେ ଯାଇଛି ଏହିସବୁ ବଡ଼ ନେତାଙ୍କ ଜୀବନ
୫. ଜୁଭେନାଲ୍ ହାବିୟାରିମାନା (୧୯୩୭-୧୯୯୪): ରୱାଣ୍ଡାର ରାଷ୍ଟ୍ରପତି ଏବଂ ବୁରୁଣ୍ଡିର ରାଷ୍ଟ୍ରପତି ସାଇପ୍ରିଏନ୍ ଣ୍ଟାରିଆମିରା (୧୯୫୫-୧୯୯୪), ରୱାଣ୍ଡାର କିଗାଲିରେ ଅବତରଣ କରିବାକୁ ଯାଉଥିବା ସମୟରେ ସେମାନଙ୍କ ବିମାନକୁ ଗୁଳି କରି ଖସାଇ ଦିଆଯିବାରୁ ଉଭୟଙ୍କ ମୃତ୍ୟୁ ହୋଇଥିଲା। ଏହି ଘଟଣାକୁ ପ୍ରାୟତଃ ରୱାଣ୍ଡା ଗଣହତ୍ୟାର କାରଣ ଭାବରେ ଉଲ୍ଳେଖ କରାଯାଏ।
୬. ସାମୋରା ମାକେଲ (୧୯୩୩-୧୯୮୬): ମୋଜାମ୍ବିକର ରାଷ୍ଟ୍ରପତିଙ୍କ ମୋଜାମ୍ବିକ-ଦକ୍ଷିଣ ଆଫ୍ରିକା ସୀମା ନିକଟରେ ଏକ ବିମାନ ଦୁର୍ଘଟଣାରେ ମୃତ୍ୟୁ ଘଟିଥିଲା। ଦୁର୍ଘଟଣାର କାରଣ ବିବାଦୀୟ, କିଛି ଲୋକ ଦକ୍ଷିଣ ଆଫ୍ରିକାର ସମ୍ପୃକ୍ତି ଅଭିଯୋଗ କରୁଛନ୍ତି।
୭. ବିଙ୍ଗୁ ୱା ମୁଥାରିକା (୧୯୩୪-୨୦୧୨): ମଲାୱିର ରାଷ୍ଟ୍ରପତିଙ୍କ ହେଲିକପ୍ଟର ଖରାପ ପାଗର ସମ୍ମୁଖୀନ ହୋଇଥିଲା। ଏଥି ଯୋଗୁଁ ରାଷ୍ଟ୍ରପତିଙ୍କ କାଫଲାକୁ ଅନ୍ୟତ୍ର ସ୍ଥାନାନ୍ତର କରାଯିବା ପରେ ମଲାୱିର ଲିଲୋଙ୍ଗୱେର ଏକ ହସ୍ପିଟାଲକୁ ନିଆଯାଇଥିଲା । ସେହି ସମୟରେ ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିଲା।
୮. ହାଫେଜ୍ ଅଲ୍-ଆସାଦ (୧୯୩୦-୨୦୦୦): ସିରିଆର ରାଷ୍ଟ୍ରପତି ଡାମାସ୍କସ୍ ଏକ ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିଲେ। ଏହି ଦୁର୍ଘଟଣା ରହସ୍ୟମୟ ପରିସ୍ଥିତିରେ ଘଟିଥିଲା। ଯଦିଓ ସରକାରୀ କାରଣ ବିମାନ ଚଲାଇବା ସମୟରେ ଅସାଦଙ୍କ ହୃଦଘାତକୁ ଦାୟୀ କରାଯାଇଥିଲା।
୯. ଲିଓନ୍ ମା'ବା (୧୯୦୨-୧୯୬୭): ଗାବନର ପ୍ରଥମ ରାଷ୍ଟ୍ରପତି ଗାବନ ଉପକୂଳରେ ଏକ ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିଲେ।
୧୦. ଡାଗ୍ ହାମାର୍ସ୍କଜୋଲ୍ଡ (୧୯୦୫-୧୯୬୧): ୧୯୬୧ ମସିହାରେ ଉତ୍ତର ରୋଡେସିଆ ବା ବର୍ତ୍ତମାନ ଜାମ୍ବିଆରେ ଏକ ବିମାନ ଦୁର୍ଘଟଣାରେ ଜାତିସଂଘର ତତ୍କାଳୀନ ମହାସଚିବଙ୍କ ମୃତ୍ୟୁ ହୋଇଥିଲା।
