ନୂଆଦିଲ୍ଲୀ,୧୮/୧୧: ପରିବାରର ପିଲର ପରି ହୋଇଥାନ୍ତି ପୁରୁଷ । ଘରର ଦାୟିତ୍ବ ନିଅନ୍ତି ପରିବାର ସାହାର ହୋଇଥାନ୍ତି । ଧୈର୍ଯ୍ୟବାନ ହୋଇଥାନ୍ତି ବିଚଳିତ ହୁଅନ୍ତି ନାହିଁ । ପରିବାର ଖୁସି ପାଇଁ ସେମାନ ବଳିଦାନ ଦେଇଥାନ୍ତି । କେବେ ଜଣେ ବାପା, ଭାଇ, ସ୍ବାମୀ ତ ପୁଣି କେବେ ଜଣ ଭଲ ବନ୍ଧୁ ହୋଇଥାନ୍ତି । ଦୁଃଖ କଷ୍ଟ ଭୁଲି ନିଜର ଦାୟିତ୍ବ ତୁଲାଇଥାନ୍ତି । ୩୬୫ ଦିନରୁ ଆଜି ଗୋଟିଏ ଦିନ ସେମାନଙ୍କ ପାଇଁ ରହିଛି । ଆଜି ଅନ୍ତର୍ଜାତୀୟ ପୁରୁଷ ଦିବସ । ସମାଜ, ପରିବାର ଓ ସମୂଦାୟରେ ପୁରୁଷଙ୍କ ଅମୂଲ୍ୟ ଯୋଗଦାନକୁ ସମ୍ମାନ ଜଣାଇ ପ୍ରତିବର୍ଷ ନଭେମ୍ବର ୧୯ ତାରିଖକୁ ଅନ୍ତର୍ଜାତୀୟ ପୁରୁଷ ଦିବସ ଭାବରେ ପାଳନ କରାଯାଏ । ପୁରୁଷ ଏବଂ ଯୁବକଙ୍କ ଜୀବନ, ଉପଲବ୍ଧି ଏବଂ ଭୂମିକାକୁ ପରିଚିତ କରାଇବା ଏହି ଦିନର ଉଦ୍ଦେଶ୍ୟ ।
ଅନ୍ତର୍ଜାତୀୟ ପୁରୁଷ ଦିବସ ୨୦୨୪ର ବିଷୟବସ୍ତୁ- ପ୍ରତିବର୍ଷ ନଭେମ୍ବର ୧୯ ତାରିଖକୁ ପୁରୁଷଙ୍କ ପାଇଁ ସମର୍ପିତ କରାଯାଇଥାଏ । ଚଳିତ ବର୍ଷ ଏହି ଦିନର ଥିମ୍ ବା ବିଷୟବସ୍ତୁ ପୁରୁଷଙ୍କ ମାନସିକ ସ୍ବାସ୍ଥ୍ୟ ବିଷୟରେ ଆଲୋଚନା କରିବା ସହ ସେମାନଙ୍କ ପାଇଁ ଏକ ସାକାରତ୍ମକ ବାତାବରଣ ସୃଷ୍ଟି କରିବା । ଏହି ଦିନ ଅନେକ ସଚେତନତା କାର୍ଯ୍ୟକ୍ରମ ହୋଇଥାଏ ।
ଅନ୍ତର୍ଜାତୀୟ ପୁରୁଷ ଦିବସର ଇତିହାସ- ଆଜିକାଲି ମହିଳାମାନଙ୍କୁ ସମାନ ଅଧିକାର ଏବଂ ସମ୍ମାନ ପ୍ରଦାନ ପାଇଁ ଅନେକ ପ୍ରୟାସ କରାଯାଉଛି । ସମାଜ ଓ ଜାତିର ବିକାଶ କେବଳ ମହିଳା କିମ୍ବା ପୁରୁଷଙ୍କ ଉପରେ ନିର୍ଭର କରେ ନାହିଁ । ଏ ନେଇ ଉଭୟ ପୁରୁଷ ଏବଂ ମହିଳାଙ୍କ ଅବଦାନର ଆବଶ୍ଯକତା ରହିଛି । ୧୯୯୯ରୁ ପ୍ରଥମେ ପୁରୁଷ ଦିବସ ପାଳନ ହୋଇଥିଲା । ୱେଷ୍ଟଇଣ୍ଡିଜ ବିଶ୍ବ ବିଦ୍ୟାଳୟ ଇତିହାସ ପ୍ରଫେସର ଡକ୍ତର ଜେରୋମ ତିଲକସିଂହଙ୍କ ପ୍ରଚେଷ୍ଟାରେ ଏହି ଦିନ ଆରମ୍ଭ ହୋଇଥିଲା । ତାଙ୍କ ବାପାଙ୍କ ଜନ୍ମଦିନ ଅବସରରେ ପ୍ରଫେସର ଏହି ଦିନ ପାଳନ କରିଥିଲେ । ସେ ପୁରୁଷମାନଙ୍କୁ ନେଇ ପ୍ରସଙ୍ଗ ଉଠାଇବାକୁ ଉତ୍ସାହିତ କରିଥିଲେ । ୨୦୦୭ ନଭେମ୍ବର ୧୯ରେ ଅନ୍ତର୍ଜାତୀୟ ପୁରୁଷ ଦିବସ ପାଳନ କରାଯାଇଥିଲା ।
