ନୂଆଦିଲ୍ଲୀ: ସୁରଟର ଲିମ୍ବାୟତ ଅଞ୍ଚଳର ମିଠି ଖାଦି ଅଞ୍ଚଳରେ ଏକ ଭୟଙ୍କର ଅଗ୍ନିକାଣ୍ଡ ଘଟଣା ଘଟିଛି। ଏହି ଦୁର୍ଘଟଣାରେ ୫ ଜଣ ଜୀବନ୍ତ ଦଗ୍ଧ ହୋଇଥିବା ସୂଚନା ମିଳୁଛି। ରିପୋର୍ଟ ଅନୁଯାୟୀ,ଏକ ଦୁଇ ମହଲା କୋଠାର ତଳ ମହଲାରେ ରୋଷେଇ କରୁଥିବା ସମୟରେ ଅଗ୍ନିକାଣ୍ଡ ଘଟଣା ଘଟିଥିଲା, ଯାହା ଏକ ସିଲିଣ୍ଡରରୁ ଗ୍ୟାସ ଲିକ୍ ହେବା ଯୋଗୁଁ ଘଟିଥିଲା ବୋଲି ସୂଚନା ରହୁଛି। ଘର ଭିତରେ ଥିବା ଲୋକ ମାନେ କେହି ବି, ବାହାରକୁ ଯିବାକୁ ସୁଯୋଗ ପାଇ ନଥିଲେ ଏବଂ କିଛି ସମୟ ମଧ୍ୟରେ ୫ ଜଣ ଜୀବନ୍ତ ଦଗ୍ଧ ହୋଇଯାଇଥିଲେ।
ଘଟଣା ସମ୍ପର୍କରେ ସୂଚନା ପାଇବା ପରେ, ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଭିତରେ ଫସି ରହିଥିବା ସମସ୍ତଙ୍କୁ ଉଦ୍ଧାର କରି ସୁରଟର ଏକ ହସ୍ପିଟାଲରେ ଭର୍ତ୍ତି କରିଥିଲେ। ଡାକ୍ତର ମାନେ ସମସ୍ତ ପାଞ୍ଚ ଜଣଙ୍କୁ ମୃତ ଘୋଷଣା କରିଥିଲେ। ଏମାନେ ସମସ୍ତେ ଗୋଟିଏ ପରିବାରର ବୋଲି ଜଣାପଡିଛି ।
ସମ୍ପୂର୍ଣ୍ଣ ଘଟଣା ଥିଲା ଏମିତି...
ସୂଚନା ଅନୁଯାୟୀ, ସକାଳ ୧୧ଟାରେ ସୁରଟର ଲିମ୍ବାୟତ ଅଞ୍ଚଳର ମିଠି ଖାଦି ଅଞ୍ଚଳରେ ଏକ ଦୁଇ ମହଲା କୋଠାରେ ରୋଷେଇ କରୁଥିବା ସମୟରେ ହଠାତ୍ ଅଗ୍ନିକାଣ୍ଡ ଘଟିଥିଲା। ପରିବାରର ଅନ୍ୟ ସଦସ୍ୟ ମାନେ ଘରେ କାମ କରୁଥିଲେ । ଏମାନେ ଶାଢ଼ିରେ ଡିଜାଇନ୍ ସିଲାଇ କରୁଥିଲେ। ହଠାତ୍ ନିଆଁ ଘରେ ଥିବା ଶାଢ଼ି ଏବଂ ରାସାୟନିକ ଡ୍ରମକୁ ବ୍ୟାପିଗଲା। ନିଆଁ ଏତେ ଭୟଙ୍କର ଥିଲା ଯେ କାହାକୁ ଖସିଯିବାର ସୁଯୋଗ ମିଳିଲା ନାହିଁ। କିଛି ମିନିଟ୍ ମଧ୍ୟରେ ନିଆଁ ଦୁଇ ମହଲା କୋଠାକୁ ଗ୍ରାସ କରିଦେଲା, ଯାହା ଫଳରେ ସମଗ୍ର ଅଞ୍ଚଳରେ ଘନ ଧୂଆଁର କୁହୁଡ଼ି ଖେଳିଗଲା। ଦମକଳ ବାହିନୀ ପହଞ୍ଚିବା ପରେ ପରିବାରର ସମସ୍ତ ସଦସ୍ୟ ଚେତାଶୂନ୍ୟ ହୋଇ ପଡ଼ିଥିଲେ। ସେମାନଙ୍କୁ ଆମ୍ବୁଲାନ୍ସ ଯୋଗେ ସୁରଟର ସରକାରୀ ଡାକ୍ତରଖାନାକୁ ପଠାଯାଇଥିଲା, ଯେଉଁଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।
ଅଗ୍ନିକାଣ୍ଡର ମୁଖ୍ୟ କାରଣ...
ସୁରତ ମୁଖ୍ୟତଃ ପଲିଷ୍ଟର ଶାଢୀ ଉତ୍ପାଦନ କରେ, ଯାହା ରାସାୟନିକ ଏବଂ ତେଲ ବ୍ୟବହାର କରେ। ତେଲ ଏବଂ ରାସାୟନିକ ପଦାର୍ଥ ଶୀଘ୍ର ନିଆଁକୁ ବଢାଇ ଦେଇଥିଲା, ଯାହା ଫଳରେ କେହି ବାହାରକୁ ଖସି ପଳାଇ ଆସିବାରେ ସକ୍ଷମ ହୋଇନଥିଲେ। ସକାଳ ୧୧ଟା ହୋଇଥିବାରୁ, ଭିତରେ କୌଣସି ପୁରୁଷ ନଥିଲେ, କେବଳ ମହିଳା ଥିଲେ ।
ଏହା ସହ ପଢନ୍ତୁ : ତେଲ ଆଉ ଗ୍ୟାସ ସଙ୍କଟ ଭିତରେ ଫେରୁଛି କିରୋସିନ୍ ଯୁଗ, ଆପଣ କ’ଣ ଜାଣନ୍ତି କେଉଁ ଦେଶ କିରୋସିନ୍ ଉତ୍ପାଦନରେ ପ୍ରଥମ ?
