ନୂଆଦିଲ୍ଲୀ,୦୮/୦୬: ରେଡ୍ ବଲ କ୍ରିକେଟରୁ ଅବସର ନେଇଛନ୍ତି ବିରାଟ କୋହଲି ଓ ରୋହିତ ଶର୍ମା । ଦୁଇ ବରିଷ୍ଠ ଖେଳାଳିଙ୍କ ବିନା ଇଂଲଣ୍ଡ ବିପକ୍ଷରେ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବ ଟିମ୍ ଇଣ୍ଡିଆ । ଶୁବମନ ଗିଲଙ୍କ ନେତୃତ୍ୱରେ ଇଂଲଣ୍ଡରେ ପହଞ୍ଚି ସାରିଛନ୍ତି ଭାରତ । ତେବେ ରୋହିତ ଓ କୋହଲିଙ୍କ ଟେଷ୍ଟରୁ ସନ୍ନ୍ୟାସ ନେବା ନେଇ କଣ କହିଛନ୍ତି ଇଂଲଣ୍ଡର ବୋଲି କ୍ରିସ୍ ୱକ୍ସ । ଜାଣନ୍ତୁ ଏହି ରିପୋର୍ଟରେ ।
୬ମାସ ହେବ ଖେଳରୁ ଦୂରରେ ଥିବା ଇଂଲଣ୍ଡର ଦ୍ରୁତ ବୋଲର କ୍ରିସ୍ ୱକ୍ସ କହିଛନ୍ତି, ''ରୋହିତ ଶର୍ମା ଓ ବିରାଟ କୋହଲିଙ୍କର ଟେଷ୍ଟ କ୍ରିକେଟରୁ ଅବସର ଲଜ୍ଜାଜନକ । ଏବେ ସେମାନେ ଟେଷ୍ଟ କ୍ରିକେଟ ଖେଳିବେ ନାହିଁ । ଯାହା ଖେଳ ପାଇଁ ଠିକ୍ ନୁହେଁ । ଗତ କିଛି ବର୍ଷ ହେବ ବିରାଟ ଓ ରୋହିତଙ୍କ ସହିତ ଭଲ ଲଢେଇ ହୋଇଛି । ଖେଳ ପାଇଁ ଏହା ବହୁତ ଲଜ୍ଜା କଥା ଯେ ଏବେ ସେମାନେ ଆଉ ଖେଳିବେ ନାହିଁ । ଟିମ୍ ଇଣ୍ଡିଆରେ ଏହି ଦୁଇ ବରିଷ୍ଠ ଖେଳାଳି ନରହିବା ବ୍ୟାଟିଂ ବିଭାଗରେ ବଡ଼ ଶୂନ୍ୟସ୍ଥାନ ସୃଷ୍ଟି କରିଛି । ମାତ୍ର ଭାରତୀୟ କ୍ରିକେଟ ଟିମ୍କୁ ଯେଉଁ ଖେଳାଳି ଆସନ୍ତି ସେ ବହୁତ ଉଚ୍ଚସ୍ତରର ହୋଇଥାନ୍ତି । ସେମାନେ ନିଜକୁ ପ୍ରମାଣିତ କରିଥାନ୍ତି ।''
ସେହିପରି ଭାରତୀୟ ବ୍ୟାଟ୍ସମ୍ୟାନଙ୍କ ପ୍ରଶଂସା କରି କ୍ରିସ୍ ୱକ୍ସ କହିଛନ୍ତି, ''ସେମାନଙ୍କ ବିପକ୍ଷରେ ବୋଲିଂ କରିବା କଷ୍ଟକର ହେବ । ପରିସ୍ଥିତି ଯେମିତି ବି ହେଉ ସେମାନଙ୍କ ବିପକ୍ଷରେ କେଉଁଠି ବି ଖେଳନ୍ତୁ । ଭାରତୀୟ ବ୍ୟାଟ୍ସମ୍ୟାନ ବହୁତ ଭଲ ରହିଥାନ୍ତି । ଏହା ଏକ କଠିନ ଚ୍ୟାଲେଞ୍ଜ ହେବ । କେଏଲ ରାହୁଲ ବହୁତ ଭଲ ଫର୍ମରେ ଅଛନ୍ତି । ''
ଏହା ବି ପଢନ୍ତୁ...IND vs ENG; ଇଂଲଣ୍ଡ ଗସ୍ତରେ ଶୁବମନ ସେନା, ଜୁନ୍ ୨୦ରୁ ହେଡିଂଲେରେ ପ୍ରଥମ ମ୍ୟାଚ
୨୦ରୁ ଶୁବମନଙ୍କ ସହ ନୂଆ ଯୁଗର ଶୁଭାରମ୍ଭ- ରୋହିତ ଓ ବିରାଟଙ୍କ ଅବସର ପରେ ଭାରତୀୟ ଟେଷ୍ଟ କ୍ରିକେଟ ଦଳର ନୂଆ ଅଧିନାୟକ ହୋଇଛନ୍ତି ଷ୍ଟାର ଖେଳାଳି ଶୁବମନ ଗିଲ୍ । ଆସନ୍ତା ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଶୁବମନଙ୍କ ସହ ନୂଆ ଯୁଗର ଆରମ୍ଭ କରିବ ଭାରତୀୟ କ୍ରିକେଟ ଦଳ । ଇଂଲଣ୍ଡରେ ଭାରତ ୫ଟି ଟେଷ୍ଟ ମ୍ୟାଚ ଖେଳିବ । ୨୦ରୁ ହେଡିଂଲେରେ ପ୍ରଥମ ମ୍ୟାଚ ଖେଳାଯିବ । ଆଇସିସି ବିଶ୍ୱ ଟେଷ୍ଟ ଚମ୍ପିଆନସିପ ୨୦୨୫-୨୭ ଚକ୍ରରେ ଇଂଲଣ୍ଡ ବିପକ୍ଷରେ ଭାରତ ଅଭିଯାନ ଆରମ୍ଭ କରିବ । ଟେଷ୍ଟ ସିରିଜ ପୂର୍ବରୁ ପ୍ରଥମେ ରୋହିତ ଶର୍ମା ଓ ପରେ ବିରାଟ କୋହଲି ରେଡ୍ ବଲ କ୍ରିକେଟରୁ ଅବସର ଘୋଷଣା କରିଥିଲେ ।
