ମୁନିଗୁଡା,୨୩।୪; ରାୟଗଡା ଜିଲ୍ଲା ଚନ୍ଦ୍ରପୁର ବ୍ଲକ୍ ବନ୍ଦିରୀ ଗ୍ରାମ କାଳିମା ସାହିରେ ଅଘଟଣ । କୂଅ ସଫା କରୁଥିବା ଵେଳେ ଶ୍ବାସରୁଦ୍ଧ ହୋଇ ୨ ଜଣଙ୍କ ମୃତ୍ୟୁ ଘଟିଛି। ମୃତକ ୨ଜଣ ହେଲେ ଟେଟେ ଟାଙ୍ଗାରାଙ୍ଗା ଓ ଚିତରଞ୍ଜନ ଟାଙ୍ଗାରାଙ୍ଗା ।
ଚନ୍ଦ୍ରପୁର ବ୍ଲକ୍ ବନ୍ଦିରୀ ଗ୍ରାମ କାଳିମା ସାହିରେ ଟେଟେ ଟାଙ୍ଗାରାଙ୍ଗା ଓ ଚିତରଞ୍ଜନ ଟାଙ୍ଗାରାଙ୍ଗା କୂଅ ସଫା କରୁଥିଲେ। ତେବେ ଦୁଇଜଣ କୂଅରୁ ଵାହାରି ପାରିନଥିଲେ। ପରେ ସେମାନଙ୍କୁ କୂଅରୁ ଉଦ୍ଧାର କରାଯାଇ ଚନ୍ଦ୍ରପୁର ଡାକ୍ତରଖାନା ଅଣାଯାଇଥିଲା। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ଖବରପାଇ ଚନ୍ଦ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି। କେଉଁ ପରିସ୍ଥିତିରେ ଏଭଳି ଘଟଣା ଘଟିଲା ତାର କାରଣ ଅଷ୍ପଷ୍ଠ ଥିବା ବେଳେ ଅଣ ନିଶ୍ବାସୀ ହୋଇ ମୃତ୍ୟୁ ହୋଇ ଥାଇପାରେ ବୋଲି ସନ୍ଦେହ କରାଯାଉଛି ।
