ବୈପାରୀଗୁଡା,୨୭/୧୧: ବୈପାରୀଗୁଡାରେ ଅପରେସନ ଗ୍ରୀନ୍ କ୍ଲିନ୍ ଜାରି ରହିଛି । ନଷ୍ଟ ହେଲା ୫୧ ଏକର ଜାଗାର ଗଞ୍ଜେଇ ଚାଷ । ବୈପାରୀଗୁଡା ବ୍ଲକ ମାଝୀଗୁଡା ପଞ୍ଚାୟତର ତଳ ଟିକିରାପୋଡା, ରଙ୍ଗିଣୀଗୁଡା, ଉପର ଟିକିରାପୋଡା ଠାରେ ଏହି ଚଢ଼ାଉ କରାଯାଇଛି । ୫୦ ହଜାରରୁ ଉର୍ଦ୍ଧ୍ୱ ଗଞ୍ଜେଇ ଗଛକୁ ପୋଡ଼ି ନଷ୍ଟ କରାଯାଇଛି । ନଷ୍ଟ ହୋଇଥିବା ଗଞ୍ଜେଇ ଗଛର ଆନୁମାନିକ ମୂଲ୍ୟ ପାଞ୍ଚ କୋଟି ଟଙ୍କା ହେବ ବୋଲି ଜଣା ପଡିଛି ।
ଏହି ଅଞ୍ଚଳରେ ଗଞ୍ଜେଇ ଚାଶ କରାଯାଉଥିବା ନେଇ ଏକ ବିଶେଷ ସୂତ୍ରରୁ କବର ପାଇଥିଲା ପୋଲିସ । ଖବର ପାଇ ଜୟପୁର ଏସଡିପିଓ ଅଙ୍କିତ କୁମାର ବର୍ମାଙ୍କ ନେତୃତ୍ୱରେ ବୈପାରୀଗୁଡା, ନନ୍ଦପୁର, ଜୟପୁର ପୋଲିସ ଓ ଅବକାରୀ ବିଭାଗ ଦ୍ୱାରା ମିଳିତ ଚଢାଉ ହୋଇଥିବା ସୂଚନା ରହିଛି । ଗତ କିଛି ଦିନ ପୂର୍ବରୁ ଏହି ପଞ୍ଚାୟତର କଟ୍ରାଗୁଡା, ବାଉଁଶିଆଗୁଡା ଏବଂ ଭାଟିପଡା ଅଞ୍ଚଳରେ ଚଢ଼ାଉ କରି ବେଆଇନ ଗଞ୍ଜେଇ ଚାଷକୁ ନଷ୍ଟ କରାଯାଇଥିଲା । ପରେ ବୁଧବାର ମାଝୀଗୁଡା ପଞ୍ଚାୟତର ତଳ ଟିକିରାପୋଡା, ଉପର ଟିକିରାପୋଡା ଏବଂ ରଙ୍ଗିନୀଗୁଡା ଅଞ୍ଚଳରେ ଚଢ଼ାଉ କରି ବେଆଇନ ଗଞ୍ଜେଇ ଚାଷକୁ ନଷ୍ଟ କରାଯାଇଛି ।
