ନୂଆଦିଲ୍ଲୀ,୨୨।୨: ସମାଜବାଦୀ ପାର୍ଟି ନେତା ଅଖିଳେଶ ଯାଦବ ରବିବାର ଦେଇଥିବା ଏକ ବୟାନ ଉତ୍ତର ପ୍ରଦେଶ ରାଜନୀତିକୁ ସରଗରମ କରିଛି। ସେ ୟୁପି ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏବଂ ବ୍ରଜେଶ ପାଠକଙ୍କୁ ପରୋକ୍ଷରେ ମୁଖ୍ୟମନ୍ତ୍ରୀ ପଦ ଅଫର କରିଛନ୍ତି। ସମାଜବାଦୀ ପାର୍ଟି ମୁଖ୍ୟ ବିଜେପିକୁ ମଧ୍ୟ ଟାର୍ଗେଟ କରିଛନ୍ତି । ଅଖିଳେଶ ନାଁ ନ ନେଇ କହିଛନ୍ତି, ‘ସେମାନେ ଉଭୟ ମୁଖ୍ୟମନ୍ତ୍ରୀ ହେବାକୁ ଚାହାଁନ୍ତି। ମୁଁ ଏକ ଖୋଲା ପ୍ରସ୍ତାବ ଦେଉଛି। ସେମାନେ ୧୦୦ ବିଧାୟକଙ୍କୁ ଆଣି ମୁଖ୍ୟମନ୍ତ୍ରୀ ହୁଅନ୍ତୁ। ଅନ୍ୟ କୌଣସି ସ୍ଥାନରେ ଏହାଠାରୁ ଭଲ ପ୍ରସ୍ତାବ ପାଇବେ ନାହିଁ। ତଥାପି, ଏହି ପ୍ରସ୍ତାବ ସୀମିତ ସମୟ ପାଇଁ। ଅଖିଳେଶଙ୍କ ଏହି ଇଶାରା ଡେପୁଟି ସିଏମ୍ ବ୍ରଜେଶ ପାଠକ ଏବଂ କେଶବ ପ୍ରସାଦ ମୌର୍ଯ୍ୟଙ୍କୁ ନେଇ ରହିଥିଲା।
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଦେଶ(ସିଙ୍ଗାପୁର) ଗସ୍ତରେ ଥିବା ବେଳେ ଅଖିଳେଶ ଏହି ଅଫର ଦେଇଛନ୍ତି। ପୂର୍ବରୁ ଅଖିଳେଶ ଯାଦବ କେବଳ କେଶବ ପ୍ରସାଦ ମୌର୍ଯ୍ୟଙ୍କୁ ଦଳରେ ଯୋଡିବା ବିଷୟରେ କହିଥିଲେ, ଏବେ ସେ ଏହି ତାଲିକାରେ ବ୍ରଜେଶ ପାଠକଙ୍କୁ ଯୋଡିଛନ୍ତି। ସରକାରଙ୍କୁ ଟାର୍ଗେଟ କରି ସପା ମୁଖ୍ୟ କହିଛନ୍ତି,‘ ଆମେ ବିକାଶ ଉପରେ ଭୋଟ ଚାହୁଁନାହୁଁ।
ଉଲ୍ଲେଖନୀୟ ଯେ, ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଆଜି ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀ କରିଥିଲେ। ସାମ୍ବାଦିକ ସମ୍ମିଳନୀ ସମୟରେ ସେ ଶଙ୍କରାଚାର୍ଯ୍ୟ ଅଭିମୁକ୍ତେଶ୍ୱରାନନ୍ଦଙ୍କ ବିରୋଧରେ ଯୌନ ନିର୍ଯାତନା ଏଫଆଇଆର ଉପରେ ବର୍ଷିଥିଲେ। ସେ କହିଥିଲେ, ‘ରାମଭଦ୍ରାଚାର୍ଯ୍ୟଙ୍କ ବିରୋଧରେ ମାମଲା ପ୍ରତ୍ୟାହାର କରି ମୁଁ ଭୁଲ କରିଛି। ମୁଁ ତାଙ୍କୁ ସେତେବେଳେ ଜେଲ ପଠାଇବା ଉଚିତ ଥିଲା। ମତାମତକୁ ନେଇ ଦ୍ୱନ୍ଦ୍ୱ ହୁଏ, କିନ୍ତୁ ତୁମେ ଏହି ସ୍ତରକୁ ଖସିଯିବ। ଏହା ଠିକ୍ ନୁହେଁ।’
ଆହୁରି ପଢନ୍ତୁ :ଭାରତୀୟଙ୍କ ପାଇଁ ଟୁରିଷ୍ଟ ଭିସା ସେବା ପୁଣି ଲାଗୁ କଲା ବାଂଲାଦେଶ,ସୋମବାରଠୁ ମିଳିବ ସୁବିଧା
