ନୂଆଗାଁ,୨୦/୧୧: ମାମାଢ଼ାବା ସମ୍ମୁଖରେ ମୁହାଁ ମୁହିଁ ଧକ୍କା ଧକ୍କା ହେଲା ଦୁଇ ବାଇକ୍ । ଚାଲିଗଲା ଶିକ୍ଷକଙ୍କ ଜୀବନ । ମୃତକ କନ୍ଦଳବ ସ୍କୁଲର ଶିକ୍ଷକ କିଶୋର ସେନାପତି ବୋଲି ଜଣାପଡ଼ିଛି । ଖୋର୍ଦ୍ଧା ବଲାଙ୍ଗୀର ଜାତୀୟ ରାଜପଥ ନୂଆଗାଁ ମାମାଢ଼ାବା ସମ୍ମୁଖରେ ଏଭଳି ଘଟଣା ଘଟିଛି।
ସୂଚନା ମୁତାବକ, ନୟାଗଡ ପଟରୁ ଜଣେ ଶିକ୍ଷକ ହିରୋ ହୋଣ୍ଡା ଗାଡିରେ ନୂଆଗାଁ ଅଭିମୁଖେ ଆସୁଥିଲେ । ଏହି ସମୟରେ ବିପରୀତ ଦିଗରୁ ଦୃତ ଗତିରେ ଆସୁଥିବା ୟାମାହା ଆର୍-୧୫ ଗାଡି ସହ ଧକ୍କା ହୋଇଥିଲା । ବାଇକ୍ ଦୁଇଟି ଧକ୍କା ହେବା ଫଳରେ ଦୁଇ ବାଇକ୍ ଆରୋହୀ ରାସ୍ତା ପାର୍ଶ୍ବରେ ଛିଟିକି ପଡ଼ି ଗୁରୁତର ହୋଇଥିଲେ । ଏହା ଦେଖି ଉଭୟ ପାର୍ଶ୍ଵରୁ ଆସୁଥିବା କିଛି ଯାତ୍ରୀ ଏବଂ ନୂଆଗାଁ କଲେଜ୍ ଛାତ୍ର ମାନେ ଗୁରୁତର ଗାଡି ଚାଳକଙ୍କୁ ଉଦ୍ଧାର କରିଥିଲେ । ଛାତ୍ରମାନେ ୧୦୮ ଆମ୍ବୁଲାନ୍ସକୁ ଖବର ଦେବାସହ ସ୍ଥାନୀୟ ନୂଆଗାଁ ପୋଲିସକୁ ମଧ୍ୟ ଖବର ଦେଇଥିଲେ । ଖବର ପାଇ ନୂଆଗାଁ ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ସେଠାରେ ପହଞ୍ଚି ଦୁଇ ଗୁରୁତରଙ୍କୁ ଆମ୍ବୁଲାନ୍ସ ସହାୟତାରେ ନୟାଗଡ ମୁଖ୍ୟ ଚିକିତ୍ସାଳୟକୁ ପଠାଇବାର ବ୍ୟବସ୍ଥା କରିଥିଲା ପୋଲିସ । ନୟାଗଡ ଚିକିତ୍ସାଳୟରେ କନ୍ଦଳବ ସ୍କୁଲର ଶିକ୍ଷକ କିଶୋର ସେନାପତି ମୃତ୍ୟୁ ବରଣ କରିଥିବା ଜଣା ପଡ଼ିଛି।
