ବାସୁଦେବପୁର, ୨୨।୧୦ : ସମ୍ଭାବ୍ୟ ବାତ୍ୟା ଦାନାକୁ ନେଇ ବାସୁଦେବପୁର ପ୍ରଶାସନ ପକ୍ଷରୁ ତତ୍ପରତା ଦେଖାଦେଇଛି। ବାସୁଦେବପୁର ବ୍ଲକର ସମୁଦ୍ର ଉପକୂଳବର୍ତ୍ତୀ ଥିବା ଗାଁ ଗୁଡିକରେ ପ୍ରଶାସନ ପକ୍ଷରୁ ଡକାଵାଜି ଯନ୍ତ୍ର ସାହାଯ୍ୟରେ ସଚେତନତା କରାଯାଇଛି।
ଏଥିସହିତ ବାସୁଦେବପୁର ମ୍ୟୁନିସିପାଲଟିରେ ଥିବା ରାଧାକାନ୍ତପୁର ଆଡିଆ ରେ ବାତ୍ୟା ଆଶ୍ରୟ ସ୍ଥଳୀ ରେ ଥିବା ସାମଗ୍ରୀ ଠିକ ଠାକ ଅଛିକି ନାହିଁ ତଦାରଖ କରାଯାଇଛି। କେତେକ ଆଶ୍ରୟସ୍ଥଳୀରେ ଡିଜି ମେସିନ ଖରାପ ହୋଇଥିବା ବେଳେ କେତେକ ମେସିନ ଖରାପ ହୋଇ ପଡି ରହିଛି। ଚୂଡ଼ାମଣି ସାମୁଦ୍ରିକ ଥାନାର ପୋଲିସ ସମସ୍ତ ଆଶ୍ରୟ ସ୍ଥଳୀ ଠିକ ଅଛିକି ନାହିଁ ବୁଲି ଦେଖିଥିଲେ। ଏଥିସହିତ ବିଡ଼ିଓ ସଂଜୀବ କୁମାର ବ୍ଲକର ଥିବା ୪୯ଟି ଆଶ୍ରୟ ସ୍ଥଳୀ ବୁଲି ଦେଖିଥିଲେ।
