ନୂଆଦିଲ୍ଲୀ,୧୮/୧: କ୍ରିକେଟ ଓ ରାଜନୀତିର ହେବ କି ମହାମିଳନ । ବିବାହ ବନ୍ଧନରେ ବାନ୍ଧି ହେବେ କି ଜଣେ କ୍ରିକେଟର ଓ ପଲିଟିସିଆନ । ଭାରତୀୟ ଦଳର ଯୁବ କ୍ରିକେଟର ରିଙ୍କୁ ସିଂଙ୍କ ନିର୍ବନ୍ଧ ସରିଥିବା ନେଇ ସାମାଜିକ ଗଣମାଧ୍ୟମରେ ଚର୍ଚ୍ଚା । ସମାଜବାଦୀ ପାର୍ଟି ସାଂସଦ ପ୍ରିୟା ସରୋଜଙ୍କୁ ରିଙ୍କୁ ସିଂ ଜୀବନସାଥୀ କରିବାକୁ ଯାଉଛନ୍ତି । ଉଭୟଙ୍କ ନିର୍ବନ୍ଧ ସରିଥିବା ଚର୍ଚ୍ଚା ହେଉଛି । ଖୁବଶୀଘ୍ର ଉଭୟେ ବିବାହ ବନ୍ଧନରେ ବାନ୍ଧି ହେବେ ବୋଲି ବୋଲି କୁହାଯାଉଛି । ରିଙ୍କୁ ଓ ପ୍ରିୟାଙ୍କ ନିର୍ବନ୍ଧ ଖବର ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ହେଉଛି । ତେବେ ବାସ୍ତବରେ ଏ ଖବର ସତ ନା ଗୁଜବ ତାକୁ ନେଇ ସସପେନ୍ସ ଜାରି ରହିଛି ।

ଭାରତର ଷ୍ଟାର ବ୍ୟାଟର ରିଙ୍କୁ ସିଂ ୨୦୨୩ ଆଇପିଏଲରେ ଶିରୋନାମାରେ ଥିଲେ । ଇଣ୍ଡିଆନ ପ୍ରିମିୟର ଲିଗ ୨୦୨୩ରେ ବ୍ୟାକ ଟୁ ବ୍ୟାକ୍ ୫ଟି ଛକା ମାରି ହେଡଲାଇନରେ ଥିଲେ । ଏବେ ସେ ପୁଣି ଚର୍ଚ୍ଚାରେ ରହିଛନ୍ତି । ଖୁବଶୀଘ୍ର ଜଣେ ରାଜନେତ୍ରୀଙ୍କୁ ବିବାହ କରିବା ନେଇ ଖବର ସୋସିଆଲ ମିଡିଆରେ ଭାଇରାଲ ହେଉଛି । ସମାଜବାଦୀ ପାର୍ଟି ସାଂସଦ ପ୍ରିୟା ସରୋଜଙ୍କ ସହ ତାଙ୍କ ନିର୍ବନ୍ଧ ହୋଇଥିବା ଚର୍ଚ୍ଚା ହେଉଛି । ମାତ୍ର ଏହା ବାସ୍ତବ କି ଗୁଜବ ତାହା ସ୍ପଷ୍ଟ ହୋଇନାହିଁ । ଏ ଖବରକୁ ନେଇ ପ୍ରିୟା ସରୋଜଙ୍କ ବାପା କହିଛନ୍ତି ରିଙ୍କୁଙ୍କ ପରିବାର ବିବାହ ପ୍ରସ୍ତାବ ଦେଇଛନ୍ତି । ଏହା ଗୁଜବ ବୋଲି କହିଛନ୍ତି ପ୍ରିୟାଙ୍କ ବାପା ତୁଫାନୀ ସରୋଜ । ଖବରକୁ ରିଙ୍କୁ କିମ୍ବା ପ୍ରିୟା ମଧ୍ୟ କୌଣସି ସୂଚନା ଦେଇନାହାନ୍ତି ।

Rinku Singh gets engaged to Samajwadi Party MP Priya Saroj. 💍

- Many congratulations to them! ❤️ pic.twitter.com/7b7Hb0D2Em

— Mufaddal Vohra (@mufaddal_vohra) January 17, 2025

ଏହା ବି ପଢନ୍ତୁ...୧୯ବର୍ଷରୁ କମ୍‌ ମହିଳା ଟି-ଟ୍ୱେଣ୍ଟି ବିଶ୍ୱକପ: ପ୍ରଥମ ଦିବସରେ ରହିଛି ୬ମ୍ୟାଚ୍‌, ରବିବାର ଭାରତ-ୱେଷ୍ଟଇଣ୍ଡିଜ ଲଢ଼େଇ

 ରିଙ୍କୁ ସିଂ ଭାରତୀୟ ଟି ୨୦ ବିଶ୍ବକପ ୨୦୨୪ ବିଜେତା ଦଳରେ ସାମିଲ ଥିଲେ । ସେ ରିଜର୍ଭ ଖେଳାଳି ଭାବେ ଟିମରେ ସ୍ଥାନ ପାଇଥିଲେ । ଜାନୁଆରୀ ୨୨ରୁ ଇଂଲଣ୍ଡ ବିପକ୍ଷରେ ଆରମ୍ଭ ହେବାକୁ ଥିବା ଟି୨୦ ସିରିଜରେ ସେ ଭାରତୀଯ ଦଳରେ ସାମିଲ ଅଛନ୍ତି । ୨୦୨୩ ଆଇପିଏଲରେ ନାମ କମାଇଥିବା ରିଙ୍କୁ ସିଂ ୨୦୨୪ ସିଜନର ବିଶେଷ ପ୍ରଦର୍ଶନ କରିନଥିଲେ । ମାତ୍ର ତାଙ୍କ ଦଳ କେକେଏଲ ବିଜେତା ହୋଇଥିଲା ।

କିଏ ପ୍ରିୟା ସରୋଜ- ୨୬ ବର୍ଷୀୟା ପ୍ରିୟା ସରୋଜ ଉତ୍ତରପ୍ରଦେଶ ମଛଲିସହର ଆସନରୁ ସାଂସଦ ଅଛନ୍ତି । ସେ ୨୦୨୪ ଲୋକସଭା ନିର୍ବାଚନରେ ବିଜୟୀ ହୋଇଥିଲେ । ପ୍ରିୟା ସରୋଜଙ୍କ ବାପା ତୁଫାନୀ ସରୋଜ ସମାଜବାଦୀ ପାର୍ଟିର ଜଣେ ବଡ ନେତା । ସେ ୩ ଥର ସାଂସଦ  ରହିଛନ୍ତି । ବର୍ତ୍ତମାନ କେରାକତ ଆସନକୁ ସପା ବିଧାୟକ ଅଛନ୍ତି ।