ନୂଆଦିଲ୍ଲୀ,୦୧/୦୨: ଭାରତୀୟ ତଟରକ୍ଷୀ ବାହିନୀ । ତଟ ସୁରକ୍ଷାର ଜାଗ୍ରତ ପ୍ରହରୀ । ଦେଶ ସୁରକ୍ଷାରେ ତଟରକ୍ଷା ବାହିନୀଙ୍କର ବେଶ୍ ଗୁରୁତ୍ବପୂର୍ଣ୍ଣ ଭୂମିକା ରହିଛି । ଦେଶ ସୁରକ୍ଷାରେ ସେମାନଙ୍କ ବଳିଦାନକୁ ମନେ ପକାଇ ପ୍ରତିବର୍ଷ ଫେବୃଆରୀ ୧ ତାରିଖରେ ଭାରତୀୟ ତଟରକ୍ଷା ବାହିନୀ ଦିବସ ପାଳନ କରାଯାଏ । ଚଳିତ ବର୍ଷ ତଟରକ୍ଷାବାହିନୀ ତାର ୪୯ତମ ପ୍ରତିଷ୍ଠା ଦିବସ ପାଳନ କରୁଛି ।
ତଟରକ୍ଷା ବାହିନୀ ଦିବସ- ୧୯୭୭ରେ ଏକ ଛୋଟ ବାହିନୀରୁ ୧୫୦ରୁ ଅଧିକ ଜାହଜ ଏବଂ ୭୫ଟି ବିମାନ ସହିତ ଏକ ମହାନ ସାମୁଦ୍ରିକ ସୁରକ୍ଷା ସେବାରେ ପରିଣତ ହୋଇଥିଲା । ଭାରତୀୟ ତଟ ସୁରକ୍ଷା ଦାୟିତ୍ବ ଇଣ୍ଡିଆନ କୋଷ୍ଟଗାର୍ଡ ବା ଭାରତୀୟ ତଟରକ୍ଷା ବାହିନୀକୁ ହସ୍ତାନ୍ତର କରାଯାଇଥିଲା । ଇଣ୍ଡଆନ୍ କୋଷ୍ଟଗାର୍ଡ ଏକ ମଲ୍ଟି ମିଶନ୍ ସଂଗଠନ ଯେଉଁମାନେ ବର୍ଷସାରା ସମୁଦ୍ରରେ ରିଅୟ ଲାଇଫ ଅପରେସନ କରିଥାନ୍ତି । ଭାରତୀୟ ତଟରକ୍ଷା ବାହିନୀର ଉଦ୍ଦେଶ୍ୟ ହେଉଛି ଆମେ ସୁରକ୍ଷା ଦେଉଛୁ ( we protect) । ସମୁଦ୍ରପଥକୁ ସୁରକ୍ଷା ଦେବାକୁ ଆପ୍ରାଣ ଉଦ୍ୟମ କରୁଛନ୍ତି ତଟରକ୍ଷା ବାହିନୀର ଯବାନ । ସେମାନଙ୍କ ସେବା ସମ୍ପର୍କରେ ସଚେତନତା ସୃଷ୍ଟି କରିବାକୁ ପ୍ରତିବର୍ଷ ଫେବୃଆରୀ ୧ ତାରିଖକୁ ଭାରତୀୟ ତଟରକ୍ଷା ଦିବସ ପାଳନ କରାଯାଏ । ତଟରକ୍ଷାବିହନୀ ପ୍ରମୁଖ ସଫଳତା ମଧ୍ୟରେ ଜୀବନ ରକ୍ଷାକାରୀ ମିଶନ, ଚୋରା ଚାଲାଣ, ବିପର୍ଯ୍ୟୟ ପ୍ରତିକ୍ରିୟା ଏବଂ ପରିବେଶ ସୁରକ୍ଷା ଅନ୍ତର୍ଭୁକ୍ତ ହୋଇଛି ।
ପ୍ରତିରକ୍ଷା ମନ୍ତ୍ରଣାଳୟର ଏକ ଅଂଶ ତଟରକ୍ଷା ବାହିନୀ । ୧୯୭୭ ମସିହା ଫେବୃଆରୀ ୧ ତାରିଖରେ ଭାରତୀୟ ସମ୍ବିଧାନ ତଟରକ୍ଷୀ ଅଧିନିୟମ ଦ୍ବାରା ସ୍ଥାପନ କରାଯାଇଥିଲା । ତଟରକ୍ଷା ବାହିନୀରେ ଅଧିକାରୀମାନଙ୍କ ପଦବୀ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀର ପଦବୀ ସହିତ ସମାନ । ୭ଟି ସରଫେସ୍ ସିପକୁ ନେଇ ଏହା ଗଠନ ହୋଇଥିଲା । ଯାହା ବର୍ତ୍ତମାନ ୭୮ ଏୟାରକ୍ରାଫ୍ଟ ଓ ୧୫୮ଟି ସିପକୁ ବଳ ଦେଉଛି । ଚଳିତବର୍ଷ ୨୦୦ ପୃଷ୍ଠଭୂମି ଓ ୮୦ ବିମାନ ବଳ ସ୍ତର ହାସଲ କରିବାକୁ ଲକ୍ଷ୍ୟ ରଖାଯାଇଛି । ୨୦୦୮ ମୁମ୍ବାଇରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଭାରତ ସରକାର ଭାରତୀୟ ତଟରକ୍ଷା ବାହିନୀ, ସମ୍ପତ୍ତି ଏବଂ ଭିତ୍ତିଭୂମି ବିସ୍ତାର ପାଇଁ କାର୍ଯ୍ୟକ୍ରମ ଆରମ୍ଭ କରିଥିଲେ । ବର୍ତ୍ତମାନ ୧୫୧ଟି ଜାହଜ ଏବଂ ୭୬ଟି ବିମାନ ପରିଚାଳନା କରୁଛି । ୨୦୩୦ ସୁଦ୍ଧା ତଟରକ୍ଷାବାହିନୀ ଆହୁରି ବିସ୍ତାର କରିବାକୁ ଯୋଜନା ହେଉଛି ।
