ଭୁବନେଶ୍ଵର, ୦୮/୧୧ : ମଣିଷ ଏକ ସାମାଜିକ ପ୍ରାଣୀ । ତା' ପାଇଁ କଥାବାର୍ତ୍ତା ସେତିକି ଜରୁରି, ଯେତିକି ନିଶ୍ୱାସ ନେବା । ଯଦି ନିଜର ଭାବନା ଓ ବିଚାରକୁ ଅନ୍ୟ ଆଗରେ ପ୍ରକାଶ କରା ନଯାଏ, ତେବେ ମାନିସକ ସ୍ୱାସ୍ଥ୍ୟ ବିଗିଡ଼ିବାର ଆଶଙ୍କା ଉପୁଜିଥାଏ । ସମାଜରେ ଏମିତି ଲୋକ ଅଛନ୍ତି, ଯେଉଁମାନେ ମନର କଥାକୁ ଶବ୍ଦରେ ପ୍ରକାଶ କରିପାରି ନଥାନ୍ତି । ଭାବନାକୁ ମନ ଭିତରେ ଚାପି ରଖିବା ଦ୍ୱାରା ଅନେକ ମାନସିକ ସମସ୍ୟା ବଢିପାରେ । ନିକଟରେ ହୋଇଥିବ ଏକ ସର୍ଭେରୁ ଜଣାପଡିଛି । ଏଥିରୁ ରକ୍ଷା ପାଇବା ପାଇଁ କେତେକ ପରାମର୍ଶ ମଧ୍ୟ ଦିଆଯାଇଛି । କିଛି ଲୋକଙ୍କ ମନରେ ଉଠୁଥିବା ଭାବନାକୁ ଚାପି ଦେଇଥାନ୍ତି, ଯହା ଆଦୌ ଠିକ୍ ନୁହେଁ । ଏହା ମାନସିକ ସ୍ୱାସ୍ଥ୍ୟକୁ ପ୍ରଭାବିତ କରିଥାଏ । ବିଶେଷକରି ଯେତେବେଳେ ନିଜର ଲୋକ ଭାବନାକୁ ବୁଝିବାରେ ଅସମର୍ଥ ହୋଇଥାଏ । ସେତେବେଳେ ଏକଲାପଣ ଓ ନିରାଶଭାବ ଅନୁଭବ ହୁଏ । କାନାଡାର ମ୍ୟାକ୍ଗିଲ୍ ବିଶ୍ୱବିଦ୍ୟାଳୟର ସର୍ଭେରୁ ଜଣାପଡିଛି ଯେ ସାମାଜିକ ସମ୍ପର୍କକୁ ବୁଝିବାର କ୍ଷମତା ଏବଂ ମାନସିକ ସ୍ୱାସ୍ଥ୍ୟ ଭିତରେ ଗଭୀର ସମ୍ପର୍କ ରହିଛି ।
ସାମାଜିକ ସଂଜ୍ଞାକୁ ବୁଝିବା ଜରୁରି
ସାମାଜିକ ସଂଜ୍ଞା ଏକ ଜଟିଳ ମାନସିକ ପ୍ରକ୍ରିୟା, ଯାହା ଆମକୁ ଅନ୍ୟର ଭାବନା, ବିଶ୍ୱାସ ଓ ଅନୁମାନକୁ ବୁଝିବାର କ୍ଷମତା ଦେଇଥାଏ । ଏହି ପ୍ରକ୍ରିୟା କେବଳ ଅନ୍ୟ ସହ ଯୋଡ଼ି ହେବାର ସହଯୋଗ କରି ନଥାଏ, ବରଂ ଅନ୍ୟକୁ ବୁଝିବା ତଥା ବ୍ୟବହାର ଓ ପ୍ରତିକ୍ରିୟାକୁ ଜାଣିବାର ସୁଯୋଗ ଦେଇଥାଏ ।
ସାମାଜିକ ଜୀବନରେ ପଡେ ପ୍ରଭାବ
ମାନସିକ ସ୍ୱାସ୍ଥ୍ୟ ସମସ୍ୟା ସାମାଜିକ ଜୀବନଶୈଳୀକୁ ପ୍ରଭାବିତ କରିଥାଏ । ଏହି ବିକାରଗ୍ରସ୍ତ ଲୋକ ଅନ୍ୟର ଭାବନାକୁ ବୁଝିବା ଏବଂ ଅନ୍ୟର ଭାବନାକୁ ପ୍ରଭାବି ଢଙ୍ଗରେ କହିବାରେ ସମସ୍ୟା ଅନୁଭବ କରିଥାନ୍ତି । ଗବେଷଣାରେ ସ୍ପଷ୍ଟ କରାଯାଇଛି କେତେକ ମାନସିକ ଡିସ୍ଅର୍ଡର୍ ଯେପରିକି ଅବସାଦ, ବାୟୋପୋଲାର ଡିସ୍ଅର୍ଡର୍ ଓ ସ୍କିଜୋଫ୍ରିନିଆରେ ମାନସିକ କୌଶଳର ଅଭାବ ପରି ଲକ୍ଷଣ ଖୁବ୍ ସାଧାରଣ । ଅବସାଦଗ୍ରସ୍ତ ବ୍ୟକ୍ତି ପ୍ରାୟତଃ ନିଜକୁ ଅନ୍ୟ ଭିତରେ ଅଲଗା-ଅଲଗା ରୂପରେ ଅନୁଭବ କରିଥାନ୍ତି । ବାୟୋପୋଲାର୍ ଡିସ୍ଅର୍ଡରରେ ମୁଡ୍ ସୁଇଂ କାରଣରୁ ସାମାଜିକ ସମ୍ପର୍କରେ ଅସ୍ଥିରତା ଆସିପାରେ । ସ୍କିଜୋଫ୍ରିନିଆରେ ଭ୍ରମ ଓ ମତିଭ୍ରମ ପରି ଲକ୍ଷଣ କାରଣରୁ ବ୍ୟକ୍ତି ଅନ୍ୟ ଉପରେ ଅବିଶ୍ୱାସ କରିଥାଏ ।
ଲୋକଙ୍କ ସହ ତାଳମେଳରେ ପଡିପାରେନା
ବାୟୋପୋଲାର୍ ଡିସ୍ଅର୍ଡର ଥିଲେ । ସେମାନଙ୍କୁ ଅନ୍ୟ ସହ ତାଳମେଳ ପକାଇବା କଷ୍ଟ ହୋଇଥାଏ । ଏମାନେ ଅନ୍ୟର କଥାକୁ ସହଜରେ ବୁଝିପାରି ନଥାନ୍ତି । ସେହିପରି ନିଜର ଭାବନାକୁ ମଧ୍ୟ ଠିକ୍ ଭାବେ ଉପସ୍ଥାପନ କରିପାରି ନଥାନ୍ତି । ଫଳରେ ସାଙ୍ଗସାଥୀ ଓ ସମ୍ପକୀୟଙ୍କ ଗହଣରେ ସାମିଲ୍ ହେବା ସହଜ ହୋଇ ନଥାଏ ।
ଅନ୍ୟର ଭାବନାକୁ ବୁଝନ୍ତୁ
କେବେ କେବେ ଆମେ ଅନ୍ୟର ଭାବନାକୁ ଭଲ ଭାବେ ବୁଝିପାରି ନଥାଉ । କିନ୍ତୁ ଏହି ସମସ୍ୟାକୁ ଦୂର କରିବା ପାଇଁ ଅନେକ ବାଟ ରହିଛି ।
