ନୂଆଦିଲ୍ଲୀ,୦୩/୦୩: ଭାରତୀୟ ରେଳବାଇ ୨୦୩୦ ସୁଦ୍ଧା ପ୍ରଦୂଷଣ ହ୍ରାସ କରିବା ପାଇଁ ଶୂନ କାର୍ବନ ନିର୍ଗମନରେ ପହଞ୍ଚିବା ପାଇଁ ଏକ ସନ୍ତୁଳିତ ଯୋଜନା କରିଛି। ଯେଉଁଥିରେ ରେଳବାଇ ଦ୍ୱାରା ପରମାଣୁ, ସୌର, ଜଳ ଶକ୍ତି, ପବନ ଏବଂ ତାପଜ ଶକ୍ତି ଉତ୍ସ ବ୍ୟବହାର କରାଯିବ। ଏହି ପଦକ୍ଷେପ ନାସନାଲ ଟ୍ରାନ୍ସପୋର୍ଟରର ୧୦-ଜିଗାୱାଟ ଟ୍ରାକ୍ସନ୍ ଶକ୍ତି ଆବଶ୍ୟକତାକୁ ପୂରଣ କରିବାରେ ସାହାଯ୍ୟ କରିବ। ରେଳବାଇ ୨୦୩୦ ସୁଦ୍ଧା ୩ ଜିଗାଓ୍ବାଟ ନବୀକରଣୀଯୋଗ୍ୟ ଶକ୍ତି ଏବଂ ୩ ଜିଗାଓ୍ବାଟ ତାପଜ ଏବଂ ପରମାଣୁ ଶକ୍ତି କିଣିବାକୁ ଯୋଜନା କରିଛି।
ବାକି ୪ ଜିଗାଓ୍ବାଟ ଟ୍ରାକ୍ସନ ପାଇଁ ବିଦ୍ୟୁତ୍ ବିତରକ କମ୍ପାନୀଗୁଡ଼ିକ ସହିତ ଚୁକ୍ତିନାମା କରାଯିବ। ଜଣେ ବରିଷ୍ଠ ରେଳ ଅଧିକାରୀଙ୍କ ଅନୁଯାୟୀ, ରେଳବାଇ ଶକ୍ତି ମନ୍ତ୍ରଣାଳୟରୁ ୨ ଜିଗାଓ୍ବାଟ ପରମାଣୁ ଶକ୍ତି ଆବଣ୍ଟନ କରିବାକୁ ଅନୁରୋଧ କରିଛି। ଏଥି ସହିତ, ନୂତନ ମିଳିତ ଉଦ୍ୟୋଗ ପ୍ରସ୍ତାବ ଏବଂ ବିଦ୍ୟୁତ୍ କ୍ରୟ ଚୁକ୍ତିନାମା ମାଧ୍ୟମରେ ୨ ଜିଗାଓ୍ବାଟ ତାପଜ ବିଦ୍ୟୁତ୍ ଅଧିଗ୍ରହଣ କରାଯିବ। ଏହା ବ୍ୟତୀତ, ୨୪ଘଣ୍ଟିଆ ୫୦୦ ମେଗାୱାଟ୍ ନବୀକରଣଯୋଗ୍ୟ ଶକ୍ତି ପାଇଁ ମଧ୍ୟ ଚୁକ୍ତିନାମା କରାଯାଉଛି।
ଜଳ ଶକ୍ତି ଯୋଜନା ଉପରେ ଧ୍ୟାନ:
ଏଥି ସହିତ, ଜଳ ଶକ୍ତି ପ୍ରକଳ୍ପଗୁଡ଼ିକ ମଧ୍ୟ ଏହି ଯୋଜନାର ଏକ ଅଂଶ ହେବ। ଏଥି ପାଇଁ ସରକାର ପ୍ରାୟ ୧.୫ ଜଳ ଶକ୍ତି ପ୍ରକଳ୍ପ ଯୋଜନା କରୁଛନ୍ତି ଯାହା ରେଳବାଇକୁ ଶକ୍ତି ଯୋଗାଣ କରିବ। ଏହି ପ୍ରକଳ୍ପଗୁଡ଼ିକ ରେଳବାଇକୁ ଶକ୍ତି ଯୋଗାଇବ। ଆଗାମୀ ସମୟରେ, ରେଳବାଇ ରେଳ ବ୍ୟବସ୍ଥାକୁ ପ୍ରଯୁକ୍ତିବିଦ୍ୟା ସହିତ ସମ୍ପୂର୍ଣ୍ଣ ଭାବରେ ସଂଯୋଗ କରିବା ଦିଗରେ ଅଗ୍ରସର ହେଉଛି। ଏଥିପାଇଁ ବନ୍ଦେ ଭାରତ ଭଳି ଟ୍ରେନ ମଧ୍ୟ ଆରମ୍ଭ ହୋଇସାରିଛି।
୧୦୦% ବିଦ୍ୟୁତୀକରଣ ଦିଗରେ ପଦକ୍ଷେପ:
ରେଳ ଅଧିକାରୀଙ୍କ ଅନୁଯାୟୀ, ଭାରତୀୟ ରେଳବାଇ ଏହି ଆର୍ଥିକ ବର୍ଷ ସୁଦ୍ଧା ବ୍ରଡଗେଜ୍ ରୁଟରେ ୧୦୦% ବିଦ୍ୟୁତୀକରଣର ଲକ୍ଷ୍ୟ ହାସଲ କରିବ। ୨୦୨୫-୨୬ ସୁଦ୍ଧା, ୯୫% ଟ୍ରେନ୍ ବିଦ୍ୟୁତ୍ ଶକ୍ତିରେ ଚାଲିବ, ଯାହା ପ୍ରତିବର୍ଷ ୧.୩୭ ନିୟୁତ ଟନ୍ ସିଧାସଳଖ କାର୍ବନ ନିର୍ଗମନ ହ୍ରାସ କରିବ ଏବଂ ୨୦୩୦ ପର୍ଯ୍ୟନ୍ତ ଏହି ଧାରା ବଜାୟ ରହିବ।
ବିଦ୍ୟୁତରେ ଚାଲୁଛି ୯୦ ପ୍ରତିଶତରୁ ଅଧିକ ଟ୍ରେନ୍:
ସରକାର ରେଳପଥକୁ ସମ୍ପୂର୍ଣ୍ଣ ବିଦ୍ୟୁତ ଶକ୍ତିରେ ଚଳାଇବା ପାଇଁ ନିରନ୍ତର ଚେଷ୍ଟା କରୁଛନ୍ତି। ଏହାର ପରିଣାମ ସ୍ୱରୂପ ବର୍ତ୍ତମାନ ଦେଶର ୯୦% ଟ୍ରେନ ବିଦ୍ୟୁତ୍ ଶକ୍ତିରେ ଚାଲୁଥିବା ବେଳେ ମାତ୍ର ୧୦% ଡିଜେଲରେ ଚାଲୁଛି। ଏହି ପରିପ୍ରେକ୍ଷୀରେ ୩ ବର୍ଷ ପୂର୍ବେ ଏହି ସଂଖ୍ୟା ୩୭ ପ୍ରତିଶତ ଥିଲା।
