ନୂଆଦିଲ୍ଲୀ,୩୦/୦୬: ଘରୋଇ ଇଂଲଣ୍ଡ ଓ ଇଣ୍ଡିଆ ମଧ୍ୟରେ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଆରମ୍ଭ ହୋଇଛି । ପ୍ରଥମ ଟେଷ୍ଟ ଲିଡ୍ସରେ ଖେଳାଯାଇଥିଲା । ଭାରତ ୫ ୱିକେଟରେ ପରାସ୍ତ ହୋଇଥିଲା । ଏବେ ସିରିଜ ୧-୦ ସ୍ଥିତିରେ ରହିଛି । ପ୍ରଥମ ଟେଷ୍ଟରେ ପରାଜୟ ପରେ ସିରିଜକୁ ଫେରିବା ପାଇଁ ଏଜବାଷ୍ଟନରେ ଖେଳା ଯିବାକୁ ଥିବା ଦ୍ୱିତୀୟ ଟେଷ୍ଟ ନେଇ ଟିମ୍ ଇଣ୍ଡିଆ ପ୍ରସ୍ତୁତି ଜାରି ରଖିଛି । କୁହାଯାଉଛି କି ଏହି ଟେଷ୍ଟରେ ବିଶ୍ରାମ ନେଇ ପାରନ୍ତି ଯଶପ୍ରୀତ ବୁମରା । ଯଦି ସେ ଦ୍ୱିତୀୟ ଟେଷ୍ଟରୁ ବାଦ୍ ପଡନ୍ତି ତେବେ ତାଙ୍କ ସ୍ଥାନରେ କାହାକୁ ଟିମ୍ ଇଣ୍ଡିଆରେ ସାମିଲ କରାଯିବ । ଆକାଶ ଦୀପ ନା ଅର୍ଶଦୀପ ସିଂହ କାହାକୁ ମିଳିବ ସୁଯୋଗ । ପଢନ୍ତୁ ଏହି ରିପୋର୍ଟ ।
ଇଂଲଣ୍ଡ ବିପକ୍ଷ ଲିଡ୍ସ ଟେଷ୍ଟରେ ଦ୍ରୁତ ବୋଲର ଯଶପ୍ରୀତ ବୁମରାଙ୍କ ଉଚ୍ଚକୋଟୀର ପ୍ରଦର୍ଶନ ରହିଥିଲା । ପ୍ରଥମ ଇନିଂସରେ ବୁମରା ୫ଟି ୱିକେଟ ହାସଲ କରିଥିଲେ । ଇଂଲଣ୍ଡ ବୋଲଙ୍କୁ ଘାଇଲା କରିଥିଲେ ଅନୁଭବୀ ବୁମ୍ ବୁମ୍ ବୁମରା । ଆସନ୍ତା ଜୁଲାଇ ୨ରୁ ଏଜବେଷ୍ଟନରେ ଦ୍ବିତୀୟ ଟେଷ୍ଟ ଆରମ୍ଭ ହେବ । ଏହି ଟେଷ୍ଟରୁ ବୁମରା ବାଦ ପଡିପାରନ୍ତି। ଯଦି ଏମିତି ହୁଏ ତେବେ ଭାରତ ପାଇଁ ଏହା ଏକ ଝଟକାଠୁ କିଛି କମ୍ ନୁହେଁ । ପ୍ରଥମରୁ ହିଁ ହେଡ୍ କୋଚ କହିଥିଲେ କି ବୁମରା ୫ଟି ଟେଷ୍ଟରୁ ୩ଟି ଖେଳିବେ । ଗୋଟିଏ ଟେଷ୍ଟ ବୁମରା ଖେଳିଛନ୍ତି ବାକି ୪ରୁ କେବଳ ୨ଟି ହିଁ ଖେଳିବେ ବୁମରା । ଯଦି ସେ ଦ୍ବିତୀୟ ଟେଷ୍ଟ ନ ଖେଳନ୍ତି ତେବେ ତାଙ୍କ ସ୍ଥାନରେ ଆକାଶ ଦୀପ କିମ୍ବା ଅର୍ଶଦୀପଙ୍କୁ ଏକାଦଶରେ ନିଆଯାଇପାରେ ।
ଆକାଶ ଦୀପ ନା ଅର୍ଶଦୀପ ? ଶ୍ରେଷ୍ଠ ବୋଲର ବୁମରା ଏହି ସିରିଜର ୩ଟି ଟେଷ୍ଟ ଖେଳିବେ ବୋଲି ପୂର୍ବରୁ ସ୍ପଷ୍ଟ କରି ସାରିଛନ୍ତି । ତେଣୁ ଏଜବାଷ୍ଟନରେ ସେ ବିଶ୍ରାମ ନେବା ଏକପ୍ରକାର ନିଶ୍ଚିତ । ତାଙ୍କ ଅନୁପସ୍ଥିତିରେ ବୋଲିଂ ବିଭାଗକୁ ସନ୍ତୁଳିତ କରିବା ପାଇଁ ଜୋରଦାର ପ୍ରସ୍ତୁତି ଚାଲିଛି । ଆକାଶ ଦୀପ ଓ ଅର୍ଶଦୀପଙ୍କୁ ନୂଆ ବଲ୍ରେ ଦୀର୍ଘ ସମୟ ଧରି ବୋଲିଂ ଅଭ୍ୟାସ କରାଯାଇଥିଲା ।
ଯଦି ଆକାଶ ଦୀପଙ୍କ କଥା କହିବା ତେବେ ଟେଷ୍ଟ ଡେବ୍ୟୁରେ ତାଙ୍କର ପ୍ରଦର୍ଶନ ଏତେ ଭଲ ନଥିଲା । ଅଷ୍ଟ୍ରେଲିଆ ଗସ୍ତରେ ତାଙ୍କ ବୋଲିଂ ଲେନ୍ଥ-ଲାଇନ୍ ବିଗିଡ଼ି ଯାଇଥିଲା । ୨୮ ବର୍ଷୀୟ ଆକାଶ ଏଯାବତ୍ ୭ଟି ଟେଷ୍ଟ ଖେଳି ୧୫ ୱିକେଟ ନେଇଛନ୍ତି । ତାଙ୍କ ଆଭରେଜ ୩୫.୨୦ ରହିଛି । ଯାହା ଆଶା ଅନୁସାରେ କମ୍ ।
ସେହିପରି ଅର୍ଶଦୀପ ସିଂହଙ୍କୁ ଟେଷ୍ଟ ଡେବ୍ୟୁ କରିବାର ସୁଯୋଗ ମିଳିନାହିଁ । ହେଲେ ଇଂଲଣ୍ଡରେ ତାଙ୍କର ରେଡବଲ୍ କ୍ରିକେଟ୍ ଅନୁଭବ ରହିଛି । ୨୦୨୩ରେ କେଣ୍ଟ ପାଇଁ କାଉଣ୍ଟିଂ କ୍ରିକେଟ ଖେଳିଥିଲେ । ୫ ମ୍ୟାଚ ଖେଳି ୧୩ଟି ୱିକେଟ ନେଇଥିଲେ । ସେବେ ତାଙ୍କ ଆଭରେଜ ଥିଲା ୪୧.୭୬ । ଯଦି ଅର୍ଶଦୀପ ଖେଳନ୍ତି ତେବେ ପେସ୍ ଆଟକ୍ରେ ପରିବର୍ତ୍ତନ ହେବ । କାରଣ ତାଙ୍କର ବାମହାତୀ ଦ୍ରୁତ ବୋଲିଂ ବ୍ୟାଟରଙ୍କୁ ଅଡୁଆରେ ପକାଇପାରେ ।
