ମାଲକାନଗିରି,୧୪/୧୧ : ଜିଲ୍ଲାର ୧୫୩ଟି ଅଙ୍ଗନୱାର୍ଡି କେନ୍ଦ୍ରରେ କୋଟିଏ ହସ ଓ ପୋଷଣ ଶିଶୁଙ୍କୁ ପୃଷ୍ଟିକର ଟୋକେଇ ପୁରସ୍କାର ପ୍ରଦାନ କରା ଯାଇଛି।ଜିଲ୍ଲାର ସମସ୍ତ ଅଙ୍ଗନବାଡି ଜ୍ଞାନ କେନ୍ଦ୍ରରେ ଛଅ ଜଣ ଲେଖାଏଁ ସୁସ୍ଥ ଶିଶୁଙ୍କୁ ପୁରସ୍କୃତ କରାଯାଇଛି । ମହିଳା ଏବଂ ଶିଶୁ ବିକାଶ ବିଭାଗ ଆନୁକୂଲ୍ୟରେ କୋଟିଏ ହସ ଏବଂ ପୋଷଣ ଅଭିଯାନ କାର୍ଯ୍ୟକ୍ରମ ଜିଲ୍ଲାବ୍ୟାପି ଆୟୋଜନ କରାଯାଇଛି। 

 ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଜ଼ିଲ୍ଲାର ସମସ୍ତ ଅଙ୍ଗନବାଡି କେନ୍ଦ୍ରରେ ଶିଶୁ ଦିବସ ପାଳନ କରାଯାଇଛି। ଏହି ଅବସରରେ କିଭଳି ଆଦ୍ୟ ଶୈଶବର ଯତ୍ନ ଓ ଶିକ୍ଷା ପ୍ରଦାନ କରାଯିବ ସେଥି ନିମନ୍ତେ କାର୍ଯ୍ୟକ୍ରମ ଆୟୋଜନ କରାଯାଇଛି  । ତେବେ ଚଳିତ ବର୍ଷ ପ୍ରଥମ କରି ଜ଼ିଲ୍ଲାର ସମସ୍ତ  ୧୫୩ଟି ଅଙ୍ଗନବାଡି ଜ୍ଞାନ କେନ୍ଦ୍ରରେ କୋଟିଏ ହସ ସହିତ ପୋଷଣ ଶିଶୁ ଓ ସେମାନଙ୍କର ପିତାମାତାଙ୍କୁ ମଧ୍ୟ ପ୍ରୋତ୍ସାହିତ କରାଯାଇଛି। ପୋଷଣ ଟ୍ରାକର ଅନୁସାରେ ସାଧାରଣ ଵର୍ଗରେ ଥିବା ଶିଶୁମାନଙ୍କୁ ଦୁଇଟି ଵର୍ଗ ଯଥା ୬ ମାସ ରୁ ୩ ବର୍ଷ ଏବଂ ୩ବର୍ଷ ରୁ ୬ ବର୍ଷ ଅନୁଯାୟୀ ସୁସ୍ଥ ଶିଶୁ ଚି଼ହ୍ନଟ କରାଯାଇଛି । ଅଙ୍ଗନବାଡି କେନ୍ଦ୍ର ସ୍ତରରେ ସତନ୍ତ୍ର କମିଟି ଦ୍ଵାରା ଉଭୟ ଵର୍ଗ ରେ ଶ୍ରେଷ୍ଠ ୩ ଜଣଙ୍କୁ ଚି଼ହ୍ନଟ କରି ପୁରସ୍କୃତ କରାଯାଇଛି । ଏହି ଅବସରରେ ଆକର୍ଷଣୀୟ ପୁରସ୍କାର ଓ  ପୃଷ୍ଟିକର ଟୋକେଇ ପ୍ରଦାନ କରାଯାଇଛି ।ଜିଲ୍ଲା ର ଚିତ୍ରକୋଣ୍ଡା, କୋରକୁଣ୍ଡା, ଖଇର ପୁଟ, ମାଥିଲି, ମାଲକାନଗିରି, କାଲିମେଳା, ପଡିଆ ସାତ ଟି ବ୍ଲକ ଅଞ୍ଚଳ ରେ ଥିବା ସମସ୍ତ ଅଙ୍ଗନୱାର୍ଡ କେନ୍ଦ୍ର ଗୁଡିକ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଭିନ୍ନ ଗ୍ରାମରୁ ମହିଳା ମାନେ ସେମାନଙ୍କ ସୁସ୍ଥ ଶିଶୁ  ମାନଙ୍କୁ ଧରି କେନ୍ଦ୍ର ରେ ପହଁଚି ପ୍ରତିଯୋଗିତା ରେ ଭାଗ ନେଇଥିଲେ।