ଭୁବନେଶ୍ୱର ୧୯/୧୨: ଅନ୍ୟକୁ କଟାକ୍ଷ କରିବା କିମ୍ବା ଅପମାନିତ କରିବାକୁ କିଛି ଲୋକ ଖୁବ୍ ପସନ୍ଦ କରିଥାନ୍ତି । ଆମ ସମସ୍ତଙ୍କ କ୍ଷେତ୍ରରେ ଏମିତି ଥରେ ଅଧେ ନିଶ୍ଚୟ ହୋଇଥିବ । ଏ କ୍ଷେତ୍ରରେ ମହିଳାମାନେ ଟିକେ ଆଗୁଆ । କିଛି ଲୋକ ସମ୍ପର୍କକୁ ଭଲ ରଖିବା ପାଇଁ ଅପମାନିତ ହେବା ସମୟରେ ଚୁପ୍ ରହିଥାନ୍ତି । କିନ୍ତୁ ସମସ୍ତଙ୍କ କ୍ଷେତ୍ରରେ ଏହା ସମ୍ଭବ ହୋଇ ନଥାଏ । ଏ ସମୟରେ ଝଗଡା କରିବା ପରିବର୍ତ୍ତେ ଏମିତି ଉତ୍ତର ଦିଅନ୍ତୁ, ଯାହା ଆପଣଙ୍କୁ ଅନ୍ୟମାନଙ୍କଠାରୁ ଭିନ୍ନ କରିପାରିବ । ଏପରିକି ସାମ୍ନାରେ ଥିବା ଲୋକ ମଧ୍ୟ କିଛି ଶିଖିପାରିବେ । ଯଦି ଆପଣ କେବେ ଏମିତି ପରିସ୍ଥିତିର ଶିକାର ହୁଅନ୍ତି, ତେବେ ଏହାକୁ ଏମିତି ଡିଲ୍ କରନ୍ତୁ । ଯେପରି ସମ୍ପର୍କ ଭଲ ରହିବା ସହ ସେହି ବ୍ୟକ୍ତି ଆଗାମୀ ଦିନରେ କଟାକ୍ଷ କରିବାଠାରୁ ଦୂରେଇ ରହିପାରିବ ।
ନିଜକୁ ଶାନ୍ତ ରଖନ୍ତୁ
ଯଦି କେହି ଆପଣଙ୍କୁ କଟାକ୍ଷ କରୁଥାନ୍ତି କିମ୍ବା ବ୍ୟକ୍ତିଗତ ଭାବେ କମେଟ୍ କରୁଥାନ୍ତି । ତେବେ ଏହି ସମୟରେ ନିଜକୁ ଶାନ୍ତ ରଖନ୍ତୁ । ତରତର ହୋଇ କୌଣସି ଜବାବ ଦେବାକୁ ପ୍ରୟାସ କରନ୍ତୁନି । ବରଂ ପ୍ରଥମେ ପୁରା କଥା ଶୁଣିବା ସହ କଥାକୁ ବୁଝନ୍ତୁ । ଉପଯୁକ୍ତ ସମୟ ଆସିଲେ ଏହି କଟାକ୍ଷର ଉତ୍ତର ଶାଳୀନତାର ସହ ଦିଅନ୍ତୁ ।
କଥାକୁ ଅଣଦେଖା କରିବା ଶିଖନ୍ତୁ
ଯେତେବେଳେ କେହି ଆପଣଙ୍କର ନିନ୍ଦା କିମ୍ବା କଟାକ୍ଷ କରୁଥାନ୍ତି କିମ୍ବା ଅନ୍ୟ ଆଗରେ ନିଚ୍ଚା ଦେଖାଇବାକୁ ପ୍ରୟାସ କରୁଥାନ୍ତି, ପ୍ରତ୍ୟେକ ଥର ଏହାର ଉତ୍ତର ଦେବା ଜରୁରି ନୁହେଁ । ଅନେକ ସମୟରେ ଶାନ୍ତ ରହିବା ଦ୍ୱାରା ମଧ୍ୟ ସ୍ଥିତି ନିୟନ୍ତ୍ରିତ ହୋଇଯାଇଥାଏ । ଜବାବ୍ ଦେବା ଦ୍ୱାରା ନିଜର ମୁଡ୍ ଖରାପ ହୋଇପାରେ । ତେଣୁ ଏହି ସ୍ଥିତିରେ ସେହି ବ୍ୟକ୍ତିଙ୍କ କଥାକୁ ଅଣଦେଖା କରିଦେବା ଉଚିତ୍ ।
ସାମାନ୍ୟ ହସି ଜବାବ୍ ଦେଇପାରିବେ
କେହି ଅପମାନିତ କରୁଥିବା ସମୟରେ ସେହି ବ୍ୟକ୍ତିକୁ ରାଗରେ ଉତ୍ତର ଦେବା ଠାରୁ ଦୂରେଇ ରୁହନ୍ତୁ । ବରଂ ସାମାନ୍ୟ ହସି ଦେଇ ସେହି ବ୍ୟକ୍ତିକୁ ଜବାବ୍ ଦ୍ୱାରା ମାହୋଲ୍ ବିଗିଡିବା ପରିବର୍ତ୍ତେ ଶାନ୍ତ ରହିଥାଏ ।
ଠିକ୍ ଶବ୍ଦର ଚୟନ କରନ୍ତୁ
ଯଦି କେହି ଆପଣଙ୍କୁ ନିଚ୍ଚା ଦେଖାଇବାକୁ ପ୍ରୟାସ କରୁଥାଏ, ତେବେ ଏହି ସମୟରେ ଶାନ୍ତ ରହି ସଠିକ୍ ଶବ୍ଦର ଚୟନ କରିବା ପରେ ହିଁ ପ୍ରତିକ୍ରିୟା ଦିଅନ୍ତୁ । ଏପରି କରିବା ଦ୍ୱାରା ଆପଣଙ୍କ ଜବାବ୍ ପ୍ରଭାବଶାଳୀ ହୋଇଥାଏ ।
ଆତ୍ମବିଶ୍ୱାସ ବଜାୟ ରଖନ୍ତୁ
ଯଦି କେହି ଆପଣଙ୍କୁ ଅପମାନିତ କରୁଛି, ତେବେ ଏହା ଆପଣଙ୍କର ନୁହେଁ ଅପମାନିତ କରୁଥିବା ବ୍ୟକ୍ତିର ଭୁଲ୍ । ତେଣୁ ଆପଣ ନିଜର ଆତ୍ମବିଶ୍ୱାସ ବଜାୟ ରଖିବା ସହ ଆଗେଇ ଚାଲିବା ଆବଶ୍ୟକ । ଏହି ବ୍ୟକ୍ତିର କଥାକୁ ଅଣଦେଖା କରିବା ସହ ନିଜ ଗନ୍ତବ୍ୟ ପଥରେ ଆଗେଇ ଯିବାକୁ ଚେଷ୍ଟା କରନ୍ତୁ।
